Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետ Անդրեյ Ղուկասյանի շնորհավորական ուղերձը Թատրոնի միջազգային օրվա առթիվ 27.03.2020
Թատերարվեստի հարգարժա՛ն գործիչներ, Ջերմորեն շնորհավորում եմ ձեզ Թատրոնի միջազգային օրվա կապակցությամբ: Դարեր շարունակ հանդիսանալով հայ մշակույթի ամուր սյուներից մեկը՝ թատրոնը մեծ ավանդ է բերում հոգևոր արժեքների տարածման ու զարգացման, ինչպես նաև սերունդների աշխարհայացքի ձևավորման գործում: Մեր ժողովրդի համար թատրոնը միշտ ունեցել է առանձնահատուկ կարևորություն: Այս օրը դառնում է ոչ միայն թատերագրինը, բեմադրիչինն ու դերասանինը, այլև թատրոնում աշխատող բոլոր մարդկանց տոնը... Նրանց, ում հանդիսատեսը չի տեսնում, չի ճանաչում, սակայն նաև նրանց ջանքերով է թատրոնը թատրոն մնում: Աշխարհին թատերական գործիչների մի ողջ աստղաբույլ տված ժողովուրդն, ինչ խոսք, ունի նրանց անվանն ու վաստակին արժանի թատրոններ, ինչի պակասը չի զգում մեր անկախ հանրապետությունը, մեր մարզը:
Սրբազա՛ն հայր Ջերմորեն շնորհավորում եմ Ձեզ ծննդյան տարեդարձի առթիվ: Գնահատելի և տեսանելի են Ձեր ջանքերը հայրենասիրության և հավատքի ամրապնդման, կրոնական կազմակերպությունների և հանրության մեջ հանդուրժողականություն սերմանելու և արժանապատվորեն պահպանելու համար: Ձեր գործունեության հետ են շաղկապվում Լոռու մարզի հոգևոր մշակույթի զարգացումը, մարզային և համայնքային իշխանությունների հետ Հայ առաքելական Սուրբ եկեղեցու համագործակցությունը՝ ի շահ մեր ժողովրդի: Ձեր ջանքերով նաև այսօր մարզում բազմաթիվ երախտագիտության արժանի բարեգործական ծրագրեր են կյանքի կոչվում:
ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՄԱՐՏԻ 8-Ի՝ ԿԱՆԱՆՑ ՄԻՋԱԶԳԱՅԻՆ ՏՈՆԻ ԱՌԹԻՎ 06.03.2020
Սիրելի՛ կանայք, Ջերմորեն շնորհավորում եմ ձեզ Մարտի 8-ի` կանանց միջազգային տոնի կապակցությամբ: Գարնանային զարթոնքի այս գեղեցիկ օրը ևս մեկ պատեհ առիթ է մեր հիացմունքն ու խոնարհումը հայտնելու ձեզ: Մեր երկրում չկա որևէ ոլորտ ու բնագավառ, որտեղ չլինի ձեր փայլուն ներգրավվածությունը, ինչի համար մեր ողջ հասարակության անունից երախտագիտությունս եմ հայտնում և գլուխ խոնարհում ձեր վաստակի առջև:
ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀԱՅՈՑ ԲԱՆԱԿԻ ՕՐՎԱ ԿԱՊԱԿՑՈՒԹՅԱՄԲ 24.01.2020
Սիրելի՛ լոռեցիներ, Այսօր մեր Հայոց փառապանծ բանակի 28-րդ տարեդարձն է, ինչի կապակցությամբ ջերմորեն շնորհավորում եմ մեզ՝ բոլորիս: Շնորհավորում եմ նաև այն առթիվ, որ մեզ բախտ է վիճակվել մեր ազատ, անկախ, օրեցօր հզորացող բանակի՝ մեր ներկա ու ապագա սերունդների անվտանգության երաշխավորի տարեգիրն ու ժամանակակիցը լինելու: Շնորհավո՛ր տարեդարձդ, հզո՛ր բանակ:
ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՑԱՎԱԿՑԱԿԱՆ ՈՒՂԵՐՁԸ ՀԱՅԿ ԱՂԱՍԻ ՕՀԱՆՅԱՆԻ ՄԱՀՎԱՆ ԿԱՊԱԿՑՈՒԹՅԱՄԲ 13.01.2020
Խոր ցավով տեղեկացա սիրված պետական, քաղաքական գործիչ Վանաձորի պատվավոր քաղաքացի Հայկ Աղասու Օհանյանի մահվան մասին: Նրա մահը մեծ կորուստ է ոչ միայն հարազատների, ընկերների ու բարեկամների,այլև, վստահ եմ, բոլոր վանաձորցիների համար: Հայկ Օհանյանը մեր հայրենիքի անվանի և հայրենասեր այն գործիչներից էր, ով իր գիտակցական կյանքի ողջ եռանդն ու գիտելիքներն անմնացորդ ծառայեցրել է երկրի տնտեսական և սոցիալական հզորացման գործին: Մեծ է եղել նրա ավանդը հատկապես Կիրովական- Վանաձորի բոլոր բնագավառների զարգացման մեջ: Նրա՝ ազնիվ ղեկավարի և հմուտ կազմակերպչի անվան ու ավանդի հետ են միահյուսվել արդյունաբերական տասնյակ ձեռնարկությունների ու արտադրամասերի, բնակելի զանգվածների ու թաղամասերի, հասարակական նշանակության բազմաթիվ օբյեկտների կառուցումն ու շահագործումը: Հայկ Օհանյանի հիշատակը միշտ վառ կմնա նրան ճանաչողների սրտերում, իսկ ապրած կյանքն ու վաստակն՝ ընդօրինակելի:
Լոռու մարզպետ Անդրեյ Ղուկասյանի Ամանորի շնորհավորական ուղերձը 30.12.2019
Սիրելի՛ լոռեցիներ, պատմություն է դառնում 2019 թվականը: Յուրաքանչյուր տարվա ավարտ ևս մեկ առիթ է անցած ճանապարհն արժևորելու, ձեռքբերումներն արձանագրելու, բացթողումները վերագնահատելու ու շտկելու համար:
