Լոռու մարզպետի աշխատակազմ

 Լոռու մարզպետ Արթուր Նալբանդյանի հանձնարարությամբ արդեն մի քանի տարի շարունակ մարզի համայնքների ղեկավարները ևս պաշտոնատար անձանց, քաղհասարակության ներկայացուցիչների և համայնքի բնակիչների առջև հանդես են գալիս տարեկան հաշվետվություններով:
Փետրվարի 21-ին 2017թ. կատարված աշխատանքները և նախորդ տարիների հետ համեմատական ցուցանիշեր ներկայացրեց Մեծ Պարնի համայնքի ղեկավար Գագիկ Պալյանը: Հաշվետվությանը ներկա էին Լոռու մարզպետ Արթուր Նալբանդյանը, մարզպետարանի պաշտոնյաներ, ՀՀ աշխատանքի և սոցիալական հարցերի նախարարության սոցիալական ապահովության պետական ծառայության պետ Հովհաննես Սահակյանը, բանաստեղծ, ծնունդով մեծ պարնեցի Ռազմիկ Դավոյանը, հիմնադրամների, միջազգային կառույցների, քաղհասարակության ներկայացուցիչներ, շահագրգիռ այլ անձինք:
Հաշվետվությանը զուգահեռ ներկայացվեց նաև կատարված աշխատանքների մասին պատմող տեսաֆիլմ:
Համայնքի ղեկավարը նշեց, որ հաշվետու տարում համայնքում մի շարք կարևոր ծրագրեր են իրականացվել: Գիշերային լուսավորության արդիականացման գործում համայնքին աջակցել է ԱԺ պատգամավոր Ա. Համբարձումյանը, գյուղի զարգացման ծրագրի շրջանակներում կառուցվել է 3 խմոց: 2017թ. «Վանքաձոր» կոոպերատիվին տրամադրվել է տարածք, որը վերանորոգվել է և առաջիկայում կծառայի՝ որպես կտավատի յուղի արտադրության արտադրամաս, կառուցվել է նաև կաթի վերամշակման արտադրամաս: Համայնքը 2017թ.-ին ՄԱԿ-ի զարգացման ծրագրերի գրասենյակի աջակցությամբ ձեռնամուխ է եղել բրիկետի՝ որպես վառելանյութի արտադրությանը: Համայնքի ղեկավարը խոսեց նաև 2018թ.-ի անելիքներից ու ծրագրերից:
Արտադրամասերի հնարավորություններին մարզի ղեկավարը նաև տեղում ծանոթացավ:
Ամփոփելով հաշվետվությունը՝ մարզպետ Ա. Նալբանդյանն իր գոհունակությունn արտահայտեց և շնորհակալություն հայտնեց համայնքի ղեկավարին ակտիվ աշխատանքի ու նախաձեռնողականության համար: Նա կարևորեց հատկապես տարբեր դոնոր կազմակերպությունների, հասարակական և միջազգային կառույցների հետ աշխատանքը, ներդրումների ներգրավումը: Հաշվետվության ավարտին համայնքապետը խորհրդանշական շնորհակալագրեր հանձնեց մարզի ղեկավարին, ինչպես նաև Մեծ Պարնի համայնքի բարեկամներին ու նրանց, ովքեր մշտապես պարնեցու կողքին