Լոռու մարզպետի աշխատակազմ

Լոռու մարզպետ Արթուր Նալբանդյանի շնորհավորական ուղերձը Տարեցների միջազգային օրվա կապակցությամբ 03.10.2017

Թանկագին տարեցներ, սիրելի ծնողներ, պապիկներ, տատիկներ, Ջերմորեն շնորհավորում եմ Ձեզ Տարեցների միջազգային օրվա առթիվ: Հայ ընտանիքն ավանդաբար ջերմ վերաբերմունք, անկեղծ հարգանք է ցուցաբերել ընտանիքի մեծի, ավագի նկատմամբ, սակայն, խորհրդանշական այս օրը լրացուցիչ առիթ է, որպեսզի բոլորս մեկ անգամ ևս խորհենք ավագ սերնդի, նրա անցած ուղու, վաստակի ու նրա խնդիրների մասին:

Լոռու մարզպետ Արթուր Նալբանդյանի շնորհավորական ուղերձը երկաթուղայինների օրվա կապակցությամբ 04.08.2017

Հարգելի երկաթուղայիններ, Ջերմորեն շնորհավորում եմ Ձեզ՝ մասնագիտական տոնի առթիվ: Այս տարի, ձեզ հետ միասին, մենք նշում ենք Հայաստանի երկաթուղայինների երեք հոբեյլան՝ Ալեքսանդրապոլից Երևանի կայարան առաջին գնացքի ժամանման 115-ամյակը, Ջաջուռի թունելի կառուցման 120-ամյակը, Հայաստանի երկաթուղու էլեկտրաֆիկացման 50-ամյակը:

Լոռու մարզպետ Արթուր Նալբանդյանի շնորհավորական ուղերձը Սահմանադրության օրվա առթիվ 04.07.2017

Հարգելի՛ հայրենակիցներ Հուլիսի 5-ին մենք նշում ենք մեր պետության հիմնական օրենքի՝ Սահմանադրության օրը: Մայր օրենքը պատմության մեջ մեր անցած ուղու դարավոր փորձի ու տեսլականների, Հայրենիքի զարգացման ու հզորացման, ժողովրդավարության զարգացման, քաղաքացու իրավունքների ու պարտականությունների, բարոյական ու քաղաքակիրթ կերպարի հենքն ու հիմնաքարն է, սոցիալական և իրավական պետություն ունենալու, պահպանելու, ամրապնդելու գրավականը:

Լոռու մարզպետ Արթուր Նալբանդյանի շնորհավորական ուղերձը բուժաշխատողների օրվա կապակցությամբ 20.06.2017

Հարգելի բուժաշխատողներ: Ջերմորեն շնորհավորում եմ Ձեր տոնը: Ուզում եմ երախտիքի խոսք հղել ձեզ և մեր բազում այն բժիշկներին, բուժքույրերին ու մայրապետերին, ոլորտի բոլոր աշխատողներին, ովքեր բարձր պատասխանատվությամբ և անմնացորդ նվիրումով գիշեր ու զօր իրենց կարևոր ներդրումն են ունենում մարդկանց կյանքի և առողջության պահպանման գործում:

Լոռու մարզպետ Արթուր Նալբանդյանի շնորհավորական ուղերձը Հանրապետության օրվա առթիվ 26.05.2017

Սիրելի՛ հայրենակիցներ: Ջերմորեն շնորհավորում եմ Հանրապետության օրվա առթիվ: 1918 թվականի մայիսի 28-ը մեր պատմության լուսավոր էջերից է և հայ ժողովրդի հարատևման ու հավերժության ապացույցներից մեկը: Հարյուրամյակներ շարունակ առանց պետականության գոյատևած, զրկանքների ու ցեղասպանության միջով անցած մեր ժողովուրդը կարողացավ ի մի բերել իր բոլոր ուժերը , ուղի գտնել անելանելի թվացող իրավիճակից: Իսկ ելքը մեկն էր. ստեղծել և պաշտպանել իր անկախ պետականությունը: 99 տարի առաջ, այս օրը մեր նախնիներն ապացուցեցին աշխարհին, որ հայ ժողովրդին ծնկի բերել հնարավոր չէ, որ նա պատրաստ է պայքարել հանուն հայրենիքի ազատության և պետականության վերականգնման: