Տեղեկատվական կենտրոն
Նորություններ
«Լոռին սգում է մեծ արվեստագետի մահը»
28.02.2018
Մեծ ցավով տեղեկացանք ՀՀ ժողովրդական արտիստ, ռեժիսոր, սցենարիստ, դերասան, սիրելի արվեստագետի՝ Ալբերտ Մկրտչյանի մահվան լուրին:
Կորցրեցինք մեծ մտավորականի:
Նրա ստեղծագործական գործունեությունը կինոթատերարվեստում անկրկնելի, բարձրարժեք երևույթ էր, իսկ համաժողովրդական ջերմ ընդունելության արժանացած ֆիլմերը՝ «Հին օրերի երգը», «Մեր մանկության տանգոն» համամարդկային ասք ու լեգենդ դարձան համաշխարհային կինոտարեգրության մեջ:
Լոռու բնակչության անունից խորին ցավակցությունն եմ հայտնում Ալբերտ Մկրտչյանի հարազատներին, գործընկերներին և նրա արվեստի երկրպագուներին:
Լոռին սգում է մեծ արվեստագետի մահը:
Արթուր Նալբանդյան
Լոռու մարզպետ