Լոռու մարզպետի աշխատակազմ

Լոռու մարզպետ Արամ Խաչատրյանի շնորհավորական ուղերձը ՏԻՄ օրվա կապակցությամբ 10.11.2023

Հարգելի գործընկերներ` Լոռու մարզի համայնքների ղեկավարներ և ավագանու անդամներ, համայնքապետարանների աշխատակազմերի և համայնքային ենթակայության կազմակերպությունների աշխատակիցներ, ջերմորեն շնորհավորում եմ Ձեզ՝ տեղական ինքնակառավարման մարմինների կազմավորման 27-ամյակի առթիվ: Համայնքների կայուն զարգացումը և բարեկեցիկ միջավայրի կառուցումը մեր կառավարության առաջնահերթություններից է և մենք ձեզ հետ միասին լծված ենք այդ կարևոր առաքելության իրականացմանը:

Լոռու մարզպետ Արամ Խաչատրյանի շնորհավորական ուղերձը Սոցիալական աշխատողի օրվա առթիվ 03.11.2023

Սոցիալական ոլորտի հարգելի՛ աշխատողներ, սիրելի՛ բարեկամներ, ջերմորեն շնորհավորում եմ Ձեզ մասնագիտական տոնի` Սոցիալական աշխատողի օրվա կապակցությամբ: Այսօր՝ առավել քան երբևէ, անուրանալի է ձեր դերը դժվարին իրավիճակներում հայտնված քաղաքացիների հետ աշխատանքում: Լեռնային Ղարաբաղից բռնի տեղահանված մեր հայրենակիցների հետ ձեր ամենօրյա տքնաջան ու անձնվեր աշխատանքն արժանի է ամենաբարձր գնահատականի: Թույլ տվեք այսօր, ձեր մասնագիտական տոնի առիթն օգտագործելով՝ ևս մեկ անգամ՝ ի լուր բոլորի, հայտարարել որ, լինելով ամենաբարդ մասնագիտություններից մեկի կրողը, պատվով եք իրականացնում ձեր առջև դրված պարտավորությունները և որպես մարդ, ով տեսնում է այդ ամենը և որպես մարզի ղեկավար, պարզապես ասել՝ ՇՆՈՐՀԱԿԱԼՈՒԹՅՈՒՆ:

Լոռու մարզպետ Արամ Խաչատրյանի շնորհավորական ուղերձը Գրադարանավարի օրվա առթիվ 06.10.2023

Գրադարանային համակարգի հարգելի՛ աշխատողներ, սրտանց շնորհավորում եմ ձեզ՝ մասնագիտական տոնի՝ Գրադարանային աշխատողների օրվա կապակցությամբ: Մատաղ սերնդի կրթության ու դաստիարակության գործում մեծ է նաև ձեր ներդրումը: Մեր ժողովուրդը մշտապես պաշտանմունքի հասնող սիրով ու ակնածանքով է վերաբերել հայ գրին ու դպրությանը: Դուք նույնպես այդ գրի ու գրականության կրողներն ու պահապաններն եք: Ձեր շնորիվ է նաև այօրվա մանուկի ու պատանու հոգում բոցավառվում սերը գրի ու գարականության նկատմամբ:

Շնորհավո՛ր տոնդ, սիրելի Վանաձոր 06.10.2023

Հարգելի՛ վանաձորցիներ, շնորհավորում եմ բոլորիս հարազատ քաղաքի տոնի կապակցությամբ: Վանաձորը մեզնից շատերի համար ծննդավայր է, ոմանց համար՝ հարազատ դարձած քաղաք, հյուրերի համար՝ հյուրընկալ անկյուն: Այս օրը, սակայն, բոլորիս տոնն է: Նրանց տոնը, ովքեր ապրում, արարում են Վանաձորում ու վայելում մեր քաղաքի բոլոր գույները: Վանաձորցին աշխատանքի, գիտության, մշակույթի հարգն իմացող քաղաքացի է, ով յուրահատուկ աշխատասիրությամբ ու լավատեսությամբ շարունակում է իր քաղաքի պատմությունը՝ նոր, արժանահիշատակ դրվագներ արձանագրելով դրանում:

Լոռու մարզպետ Արամ Խաչատրյանի շնորհավորական ուղերձը Ուսուցչի օրվա առթիվ 05.10.2023

Սիրելի՛ ուսուցիչներ, հարգարժա՛ն մանկավարժներ, ի սրտե շնորհավորում եմ ձեզ մասնագիտական տոնի առթիվ: Ձեր հսկայական ներդրումը մատաղ սերնդի կրթության և դաստիարակության գործում, դժվար է գերագնահատել: Դուք եք կերտում ապագա գիտնականներին, արվեստագետներին, ճարտարապետներին, շինարարներին, տարաբնույթ այլ մասնագիտություններ կրող անհատներին ու վերջապես՝ հայրենասեր, մարդասեր, իրավագիտակից քաղաքացուն, ինչն ամենակարևորն է: Ամենաջերմ բարեմաղթանքներս, երախտագիտության խոսքերս ձեզ եմ ուղղում, սիրելի՛ ուսուցիչներ: Հայրենասիրությամբ, ազգային արժեքների գիտակցմամբ կրթված ու դաստիարակված ձեր սաներն, ովքեր այսօր Հայոց բանակի զինվորներ են, սպաներ, սեփական կյանքը վտանգելով, կռիվ են տալիս Հայաստանի Հանրապետության սահմաններն անձեռնմխելի պահելու, իրենց մայրերի, քույրերի, զավակների անդորրը պահպանելու համար: