Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ճանաչենք ու զգուշանանք ականներից 22.12.2016
Միավորված Ազգերի Կազմակերպության տվյալներով աշխարհաքաղաքական իրավիճակների հետևանքով աշխարհի 64 երկրներում առկա են ավելի քան 110 միլիոն տեղադրված ականներ և այլ պայթուցիկ սարքեր, որոնց պատճառով տարեկան զոհվում է 10 հազար մարդ, տարբեր աստիճանի վնասվածքներ է ստանում 20 հազարից ավելի քաղաքացի: Ականների ու պայթուցիկների զոհերի և խեղվածների 30 տոկոսը կազմում են երեխաները: Հայաստանի Հանրապետությունում ականային ազդեցության գոտում են Տավուշի, Գեղարքունիքի, Վայոց Ձորի և Սյունիքի մարզերը:
Նախաամանորյա խորհրդակցություն մարզպետարանում 19.12.2016
ՀՀ Ոստիկանություն-մարզպետարան-ՏԻՄ համագործակցության շրջանակներում դեկտեմբերի 16-ին տեղի ունեցավ խորհրդակցություն Լոռու մարզպետարանի ստորաբաժանումների պետերի, համայնքների պաշտոնյաների և ՀՀ ոստիկանության Լոռու մարզային վարչության ներկայացուցչի մասնակցությամբ: Խորհրդակցությունը վարում էր Լոռու մարզպետարանի աշխատակազմի ղեկավար Նարեկ Սարգսյանը, ով ներկաներին տեղեկացրեց, որ հանդիպման թեման ամանորյա տոնակատարության նախապատրաստության և անցկացման ընթացքում հասարակական կարգի պահպանմանն ուղղված խնդիրներն են:
Առավել տեսանելի և թափանցիկ աշխատելաոճ. Լոռու մարզպետարանի քաղաքաշինության վարչություն 19.12.2016
Լոռու մարզպետարանի տեղեկատվության և հասարակայնության հետ կապերի բաժինը՝ «Ֆորտունա» մարզային հեռուստաընկեության հետ համագործակցությամբ, մարզպետարանի կառուցվածքային ստորաբաժանումների գործունեությունն առավել տեսանելի և թափանցիկ դարձնելու նպատակով շարունակում է հեռուստառեպորտաժների շարքը: Յուրաքանչյուր ուրբաթ հեռուստադիտողը հնարավարություն է ունենում ծանոթանալու մարզպետարանի աշխատակազմի վարչությունների և բաժինների գործունեությանը: Ձեր ուշադրությանն ենք ներկայացնում մարզպետարանի աշխատակազմի քաղաքաշինության վարչության գործունեությունը:
Մարզական փառատոնի հաղթող է ճանաչվել Վանաձոր քաղաքը 19.12.2016
ՀՀ սպորտի և երիտասարդության հարցերի նախարարությունում տեղի է ունեցել ՀՀ Նախագահի մրցանակի համար «Լավագույն քաղաքային մարզական համայնք», «Լավագույն գյուղական մարզական համայնք» և «Լավագույն մարզական բակ» ստուգատեսների, ինչպես նաև ՀՀ մարզերում և ԼՂՀ-ում անցկացված հանրապետական մարզական փառատոնի հաղթողների պարգևատրման արարողությունը:
Քննարկվեցին Լոռու մարզի զարգացման ռազմավարական ծրագրի հիմնախնդիրները 16.12.2016
Լոռու մարզպետարանում անցկացվեց մարզի 2017-2025թ.թ. տարածքային զարգացման ռազմավարության մշակման վերաբերյալ խորհրդատվություն ու քննարկում, որը վարում էր մարզպետի տեղակալ Հովհաննես Թադևոսյանը: Քննարկմանը մասնակցում էին մարզի զարգացման ռազմավարության մշակման նպատակով ստեղծված աշխատանքային խմբի անդամները, մարզպետարանի ստորաբաժանումների ղեկավարներ ու մասնագետներ, կրթության, առողջապահության, զբաղվածության, տեղեկատվական տեխնոլոգիաների ոլորտի, հասարակական կազմակերպությունների ներկայացուցիչներ:
Քաղաքացիների ընդունելություն 15.12.2016
Դեկտեմբերի 15-ին Լոռու մարզպետարանում քաղաքացիների հերթական ընդունելությունն անցկացրեց Լոռու մարզպետի տեղակալ Արսեն Դարբինյանը: Վանաձորի, Գուգարքի, Թումանյանի, Ստեփանավանի տարածաշրջանների շուրջ 40 քաղաքացու հարցերին առավել սպառիչ պատասխանելու նպատակով ընդունելությանը մասնակցում էին նաև մարզպետարանի ոլորտային պատասխանատու պաշտոնյաներ:
