Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ռաֆթինգ՝ Դեբեդ գետում 29.04.2015
Ապրիլի 24-28-ը Լոռու մարզում էին գտնվում Ֆրանսիայի ՊԱԿԱ ռեգիոնի «Օ տեղ դը պղովանս» տուրիստական հայտնի գործակալության ներկայացուցիչ Դանիել Գերասիմենկոն և ռաֆթինգ մարզաձևի եվրոպայում հայտնի մասնագետներ Պիեռ Դաբուն և Մարկ Անդրեն: Վերջիններս նավարկելով Դեբեդ գետով՝ իրենց վարպետությունը ցուցադրեցին սպորտաձևին անտեղյակ տարածաշրջանի բնակիչներին:
Հայոց ցեղասպանության 100-րդ տարելիցին նվիրված միջոցառում՝ Սպիտակի թիվ 3 հիմնական դպրոցում 29.04.2015
Հայոց մեծ եղեռնի 100-րդ տարելիցին նվիրված միջոցառումները շարունակվում են: Ապրիլի 28-ին, 20-րդ դարասկզբի ոճիրը դատապարտող, պայքարի ու պահանջատիրության ոգով տոգորված, գրական-երաժշտական ցերեկույթ էր կազմակերպվել Սպիտակի թիվ 3 հիմնական դպրոցում, որին ներկա էին Լոռու մարզպետ Արթուր Նալբանդյանը, մարզպետարանի աշխատակազմի կրթության, մշակույթի և սպորտի վարչության պետ Մինաս Սայադյանը, Սպիտակի քաղաքապետ Գագիկ Սահակյանը, հյուրեր:
Դսեղի առողջության կենտրոնը հագեցվել է բուժսարքավորումներով և տեխնիկական միջոցներով 29.04.2015
Դսեղի առողջության կենտրոնը սպասարկում է տեղի և Լորուտ, Շամուտ, Աթան, Ահնիձոր, Մարց և Չկալով համայնքների շուրջ 5400 բնակչության: Այս համայնքներում գործում են բուժակ-մանկաբարձական կետեր, որտեղ աշխատում են մեկական ընտանեկան բուժքույրեր: Ճանապարհների դժվարանցանելիության պատճառով Դսեղի առողջության կենտրոնում աշխատող 3 ընտանեկան բժիշկների համար, հատկապես անբարենպաստ եղանակներին, մեծ դժվարություններ են առաջանում անհրաժեշտության դեպքում համայնքներ հասնելու: Առողջական խնդիրներ ունենալու դեպքում Դսեղ գալու անհարմարություններ են ունենում նաև նշված համայնքների բնակիչները: Այս խնդիրն այլևս լուծված է:
Հիշատակի միջոցառումներ Լոռու մարզում 27.04.2015
Հայոց ցեղասպանության 100-րդ տարելիցի առթիվ Լոռու մարզպետարանի, Հայաստանի երիտասարդական հիմնադրամի Լոռու մարզային կենտրոնի, «Լոռու երիտասարդ սերունդ» հկ-ի նախաձեռնությամբ և Վանաձորի քաղաքապետարանի աջակցությամբ ապրիլի 23-ին, երեկոյան, ջահերով երթ կատարվեց Վանաձորի Սուրբ Գրիգոր Նարեկացի եկեղեցուց դեպի Սուրբ Մարիամ Աստվածածին եկեղեցի:
Աշխատանքային խորհրդակցություն 27.04.2015
Ապրիլի 27-ին Լոռու մարզպետ Արթուր Նալբանդյանը փոխմարզպետների, մարզպետարանի աշխատակազմի ստորաբաժանումների պետերի մասնակցությամբ անցկացրեց հերթական աշխատանքային խորհրդակցությունը, որի ընթացքում քննարկվեցին մարզում վերջին մեկ շաբաթում տեղի ունեցած արտակարգ իրավիճակներին, համայնքներում եկամուտների հավաքագրմանը, առողջապահական իրադրությանը վերաբերող, քաղաքաշինությանը, գարնան գյուղատնտեսական աշխատանքներին, կրթությանն առնչվող բազմաթիվ հարցեր:
Եղեռնի 100- ամյա տարելիցին ընդառաջ խաչքարեր տեղադրվեցին Ստեփանավանի տարածաշրջանի համայնքներում 21.04.2015
Ապրիլի 20-ին, Եղեռնի 100-ամյակին ընդառաջ խաչքարեր տեղադրվեցին նաև Ստեփանավանի տարածաշրջանի մի շարք համայնքներում: Խաչքարերի օծման արարողություններին ներկա էին մարզի ղեկավարը, մի շարք պաշտոնատար անձինք:
