Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վանաձորի բնակչուհի Եվգին Աբրահամյանին այսօր ծննդյան 100-ամյա հոբելյանի կապակցությամբ հյուրընկալվել էր Լոռու մարզպետ Արամ Խաչատրյանը՝ մարզպետարանի կրթության, մշակույթի և սպորտի բաժնի պետ Արամ Գրիգորյանի ուղեկցությամբ: Մեկ դարը բոլորած տատիկը ծնունդով մարցեցի է, ապրել, աշխատել ու ընտանիք է կազմել հայրենի գյուղում, մեծացրել 5 զավակ, ունի 9 թոռ, 15 ծոռ:
Աշխատանքային խորհրդակցություն 21.01.2022
Լոռու մարզպետ Արամ Խաչատրյանը փոխմարզպետ Գոռ Ասրյանի, մարզպետարանի գլխավոր քարտուղար Կամո Աշրաֆյանի, կառուցվածքային ստորաբաժանումների ղեկավարների և այլ պատասխանատու պաշտոնյաների մասնակցությամբ անցկացրեց աշխատանքային խորհրդակցություն: Քննարկվեցին առանցքային հարցեր մարզում իրականացվող ներդրումային ծրագրերի, գյուղատնտեսական ցուցանիշների, քաղաքաշինության, կրթության, սոցիալական, առողջապահական, համայնքների սեփական եկամուտների հավաքագրման, մարզում իրականացվող սուբվենցիոն ծրագրերի և 2022թ. համար առաջիկայում ներկայացվելիք ծրագրային հայտերի, երեխաների իրավունքների պաշտպանության հետ կապված և այլն։ Մարզպետը նշեց, որ անհրաժեշտ է հետևողական լինել բոլոր ծրագրերի և գործընթացների հաջող ընթացքն ապահովելու հարցում, որպեսզի արդյունքներն ակնառու լինեն:
Ներդրումային շրջանառու հիմնադրամները կշարունակեն գործել մարզի բնակավայրերում 20.01.2022
«Խազեր» ՀԿ-ն ՄԱԶԾ-ի Գլոբալ էկոլոգիական հիմնադրամի հետ համագործակցությամբ դեռևս նախորդ տարի Լոռու մարզի 6 համայնքում նախաձեռնել էր ներդրումային շրջանառու հիմնադրամների ստեղծումը: Հիմնադրամը նորարարական ֆինանսական մեխանիզմ է, որը համայնքներին օգնում է ունենալ շրջանառու միջոցներ՝ առավել անկաշկանդ կերպով ծրագրեր իրագործելու էներգախնայողության և ջրային ռեսուրսների կառավարման ոլորտներում: Ներդրվող միջոցներն օգտագործվում են էկոլոգիական խնդիրներ լուծելու համար և որոշ ժամանակ անց վերադարձվում են հիմնադրամին՝ շարունակական կարգով համայնքներում այլ ծրագրեր իրականացնելու նպատակով:
Մարզի ղեկավար Արամ Խաչատրյանը մարզպետարանի զարգացման ծրագրերի, զբոսաշրջության և վերլուծության բաժնի պետ Հասմիկ Մկրտչյանի, գյուղատնտեսության և բնապահպանության վարչության բնապահպանության բաժնի պետ Արտակ Դեմիրչյանի և այլ պաշտոնյաների ուղեկցությամբ եղավ Ստեփանավանի տարածաշրջանի Արմանիս բնակավայրի «Սագամար» ընկերությունում։ Ընկերությունը 2021թ.-ին վրացական Քափըր «ԷՌ ԷՄ ՋԻ Քափըր» ընկերության շուրջ 1 մլն դոլար ներդրումների արդյունքում իրականացրել է հորատանցքերի հորատման ծրագիր, որը կարելի է համարել ընկերության գործարկման նախապատրաստական փուլ։ Մարզպետը ընկերության ղեկավար Ստանիսլավ Մորոզովի ուղեկցությամբ շրջեց հիմնարկությունում, ծանոթացավ գործընթացներին:
Մաթեմատիկա առարկայի օլիմպիադային մասնակցել է 155 աշակերտ 19.01.2022
Այսօր Լոռու մարզում մեկնարկել է դպրոցական առարկայական օլիմպիադաների մարզային փուլը մաթեմատիկա առարկայից: Մասնակցել է ընդհանուր առմամբ 155 աշակերտ, որոնցից 41-ը՝ 8-12-րդ, 114-ը՝ 5-7-րդ դասարանների աշակերտներ: Օլիմպիադան անցկացվում է Վանաձորի թիվ 6 հիմնական դպրոցում: Օլիմպիադաների մարզային փուլը կշարունակվի մինչև փետրվարի 15-ը, ապա լավագույնները հնարավորություն կունենան մասնակցելու արդեն հանրապետական փուլին:
Մի խումբ բուժաշխատողներ պարգևատրվել են Առողջապահության նախարարի պատվոգրերով և շնորհակալագրերով 18.01.2022
Առողջապահության համակարգում անձնվեր և պատասխանատու աշխատանքի, հայրենիքին մատուցած ծառայությունների, անմնացորդ նվիրումի համար ՀՀ առողջապահության նախարարի պատվոգրերով և շնորհակալագրերով են պարգևատրվել Լոռու մարզի մի խումբ նվիրյալ բուժաշխատողներ: Նրանց այսօր հանդիսավոր պայմաններում պարգևները հանձնեցին Լոռու մարզպետի տեղակալ Գոռ Ասրյանը և մարզպետարանի առողջապահության և սոցիալական ապահովության վարչության պետ Ռուզաննա Պողոսյանը:
