Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետն այցելեց ներառական ճամբար 24.08.2013
Օգոստոսի 24-ին Ստեփանավանում էր Լոռու մարզպետ Արթուր Նալբանդյանը։ Այս անգամ մարզի ղեկավարը, մարզպետարանի առողջապահության և սոցիալական ապահովության վարչության սոցիալական ապահովության բաժնի պետ Վալերի Ջաղինյանի, ընտանիքի, կանանց և երեխաների իրավունքների պաշտպանության բաժնի պետ Նարեկ Սարգսյանի, Ստեփանավանի քաղաքապետ Միքայել Ղարաքեշիշյանի և « Երուսաղեմի Սուրբ Ղազար Օրդենը Հայաստանում» բարեգործական հիմնադրամի տնօրեն Ժակլին Հեքիմյանի ուղեկցությամբ, այցելեց «Լիարժեք կյանք» բարեգործական հասարակական կազմակերպության ամառային ներառական ճամբար։
Մաթևոսյանական տոն՝ Շամուտում եւ Ահնիձորում 23.08.2013
2005 թվականին Մոտկորի սրբավայր կոչվող վայրում, Շամուտ գյուղի հարևանությամբ կառուցվեց ենթաշրջանում առաջին և մինչ օրս միակ մատուռը՝ Սուրբ Մարիամ Աստվածածինը, ապա՝ 1905-2005 թթ. Մոտկորի անմեղ զոհերին նվիրված խաչքարը, տեղադրվեց նաև Հրանտ Մաթևոսյանի արձանը: Նախաձեռնությունը ՀՀ պաշտպանության նախարարության գնդապետ Սամվել Վանեսյանինն էր:
Օրակարգում հաշմանդամների հիմնախնդիրներ էին 22.08.2013
Օգոստոսի 21-ին Վանաձորի «Օրրան» բարեգործական հասարակական կազմակերպության հանդիսությունների դահլիճում ՀՀ արտակարգ իրավիճակների նախարար, Աղետների ռիսկի ազգային պլատֆորմի հոգաբարձուների խորհրդի նախագահ Արմեն Երիցյանը հրավիրել էր արտագնա խորհրդակցություն` նվիրված հաշմանդամություն ունեցող անձանց հիմնախնդիրներին:
Լոռու պատվիրակության հերթական այցը Բելառուս 22.08.2013
Արդեն մեկ տարի է՝ Լոռու մարզը բարեկամության ու համագործակցության պայմանագիր ունի Բելառուսի Վիտեբսկի մարզի հետ: Պայմանագրի շրջանակներում օգոստոսի 14-ից 18-ը Լոռու մարզի պատվիրակությունը հերթական անգամ այցելել էր Վիտեբսկ: Այցի հիմնական նպատակը փոխշահավետ համագործակցություն իրականացնելու համար նախադրյալների ստեղծումն էր:
Աշխատանքնայի խորհրդակցություն 20.08.2013
Օգոստոսի 20-ին Լոռու մարզպետ Արթուր Նալբանդյանն անցկացրեց հերթական աշխատանքային խորհրդակցությունը: Մարզի ղեկավարը հորդորեց արձակուրդային տրամադրություններից հետո անմիջապես անցում կատարել աշխատանքին, հատկապես, որ բավականին անելիքներ կան տարբեր ոլորտներում: Փոխմարզպետ Արսեն Դարբինյանը ներկայացրեց նախորդ երկու շաբաթվա ընթացքում կատարված աշխատանքները՝ ընդգծելով, որ դրանք ընթացել են հագեցած գրաֆիկով: Ինչպես ներկայացրեց Ա. Դարբինյանը, նախորդ շաբաթ մարզպետների մասնակցությամբ մայրաքաղաքում խորհրդակցություն է անցկացրել ՀՀ փոխվարչապետ, Տարածքային կառավարման նախարար Արմեն Գևորգյանը, որի ընթացքում քննարկվել են օրակարգային մի շարք կարևոր հարցեր:
«Առողջացում առանց սցենարների» 16.08.2013
«Լոռու առողջապահություն» հիմնադրամի գործադիր տնօրեն, բժշկական գիտությունների թեկնածու Վարդան Աբովյանի նախաձեռնությամբ, Լոռու մարզպետարանի տեղեկատվության և հասարակայնության հետ կապերի բաժնի ու «Մատինյանի նշխարհ» ՍՊԸ-ի գործընկերությամբ օգոստոսի 15-ին Վանաձորի «Լոռի» հեռուստաստուդիայի մամուլի ակումբում անցկացվեց դասընթաց՝ «Առողջացում առանց սցենարների» խորագրով: Դասընթացին, որը վարում էր Վ. Աբովյանը, մասնակցում էին Լոռու մարզպետարանի Տեղեկատվության և հասարակայնության հետ կապերի բաժնի պետ Սամվել Խալաթյանը, բաժնի աշխատակիցներ, Վանաձորի գրադարանային համակարգի տնօրեն Խորեն Գասպարյանը, լրատվամիջոցների ներկայացուցիչներ:
