Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզի շարժական պատվաստումային խմբերի ժամանակացույց 25.11.2021
գ. Դարպաս, 25.11.21, ժամը 10:30 գ. Արմանիս, 25.11.21, ժամը 11:00 գ. Նովոսելցովո, Մեղվահովիտ-Նորամուտ, 25.11.21, ժամը 11:00 գ. Մեդովկա/Կրուգլայա Շիշկա, 26.11.21, ժամը 11:00 գ. Դեբեդ, 25.11.21, ժամը 11:30 գ. Սարալանջ, 25.11.21, ժամը 11:00 գ. Խնկոյան, 25.11.21, ժամը 13:00 գ. Ամոջ, 25.11.21, ժամը 12:00 գ. Շամուտ, 25.11.21, ժամը 12:00-15:00 գ. Չկալով, 26.11.21, ժամը 12:00 գ. Սարահարթ, 26.11.21, ժամը 15:00 գ. Կուրթան, 26.11.21, ժամը 11:00:
Լոռու մարզպետի տեղակալ Գոռ Ասրյանը մարզպետարանի գյուղատնտեսության և բնապահպանության վարչության պետ Արուս Թումանյանի ուղեկցությամբ աշխատանքային այցով Լուսաղբյուր համայնքում էր՝ այստեղ իրականացվող սուբվենցիոն ծրագրերի ընթացքին ծանոթանալու նպատակով: Այցի շրջանակներում հանդիպում կայացավ նաև ՄԱԶԾ/ԳԷՀ Փոքր դրամաշնորհների ծրագրի ազգային համակարգող Սվետլանա Հարությունյանի, ՄԱԶԾ/ԳԷՀ Փոքր դրամաշնորհների ծրագրի ազգային ղեկավար կոմիտեի անդամ Ալվինա Ավագյանի և «Սպիտակ ֆերմեր» ՀԿ նախագահ Սարգիս Մարկոսյանի հետ: Ներկա էր նաև համայնքի ղեկավար Արամայիս Հակոբյանը։
Օմսկի մարզից ժամանած գործարարների հետ համագործակցություն կհաստատվի 23.11.2021
Լոռու մարզպետարանում այսօր հյուրընկալել էին Ռուսաստանի Դաշնության Օմսկի մարզից գործարար այցով Լոռու մարզ այցելած պատվիրակությանը։ Վերջինս 7-օրյա այցով Հայաստանում է՝ ՀՀ առևտրաարդյունաբերական պալատի և Օմսկի տարածաշրջանի փոքր բիզնեսի աջակցման և զարգացման պետական հիմնադրամի համատեղ ջանքերով։ Հանդիպմանը մասնակցում էին Լոռու մարզպետարանի պաշտոնյաներ և մարզում գործարար տարբեր ոլորտներ ներկայացնող ձեռներեցներ: Օմսկից ժամանած պատվիրակության կազմում ընդգրկված էին սննդի վերամշակման, ծխախոտագործության, մակարոնի, հագուստի արտադրության և մի շարք այլ ոլորտներ ներկայացնող գործարարներ:
Լոռու մարզի Դսեղ, Լեռնանցք և Մեծ Պարնի համայնքերում համայնքների ղեկավարների լիազորությունների ժամկետները լրանալու կապակցությամբ Լոռու մարզպետի համապատասխան որոշումներով նշանակվել են ժամանակավոր պաշոտանակատարներ: Դսեղ համայնքի ղեկավարի ժամանակավոր պաշտոնակատար է նշանակվել Գնել Քոչարյանը, Լեռնանցք համայնքի ղեկավարի ժամանակավոր պաշտոնակատար՝ Գուրգեն Վարդանյանը և Մեծ Պարնի համայնքում՝ Գոռ Աշուղաթոյանը:
Բանաստեղծ, թարգմանիչ, լրագրող Խորեն Գասպարյանը 60 տարեկան է 15.11.2021
Նոյեմբերի 13-ին Վանաձորի Ստեփան Զորյանի տուն-թանգարանում անցկացվեց բանաստեղծ, թարգմանիչ, լրագրող, Վանաձորի գրադարանների կենտրոնացված համակարգի տնօրեն Խորեն Գասպարյանի 60-ամյակին նվիրված ցերեկույթ: Ցերեկույթը վարում էր Վանաձորի պոեզիայի թատրոնի հիմնադիր, դերասան, ասումքող Ջիվան Սարգսյանը: Բացման խոսքում իր վաղեմի ընկերոջ, գրչեղբոր մասին ջերմ խոսքեր ասաց ՀԳՄ Լոռու մարզային բաժանմունքի ղեկավար, բանաստեղծ Մանվել Միկոյանը: Նա Խ. Գասպարյանին ներկայացրեց որպես բանիմաց և բարեխիղճ թարգմանիչ, հավատարիմ և անդավաճան ընկեր:
Հաշմանդամություն ունեցող անձանց ուղղված մի շարք ծրագրեր են իրականացվում 15.11.2021
Լոռու մարզպետարանի դահլիճում այսօր անցկացվեց Հաշմանդամություն ունեցող անձանց հարցերով զբաղվող Լոռու մարզային հանձնաժողովի հերթական նիստը, որին հրավիրված էին մասնակցելու նաև 44-օրյա պատերազմին մասնակցած, զինվորական ծառայության ժամանակ հաշմանդամություն կամ առողջական խնդիրներ ձեռք բերած երիտասարդներ:
