Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՔԱՂԱՔԱՑՒՆԵՐԻ ԸՆԴՈՒՆԵԼՈՒԹՅՈՒՆ 13.06.2013
Հունիսի 13-ին մարզպետարանում քաղաքացիների ընդունելություն էր Վանաձորի և Գուգարքի տարածաշրջանի բնակիչների համար: Ընդունելություն էր խնդրել նաև 1 բնակիչ Շիրակամուտ համայնքից: Նրանց հուզող խնդիրները լսեց Լոռու մարզպետի տեղակալ Տիգրան Բադոյանը:
Բացվեց վերանորոգված մարզադահլիճը 13.06.2013
Հունիսի 13-ին հանդիսավորությամբ բացվեց Ալավերդու Սայաթ-Նովայի անվան թիվ 8 ավագ դպրոցի մարզադահլիճը, որին մասնակցում էին նաև Լոռու մարզպետ Արթուր Նալբանդյանը, մարզպետարանի քաղաքաշինության վարչության պետ Արմեն Ջանազյանը, ՏԻ և ՀԳՄ վարչության պետ Դավիթ Մանուչարյանը: Մարզադահլիճը վերանորոգվել է պետբյուջեի միջոցներով իրականացվող հրատապ ծրագրերի շրջանակներում: Այդ նպատակով հատկացվել է 25 մլն դրամ: 1969 թ.-ին շահագործումից ի վեր դպրոցը չէր վերանորոգվել:
«Ճանաչիր հայրենիքդ և պատմիր նրա մասին» 11.06.2013
Հունիսի 8-18-ը Հայաստանում կկայանա «Ճանաչիր հայրենիքդ և պատմիր նրա մասին» խորագիրը կրող հայ-ռուսական համատեղ զբոսաշրջային արշավը: Միջոցառման շրջանակներում նախատեսվում է այցելել ՀՀ տարբեր մարզեր, ծանոթանալ Հայաստանի պատմամշակութային հուշարձաններին, գեղատեսիլ վայրերին, ինչպես նաև հայոց պատմությանը:
Գործարկվեց լուսավորության նոր համակարգը 10.06.2013
Հունիսի 10-ի Օձուն համայնքում հանդիսավոր պայմաններում գործարկվեց լուսավորության նոր համակարգը: Աշխատանքները կատարվել են ՀՀ պետբյուջեից ֆինանսավորվող չորրորդ հրատապ ծրագրի շրջանակներում: Այդ նպատակով ներդրվել է 14 մլն դրամ: Հանդիսավոր բացմանը ներկա էր նաև Լոռու մարզպետ Արթուր Նալբանդյանը:
Պետք է վերանայվեն ոչ իրատեսական բյուջեները 10.06.2013
Հունիսի 10-ին Լոռու մարզպետ Արթուր Նալբանդյանի հերթական աշխատանքային խորհրդակցությունում ֆինանսական և սոցիալ-տնտեսական զարգացման վարչության պետ Սևակ Հովհաննիսյանը տեղեկացրեց, որ մարզի համայնքներում սեփական եկամուտների կատարողականը 5 ամսվա կտրվածքով կազմել է 90,6 տոկոս (աճը նախորդ տարվա համեմատությամբ 113,6 տոկոս է), գույքահարկը՝ 95,8 տոկոս (աճը՝ 114,7 ), հողի հարկը հավաքագրվել է 87,9 տոկոսով (աճը՝ 129,8 տոկոս):
«Տաշիր» հիմնադրամի հերթական բարեգործական ծրագիրը՝ գործողության մեջ 09.06.2013
Ինչպես արդեն տեղեկացրել ենք, մայիսի 25-ին տեղացած կարկուտից զգալիորեն տուժել էին Ստեփանավանի տարածաշրջանի Ագարակ, Լեջան և Ամրակից համայնքների ցանքսերը: Լոռու մարզետ Արթուր Նալբանդյանը դիմել էր ԱԺ պատգամավոր Կարեն Կարապետյանին տարերքից տուժած համայնքներին հնարավորության սահմաններում օգնելու նպատակով: Պատասխանը չէր ուշացել:
