Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Զորիկ Պողոսյանը համաշխարհային նոր ռեկորդը նվիրեց արցախյան պատերազմում զոհված հայորդիների հիշատակին 10.05.2021
Մայիսի 8-ին Լոռու ՄՓՎ Վանաձորի թիվ 2 ՀՓՋ-ի հրշեջ-փրկարար,փ/ծ սերժանտ Զորիկ Պողոսյանը (Ուժային եռամարտի աշխարհի չեմպիոն,Հայաստանի դյուցազնագրքի ռեկորդակիր) Վանաձոր քաղաքում տեղադրված Զոր.Անդրանիկի հուշարձանի մոտ սահմանեց համաշխարհային նոր ռեկորդ-նվիրված արցախյան պատերազմում զոհված հայորդիների հիշատակին. 210 կգ ուսերի վրա կքանիստ վիճակում պահելով 15 վրկ., հետո կանգնել և նորից կքանստել ու բարձրանալով: Միջոցառմանը և ռեկորդի գրանցմանը ներկա էին փոխմարզպետներ Գոռ Ասրյանը և Քաջայր Նիկողոսյանը,քաղաքային իշխանության ներկայացուցիչներ, ՓԾ տնօրենի տեղակալ,փ/ծ գնդապետ Տիգրան Պետրոսյանը, ՄՓՎ պետ,փ/ծ գնդապետ Սերոբ Գաբրիելյանը, Դյուցազնագրքի ասոցիացիայի նախագահ Վարդան Թովմասյանը, Ուժային եռամարտի ֆեդերացիայի նախագահ Գագիկ Սարոյանը և ուրիշները:
Հայրենական մեծ պատերազմի հաղթանակի 76-րդ տարեդարձը նշվեց Լոռու մարզում 10.05.2021
Հայրենական մեծ պատերազմում տարած հաղթանակի 76-րդ տարեդարձի և Խաղաղության օրվա կապակցությամբ այսօր Լոռու մարզպետ Արամ Խաչատրյանը, փոխմարզպետ Քաջայր Նիկողոսյանը, ԱԺ պատգամավոր Վանիկ Օհանյանը, Գուգարաց թեմի առաջնորդ Տեր Հովնան եպիսկոպոս Հակոբյանը, մարզային, քաղաքային իշխանությունների ներկայացուցիչներ, ԵԿՄ անդամներ, վետերաններ ու զինվորականներ այցելել էին Մեծ Հայրենականի հաղթանակին նվիրված հուշակոթող՝ հարգանքի տուրք մատուցելու հաղթանակի կերտման գործում իրենց անուրանալի ներդրումն ունեցած հայորդիների հիշատակին։ Ներկաները ծաղկեպսակներ դրեցին և ծաղիկներ խոնարհեցին անմար կրակի առջև։
«ԿԱՆԱՉ» ՀՄՏՈՒԹՅՈՒՆՆԵՐ ԵՐԻՏԱՍԱՐԴՆԵՐԻ ՀԱՄԱՐ 10.05.2021
Համագործակցելով ՀՀ կրթության, գիտության, մշակույթի և սպորտի նախարարության հետ «Կանայք կլիմայում և էներգետիկայում» հասարակական կազմակերպությունը դեռևս 2020 թվականին մեկնարկել է ՄԱԶԾ-ԳԷՀ Փոքր դրամաշնորհների ծրագրով ֆինանսավորվող ««Կանաչ» հմտություններ երիտասարդների համար» ծրագիրը։ Ծրագրի հիմնական նպատակն է դպրոցներում բարձրացնել իրազեկվածությունը կլիմայի փոփոխության ազդեցության մեղմմանն ուղղված գործողությունների, «կանաչ» տեխնոլոգիաների վերաբերյալ՝ դպրոցականներին մասնակից դարձնելով իրենց դպրոցների էներգաօգտագործման գնահատման, ինչպես նաև շենքերի էներգաարդյունավետության բարձրացման աշխատանքներում։
Մարզի կին վետերանները՝ մարզի ղեկավարի ուշադրությանն կենտրոնում 10.05.2021
Հայրենական մեծ պատերազմի հաղթանակի օրվա կապակցությամբ Լոռու մարզպետարանի կրթության, մշակույթի և սպորտի վարչության մշակույթի և սպորտի բաժնի պետ Արամ Ռևազյանը հյուրընկալվել էր Վանաձորի վետերանների խորհրդում: Ա Ռևազյանն իր և մարզպետ Արամ Խաչատրյանի անունից վետերան կանանց շնորհավորել, բարեմաղթանքների հետ մեկտեղ՝ ծաղիկներ ու դրամական պարգևներ է փոխանցել Անգելինա Սրապյանին, Գենրիետտա Մխիթարյանին և Աննա Սոռոկինային: Նույն օրը նաև տեսակապ է հաստատվել ԱՊՀ երկրների վետերանների հետ:
Նոր խաղահրապարակ և ժամանցի կենտրոն՝ Վահագնաձոր համայնքի Շահալի կայարանի տարածքում 07.05.2021
Լոռու մարզպետի տեղակալ Քաջայր Նիկողոսյանը, մարզպետարանի քաղաքաշինության վարչության պետ Դավիթ Մանուչարյանը Վահագնաձոր համայնքի բնակիչների հետ հանդիպում ունեցան > ՓԲԸ֊ի գլխավոր տնօրեն Ալեքսեյ Մելնիկովի հետ։ Հանդիպման ժամանակ քննարկվեցին և տեղում ուսումնասիրվեցին Վահագնաձոր գյուղի Շահալի կայարանի տարածքում համայնքի երեխաների համար նոր խաղահրապարակ կառուցելու և կայարանին կից շինությունը համայնքի համար ժամանցի կենտրոն դարձնելու հնարավորությունները։ Ալեքսեյ Մելնիկովը պատրաստակամություն հայտնեց աջակցելու նշված ծրագրերի իրականացմանը։
3 միլիոն 523 հազար եվրոյի ներդրում`Վանաձոր և Լեռնապատ համայնքներում 07.05.2021
ՀՀ Տարածքային կառավարման և ենթակառուցվածքների նախարարության Հայաստանի տարածքային զարգացման հիմնադրամը շարունակում է իրականացնել Համայնքային ենթակառուցվածքների ծրագիրը (ՀԵԾ 2 ՓՈՒԼ 3), որի շրջանակներում Լոռու մարզի Վանաձոր և Լեռնապատ համայնքներում մեկնարկել են լայնածավալ աշխատանքներ։ Վանաձորում նախատեսվում է 13,93 կմ ջրատար խողովակաշարի մոնտաժում, 3 ջրընդունիչների կառուցում, օրվա կարգավորիչ ջրամբարների և պոմպակայանի վերակառուցում, 22,87 կիլոմետր բաշխիչ ցանցի կառուցում և 9,79 կիլոմետր երկարությամբ ջրագծերի տնային միացումների մոնտաժում։ Ջրաչափական հորերի թիվը 1127 է։
