Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ստորագրվեց փոխըմբռնման հուշագիր 25.09.2014
Լոռու մարզի ազգաբնակչությանը մատուցվող բժշկական օգնության և սպասարկման ծառայությունների որակը բարձրացնելու, դրանց շարունակականությունն ապահովելու, ինչպես նաև Լոռու մարզի բժշկական կազմակերպություններում դեռևս չիրականացվող մասնագիտական բժշկական օգնության և սպասարկման ծառայությունները տեղի բնակչությանը հասանելի դարձնելու նպատակով «Էրեբունի բժշկական կենտրոնի» և Լոռու մարզպետարանի միջև սեպտեմբերի 25-ին կնքվեց փոխըմբռնման հուշագիր:
Հանուն աղետների ռիսկերի նվազեցման 25.09.2014
2012թ. դեկտեմբերին Ավստրիայի զարգացման գործակալության և Ավստրիական կարմիր խաչի համաֆինանսավորմամբ Լոռու մարզում մեկնարկեց «Կայուն, առողջ և անվտանգ համայնք» ծրագիրը: Մեկնարկային փուլում ծրագրի շահառուներն են Դարպաս, Կուրթան, Վահագնի և Կողես գյուղական համայնքները: Գյուղերում ստեղծվել են արագ արձագանքման կամավորական խմբեր, տրամադրվել է համապատասխան գույք: Դպրոցներում տեղադրվել են անձնակազմի և աշակերտության տարհանման ցուցանակներ, ուսուցիչների հետ անց են կացվել աղետների իրազեկման բարձրացմանն ուղղված դասընթացներ՝ արտակարգ իրավիճակային ռիսկերի կառավարման թեմայով, վերջիններս էլ իրենց հմտությունները փոխանցում են աշակերտներին: Նշյալ բոլոր դպրոցներում կազմակերպվել են թեմատիկ վիկտորինաներ, ուսումնական տարհանումներ, լավագույնները խրախուսվել են:
Լոռու մարզի պատվիրակությունը ՀՀ Անկախության տոնը նշեց Արցախում 24.09.2014
Տարիների պատմություն ունի Լոռու մարզի և ԼՂՀ Մարտակերտի շրջանի բարեկամությունն ու համագործակցությունը, որի շրջանակներում ավանդական են դարձել փոխայցելությունները, Լոռի-Մարտակերտ բարեկամության կամուրջներ խորագրով տարբեր միջոցառումները: Այս տարի ևս, սեպտեմբերի 20-22-ին, Լոռու մարզի պատվիրակությունը հերթական այցով ԼՂՀ-ում էր: Այցը կայացավ «Վալլեքս գրուպ» ընկերություների խմբի ղեկավարության և Լոռու մարզպետ Արթուր Նալբանդյանի հովանավորությամբ: Մարզի պատվիրակությունն այս անգամ նպատակադրվել էր ՀՀ Անկախության 23-րդ տարելիցը տոնել արցախցի հայրենակիցների հետ:
Նվիրված Անկախության օրվան 24.09.2014
Սեպտեմբերի 23-ին Վանաձորի Պաշտպանական կազմակերպությունում հանդիսավոր արարողություն էր՝ նվիրված Հայաստանի անկախության 23-րդ տարելիցին: Տոնի կապակցությամբ ներկաներին ողջունեցին ու շնորհավորեցին Լոռու մարզպետ Արթուր Նալբանդյանը, ՀՀ պաշտպանական կազմակերպության Կենտրոնական Խորհրդի նախագահ, Արցախի հերոս, գեներալ-մայոր Արկադի Տեր-Թադևոսյանը: Նրանք իրենց խոսքում բարձր գնահատեցին մատաղ սերնդի ռազմահայրենասիրական դաստիարակության ուղղությամբ իրականացվող աշխատանքները, կազմակերպվող միջոցառումները:
Արտագնա խորհրդակցություններ՝ մարզի տարածաշրջաններում 19.09.2014
Սեպտեմբերի 18-ին Լոռու մարզպետ Արթուր Նալբանդյանը հերթական արտագնա խորհրդակցություններն անցկացրեց Տաշիր և Ստեփանավան քաղաքներում՝ տարածաշրջանների համայնքների ղեկավարների մասնակցությամբ: Նրան ուղեկցում էին փոխմարզպետ Տիգրան Բադոյանը, մարզպետարանի վարչությունների պետեր:
Տաշիրում անցկացվեց պանրի երկրորդ փառատոնը 18.09.2014
Մեր հանրապետությունում և մարզում անցկացվող ավանդական դարձած տարբեր փառատոներին ավելացել է ինքնատիպ մի տոնակատարություն ևս՝ Տաշիրի քաղաքապետարանի կողմից կազմակերպվող պանրի փառատոնը, որն այս տարի անցկացվեց երկրորդ անգամ:
