Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հարգանքի տուրք երկրաշարժի անմեղ զոհերի հիշատակին 07.12.2023
Վանաձորի Սուրբ Մարիամ Աստվածածին եկեղեցու Սրբոց Նահատակաց պուրակում` 1988 թ.-ի երկրաշարժի զոհերի հիշատակին նվիրված խաչքարի մոտ, կատարվեց հոգեհանգստյան կարգ՝ ի հիշատակ աղետի անմեղ զոհերի: Արարողությանը ներկա էին Լոռու մարզպետ Արամ Խաչատրյանը, Վանաձոր համայնքի ղեկավարի պաշտոնակատար Արկադի Փելեշյանը, ավագանու անդամներ, պաշտոնատար անձինք: Աղոթք բարձրացվեց առ Աստված՝ երկրաշարժի զոհերի հոգիների խաղաղության համար, ապա՝ ներկաները ծաղիկներ խոնարհեցին զոհերի հիշատակը հավերժացնող խաչքարին:
Մարզպետի շնորհակալագիր՝ բարեխիղճ և անձնվեր աշխատանքի համար 06.12.2023
Այսօր Լոռու մարզպետ Արամ Խաչատրյանը շնորհակալագրով պարգևատրեց Լոռու մարզպետի աշխատակազմի երկարամյա աշխատակցուհի Դարյա Պապիկյանին, ով արդեն անցել է վաստակած հանգստի: Մարզի ղեկավարը բարձր գնահատեց նրա վաստակը՝ ընդգծելով բարեխիղճ և անձնվեր մոտեցումը աշխատանքին:
Անցկացվեց «Ազգային նվագարանների, երգի, պարի և ասմունքի» Լոռու մարզային փառատոնը 06.12.2023
Վանաձորի Էդ. Կզարթմյանի անվան երաժշտական դպրոցում անցկացվեց «Պետական աջակցություն մշակութային միջոցառումներին» ծրագրի շրջանակներում իրականացվող «Ազգային նվագարանների, երգի, պարի, ասմունքի Լոռու մարզային մրցույթ-փառատոնը»: Այս տարի աննախադեպ մասնակցություն էր գրանցվել. մասնակցում էին երաժշտական և արվեստի դպրոցներում սովորող պատանիներ, պարային խմբեր ու անհատ կատարողներ (ավելի քան 80 կատարում) մարզի տարբեր համայնքներից՝ մի շարք անվանակարգերում:
«Ցավեր առանց սահմանի կազմակերպությունը» ամփոփել է Լոռու մարզում ընթացիկ տարվա արդյունքները 05.12.2023
«Ցավեր առանց սահմանի կազմակերպությունը» նախորդ տարի մարզի մի շարք բուժհիմնարկներում՝ Վանաձորի և Սպիտակի ԲԿ-ներում, Վանաձորի թիվ 2, թիվ 3, թիվ 5 համաբուժարաններում և Գուգարք բնակավայրի առողջության կենտրոնում հոգեբանական, պերինատալ ծառայություն է մատուցել ավելի քան 240 հղի կանանց: Տարին կազմակերպությունն ամփոփել է Լոռու մարզպետի աշխատակազմի առողջապահության և սոցիալական ոլորտի հարցերի վարչության պետ Ռուզաննա Պողոսյանի և վերոնշյալ բուժհիմնարկների ղեկավարների մասնակցությամբ՝ նախանշելով նաև հաջորդ տարվա անելիքները:
Մարզպետ Արամ Խաչատրյանը հյուրընկալել է ԱՄՆ դեսպան Քրիստինա Քվինին 05.12.2023
Այսօր Լոռու մարզպետ Արամ Խաչատրյանն ընդունել է աշխատանքային այցով Լոռու մարզ ժամանած ՀՀ-ում ԱՄՆ դեսպան Քրիստինա Քվինին և նրա ղեկավարած պատվիրակությանը՝ դեսպանության ռազմական համագործակցության գրասենյակի ղեկավար, փոխգնդապետ Ջամալ Խանին, գրասենյակի հումանիտար ծրագրերի ղեկավար Անի Մելքումյանին: Հանդիպմանը ներկա էին նաև Վանաձոր համայնքի ղեկավարի պաշտոնակատար Արկադի Փելեշյանը, մարզպետի աշխատակազմի զարգացման ծրագրերի մշակման և իրականացման բաժնի պետ Հասմիկ Մկրտչյանը, բարեգործական ծրագրերի նախաձեռնող Լիլիա Աբրահամյանը, այլ պաշտոնյաներ: Մարզպետ Արամ Խաչատրյանը ողջունել է տիկին դեսպանին և շնորհակալություն հայտնել ԱՄՆ կառավարության և դեսպանատան աջակցությամբ մարզում իրականացված և ընթացքի մեջ գտնվող մեծածավալ ծրագրերի համար.
Նշվեց Անհայտ զինվորի օրը 04.12.2023
Դեկտեմբերի 3-ը Ռուսաստանի Դաշնությունում նշվում է՝ որպես Անհայտ զինվորի օր։ Օրվա կապակցությամբ Վանաձորի Շառլ Ազնավուրի անվան զբոսայգում տեղադրված Անհայտ զինվորի հուշարձանի մոտ միջոցառում էր կազմակերպվել՝ ի հիշատակ ոչ միայն ռուս, այլև նախկին խորհրդային երկրների զինվորների, ռազմական գործողություններին մասնակցած և սխրանքներ գործած անձանց, որոնց անուններն անհայտ են:
