Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տոնական անակնկալներ մարզի ղեկավարի կողմից 09.03.2020
Կանանց միջազգային օրվա առթիվ, մարզկենտրոնի կանանց և աղջիկներին մատուցվեցին հաճելի անակնկալներ: Լոռու մարզպետ Անդրեյ Ղուկասյանի նախաձեռնությամբ և գլխավորությամբ օրն իսկական տոնի էր վերածվել: Մարզի ղեկավարը մարզպետարանի մի խումբ պաշտոնյաների հետ այսօր Հայքի հրապարակից շարժվելով, Լոռու մարզի փրկարարական վարչության, շտապօգնության ծառայության և ոստիկանության աջակցությամբ ծաղիկներ նվիրեցին մարզկենտրոնի կանանց և աղջիկներին՝ շնորհավորելով Կանանց միջազգային օրվա կապակցությամբ և ջերմ բարեմաղթանքներ հղելով:
Վարչապետ Նիկոլ Փաշինյանը մարտի 7-ին այցելել է Լոռու մարզ: Կառավարության ղեկավարը Տարածքային կառավարման և ենթակառուցվածքների նախարար Սուրեն Պապիկյանի ու Լոռու մարզպետ Անդրեյ Ղուկասյանի ուղեկցությամբ նախ շրջայց է կատարել Գյուլագարակի հիմնանորոգված ճանապարհով: Տեղեկացվել է, որ 2,5 կմ երկարությամբ ճանապարհն ամբողջությամբ նորոգվել է 2019 թվականի ընթացքում: «Սա այն ճանապարհն է, որը տանում է դեպի Ստեփանավանի Դենդրոպարկ, որը Հայաստանի ամենագեղատեսիլ և եզակի վայրերից է: Այս ճանապարհի վատ լինելու պատճառով զբոսաշրջիկների հոսքը դեպի այս կարևոր վայր արգելակվում էր: Տարեկան այստեղ այցելում էր 25 հազար մարդ, հիմա հաշվարկներ կան, որ այդ թիվը կաճի 10%-ով: Այս ճանապարհը կառուցելով՝ տնտեսական շղթայական էֆեկտ կլինի»,- ասել է Նիկոլ Փաշինյանը՝ ավելացնելով, որ նախորդ տարվա ընթացքում Հայաստանում ներքին տուրիզմի 43 % աճ է գրանցվել, իսկ արտերկրից Հայաստան է ժամանել 1,9 մլն զբոսաշրջիկ:
ՀԱՍՏԱՏՎԵՑ 6 ԾՐԱԳԻՐ 09.03.2020
Այսօր Լոռու մարզպետարանում անցկացվեց Լոռու մարզի զբաղվածության աջակցության մարզային հանձնաժողովի այս տարվա առաջին նիստը, որը վարում էր հանձնաժողովի նախագահ, Լոռու մարզպետի տեղակալ Գայանե Մարկոսյանը: Ողջունելով ներկաներին՝ Գ. Մարկոսյանը նշեց, որ 2020թ. զբաղվածության ամենամյա «Վարձատրվող հասարակական աշխատանքների կազմակերպման միջոցով գործազուրկների ժամանակավոր զբաղվածության ապահովում» ծրագրի շրջանակում Լոռու մարզին հատկացված է 11 ծրագիր: -Մրցակցությունը բավականին մեծ էր, ներկայացվել էր շուրջ 60 հայտ, սակայն դրանցից ընտրել ենք հատկապես այն ծրագրերը, որոնք առավել կարևոր նշանակություն են ունեցել համայնքների համար մի քանի տեսանկյուններից: Նախատեսել ենք նաև, որ ծրագրեը շուտ կմեկնարեն և շուտ կավարտվեն, որպեսզի դրանց հաջող ավարտից հետո հնարավորություն ունենանք լրացուցիչ հայտերով դիմելու ՀՀ աշխատանքի և սոցիալական հարցերի նախարարությանը նոր ծրագրեր իրականացնելու ակնկալիքով,-նշեց փոխմարզպետը:
Վանաձորի էդ. Կզարթմյանի անվան երաժշտական դպրոցի դահլիճում միասնական համերգային ծրագրով հանդես եկան Համբուրգի աղջիկների երգչախումբը (խմբավար Գեսա Վերհան) և Վանաձորի կամերային երգչախումբը(ղեկավար Ռուզաննա Մխիթարյան): Միջոցառումն անց էր կացվում Կոմիտասի փառատոնի շրջանակներում՝ՀՀ ԿԳՄՍ նախարարության, Լոռու մարզպետարանի և «Հայաստանի փոքրիկ երգիչներ» երգչախմբի աջակցությամբ: Համերգին ներկա էր և մարզի ղեկավարի ու իր անունից ներկաներին ողջունեց Լոռու մարզպետի տեղակալ Գայանե Մարկոսյանը. -Երկու ազգերի միջև բարեկամությունը ձևավորվում է նաև բարձրարժեք մշակույթի միջոցով: Մարզպետարանը մշտապես պատրաստ է աջակցելու նման բարձրաճաշակ միջոցառումների իրականացմանը,-ասաց փոխմարզպետը՝ նաև նշելով, որ մարզպետարանը հյուրերի համար խորհրդանշական նվերներ է պատրաստել:
Մարտի 5-ին սպարապետ Վազգեն Սարգսյանը կդառնար 61 տարեկան 05.03.2020
Ավանդույթի համաձայն, յուրաքանչյուր տարի այս օրը Վանաձորում տեղակայված նրա արձանի շուրջը մարդաշատ է լինում: Այս տարին ևս բացառություն չէր: Մարզպետարանի ողջ աշխատակազմը վաղ առավոտյան Լոռու մարզպետ Անդրեյ Ղուկասյանի գլխավորությամբ հարգանքի տուրք մատուցեց և ծաղիկներ խոնարհեց սպարապետի արձանին: Շնորհավո՛ր ծնունդդ ՍՊԱՐԱՊԵՏ ու հաստատապես, այո՛, 21-րդ դարը մերն է լինելու:
-Մարզի առողջապահական հիմնարկների հաշվետվությունների ունկնդրումը երկու նպատակ է հետապնդում, նախ՝ տեսնելու, թե 2019 թ. ինչպե՞ս են աշխատել բուժհիմնարկները, ի՞նչ ձեռքբերումներ են արձանագրել և ապա՝ հանդիպելու կոլեկտիվի հետ և նրանցից անձամբ տեղեկանալու մտահոգող հարցերի և խնդիրների մասին,-Վանաձորի թիվ 5 համաբուժարանի տնօրեն Կարինե Բաղդասարյան կողմից ներկայացվող հաշվետվության ժամանակ նշեց մարզի ղեկավարը: Մարզպետը վստահեցրեց, որ բուժհիմնարկները գտնվում են իր ամենօրյա ուշադրության կենտրոնում, և յուրաքանչյուր նոր ձեռքբերում, որոնք հատկապես վերջին մեկ տարվա ընթացքում հաջորդում են մեկը մյուսին, առավել ոգևորվելու առիթ են տալիս և մոտիվացնում ավելի հաստատուն քայլերով առաջ շարժվելու:
