Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Անդրեյ Ղուկասյանի և Լոռու մարզպետարանի առողջապահության և սոցիալական ապահովության վարչության նախաձեռնությամբ շարունակվում են մարզային ենթակայության բուժհիմնարկների տնօրենների հաշվետվությունները և այսօր 2019թ. աշխատանքային հաշվետվությամբ հանդես եկավ Վանաձորի բժշկական կենտրոնի տնօրեն Վահագն Մկրտչյանը: Ներկա էին մարզի ղեկավարը, մարզպետարանի գլխավոր քարտուղար Արթուր Մխիթարյանը, առողջապահության և սոցիալական ապահովության վարչության պետի պաշտոնակատար Լուսինե Վարդանյանը: Ներկայացնելով նախաձեռնության նպատակը՝ Արթուր Մխիթարյանը նշեց, որ այս գործելաոճը աշխատանքներն առավել թափանցիկ և հաշվետվողական դարձնելու միտում ունի:
Հանդիպում «ԵՄ կանաչ գյուղատնտեսության նախաձեռնությունը Հայաստանում» ծրագրի պատասխանատուների հետ 27.02.2020
Լոռու մարզպետ Անդրեյ Ղուկասյանը մարզպետարանի ոլորտային պատասխանատուների հետ ներկա գտնվեց Վանաձորում հիմնված «ԵՄ կանաչ գյուղատնտեսության նախաձեռնությունը Հայաստանում» ծրագրի նորաբաց գրասենյակում, որտեղ Ավստրիայի հանրապետությունից Հայաստան ժամանած պատվիրակության ներկայացուցիչները և ծրագրի պատասխանատուները ներկայացրեցին ծրագրի իրականացմանն առնչվող մանրամասներ: Ծրագրի ղեկավար Պասկալ Բոկկերսը մարզպետ Անդրեյ Ղուկասյանին և մյուս հյուրերին ներկայացրեց ծրագրի առանձնահատկությունները՝ նշելով, որ այն ֆինանսավորվում է Եվրոպական միության և համաֆինանսավորվում ու իրականացվում Ավստրիական զարգացման գործակալության կողմից։ Ծրագրի նպատակն է Հայաստանի հյուսիսային երեք մարզերում՝ Լոռու, Շիրակի, Տավուշի, ընդհանուր և համաչափ ներառական աճի իրականացմանը նպաստելը՝ խթանելով կանաչ գյուղատնտեսության սկզբունքները և ավելացնելով տեղական արտադրանքի հավելյալ արժեքը։
Բնակիչներ են դիմում նաև ներդրումներ իրականացնելուն աջակցելու խնդրանքով 27.02.2020
Այսօր Լոռու մարզպետի տեղակալ Գայանե Մարկոսյանն անցկացրեց քաղաքացիների հերթական ընդունելությունը՝ հաղորդակից դառնալով ավելի քան մեկ տասնյակ բնակիչների խնդիրներին: Թեև հարցերի մեծ մասը դարձյալ սոցիալական բնույթի էին՝ ֆինանսական աջակցության, առողջապահական, բնակարանային պայմանների բարելավման և այլն, սակայն ուրախացնող է, երբ բնակիչներ են դիմում՝ ներդրումներ իրականացնելուն աջակցելու խնդրանքով: Վանաձորի բնակիչն Աշոտ Հովհաննիսյանը, մարզպետի տեղակալին տեղեկացրեց, որ ընկերոջ հետ նախատեսում է ինտենսիվ այգիներ հիմնել՝ այգեգործությամբ զբաղվելու նպատակով: Սեփական հողտարածք ունի, սակայն մի փոքր պակասում է: -Եթե վստահ լինենք, որ գործընթացն սկսված է, անպայման կօժանդակենք,-ասաց Գ. Մարկոսյանն՝ առաջարկելով առայժմ հողատարածք վարձակալել 3 տարի, հետագայում հաջողելու դեպքում՝ նաև ավելի երկարաժակետ:
Վանաձորի թիվ 6 հիմնական դպրոցի նախաձեռնությամբ և Լոռու մարզպետարանի՝ ի դեմս մարզպետ Անդրեյ Ղուկասյանի, աջակցությամբ փետրվարի 24-26-ն անցկացվեց Լոռու մարզի հիմնական դպրոցների եռօրյա բասկետբոլի առաջնություն՝ նվիրված Հայոց բանակի օրվան և զոհված զինծառայողների ու մասնավորապես՝ թիվ 6 դպրոցի սան հանդիսացող հերոսների՝ Սպարտակ Քալաշյանի, Գարիկ Պողոսյանի և Մովսես Խուդինյանի հիշատակին: Առաջնությանը մասնակցում էին 12 թիմեր Վանաձորի, Ալավերդու և Տաշիրի դպրոցներից:
Հունվարի 8-ից փետրվարի 14-ը կազմակերպվել և անց են կացվել դպրոցականների առարկայական օլիմպիադաների տարածքային և մարզային փուլերը, որոնց մասնացել է համապատասխանաբար՝ 1322 և 646 աշակերտ(նախորդ տարի՝ 1420 և 612): Առարկայական օլիմպիադաների հանրապետական փուլը մեկնարկել է օրերս և շարունակվելու է մինչև մարտի 28-ը, իսկ ՆԶՊ առարկայինը կանցկացվի մայիսի 15-17-ը: Մարզային փուլին բարձր միավորներ վաստակելու արդյունքում 130(նախորդ տարի՝ 111)աշակերտ իրավունք է նվաճել մասնակցելու օլիմպիադայի հանրապետական փուլին, որոնցից՝ մաթեմատիկա՝ 14, ֆիզիկա՝ 4, կենսաբանություն՝ 8, աշխարհագրություն՝ 2, քիմիա՝ 27, պատմություն, հայոց եկեղեցու պատմություն, հայոց լեզու, հայ գրականություն, ռուսաց լեզու՝ 12-ական, անգլերեն՝ 2, ֆրանսերեն՝ 1, գերմաներեն՝ 5, ՆԶՊ՝ 7: Ինֆորմատիկա և աստղագիտություն առարկաներից օլիմպիադայի հանրապետական փուլին Լոռու մարզից մասնակից չի լինի:
ԲԳՎ՝ ևս 19 ընտանիքի 25.02.2020
Այսօր մարզպետ Անդրեյ Ղուկասյանի կողմից Բնակարանների գնման վկայագրեր(ԲԳՎ) ստացավ «Երկրաշարժի հետևանքով անօթևան մնացած ընտանիքների բնակապահովման ծրագրի» շահառու հանդիսացող ևս 19 ընտանիք՝ Գուգարք, Դարպաս, Լեռնապատ, Արևաշող, Շիրակամուտ, Գոգարան, Մեծ Պարնի, Ջրաշեն, Ծաղկաբեր, Կաթնաջուր համայնքներից:
