Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Խորապես վշտացած ենք Լևոն Սամսոնի Ասլանյանի մահվան կապակցությամբ 31.05.2021
Լոռու մարզպետարանի աշխատակազմը՝ մարզպետ Արամ Խաչատրյանի գլխավորությամբ, խորապես վշտացած է Լոռու մարզպետարանի երկարամյա աշխատակից, սիրելի Լևոն Սամսոնի Ասլանյանի մահվան կապակցությամբ։ Լևոն Ասլանյանն իր ողջ գիտակցական կյանքը նվիրել է սիրելի Կիրովական-Վանաձորի, հարազատ մարզի զարգացմանը։ Լոռու մարզպետարանում նա զբաղեցրել է աշխատակազմի ղեկավարի, մարզպետի խորհրդականի, ապա՝ աղետի գոտու ծրագրերի համակարգողի պաշտոնները՝ մեծ ներդրում ունենալով հատկապես աղետի գոտու վերականգնման ծրագրերի պատշաճ կյանքի կոչման գործում։
Լոռու մարզպետ Արամ Խաչատրյանի շնորհավորական ուղերձը Թանգարանների միջազգային օրվա առթիվ 18.05.2021
Հարգելի՛ բարեկամներ, Թանգարանների միջազգային օրվա առթիվ ջերմորեն շնորհավորում եմ Լոռու մարզի թանգարանների աշխատողներին, արվեստաբաններին ու պատմաբաններին, հնագետներին ու ազգագրագետներին. բոլոր նրանց, ովքեր սրբորեն ու անձնուրացաբար պահպանում են մեր պատմության մասունքները, մեր մշակույթի գանձերը՝ դրանք սրունդներին փոխանցելու սուրբ առաքելությամբ: Յուրաքանչյուր երկրում թանգարաննների առատությունը ու դրանցում տեղ գտած հազարամյակների կենսագրություն ունեցող եզակի նմուշների առկայությունը երկրի հարուստ պատմական անցյալի կենդանի վկայություններն են:
Լոռու մարզպետ Արամ Խաչատրյանի շնորհավորական ուղերձը Ընտանիքի միջազգային օրվա առթիվ 14.05.2021
Հարգելի՛ բարեկամներ, սիրելի՛ լոռեցիներ, ի սրտե շնորհավորում եմ Ընտանիքի միջազգային օրվա առթիվ: Չափազանց նվիրական օր միջազգային օրացույցում, որը ևս մեկ առիթ է տալիս մեզ արժևորելու այն սրբագույն, ջերմ, ամենահարազատ ու սիրելի մարդկանցից կազմված միջավայրը, որը մենք ընտանիք ենք կոչում: Այստեղ են փայփայում մեր մանկությունն ու պատանեկությունը, այստեղ ենք մենք հասունանում և հաստատուն քայլ կատարում դեպի մեծ կյանք: Այստեղ են մեզ գոտեպնդում, փարատում մեր մտավախություններն ու անհանգստությունները: Այստեղ են մեզ հավատ ներշնչում մեր ուժերի ու պայծառ գալիքի հանդեպ: Այստեղ մեզ չեն կշտամբում սխալների համար, այստեղ մեզ պարզապես սիրում են:
Սիրելի՛ լոռեցիներ, Հայրենական Մեծ պատերազմի հարգելի՛ վետերաններ, երկրապահնե՛ր, զինվորնե՛ր ու սպանե՛ր Ջերմորեն շնորհավորում եմ Հայրենական մեծ պատերազմում տարած հաղթանակի 76-րդ տարեդարձի և Երկրապահի օրվա առթիվ: 76 տարի առաջ մեր պապերը խորհրդային բանակի շարքերում հերոսաբար մասնակցել են ֆաշիզմի դեմ տարած հաղթանակին: Հայրենական Մեծ պատերազմի հաղթական ավարտը մեր ժողովրդի և երկրի համար պատմական իրադարձություն էր, ու այդ հաղթանակի համար մեր ժողովուրդը ոչինչ չի խնայել։ Տվել ենք մեծաթիվ զոհեր, որոնց հիշատակը վառ ենք պահել մենք, անմար են պահելու նաև մեր զավակները: Ունեցել ենք հերոսներ ու զորավարներ, որոնց սխրանքը, որպես հայրենասիրության օրինակ, ոգեշնչել են սերունդներին, կերտել մեր երիտասարդների ոգու արիությունը:
Լոռու մարզպետ Արամ Խաչատարյանի շնորհավորական ուղերձը Մամուլի ազատության համաշխարհային օրվա առթիվ 03.05.2021
Զանգվածային լրատվության միջոցների հարգարժա՛ն ներկայացուցիչներ Շնորհավորում եմ Ձեզ և մեզ՝ բոլորիս, Մամուլի ազատության համաշխարհային օրվա կապակցությամբ: Որպես մարզի ղեկավար և ՀՀ քաղաքացի չափազանց բարձր եմ գնահատում իրենց մասնագիտական պարտականություններն արհեստավարժորեն ու բարեխղճորեն կատարող լրագրողներին:
Լոռու մարզպետ Արամ Խաչատրյանի շնորհավորական ուղերձը Աշխատանքի օրվա առթիվ 30.04.2021
Սիրելի՛ լոռեցիներ, Ջերմորեն շնորհավորում եմ Մայիսի 1-ի՝ Աշխատանքի օրվա կապակցությամբ: Տարիներ շարունակ տոնում ենք այս օրն ու ամեն անգամ նոր իմաստ հաղորդում դրան: Մեր ժողովուրդը դեռևս դարերի խորքից առանձնացել է իր յուրահատուկ աշխատասիրությամբ, քարից հաց քամելու բացառիկ ունակությամբ: Հայ ժողովրդի համար բազմավաստակ աշխատավորն ավանդաբար մեծ պատիվ ու հարգանք է վայելել: Աշխատասեր ու բարեխիղճ մարդը միշտ բարձր է գնահատվել: Մենք հպարտանում ենք մեր աշխատասեր նախնիներով ու հայրերով, ովքեր իրենց տքնանքով շենացրել են մեր Հայրենիքը:
