Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քաղաքացիների ընդունելություն 12.10.2017
Հոկտեմբերի 12-ին քաղաքացիների հերթական ընդունելությունն անցկացրեց Լոռու մարզպետ Արթուր Նալբանդյանը: Վանաձորի, Գուգարքի և Սպիտակի տարածաշրջանների ավելի քան երեսուն քաղաքացու հարցերին առավել սպառիչ պատասխաններ տալու նպատակով ընդունելությանը մասնակցում էին նաև մարզպետարանի ստորաբաժանումների ղեկավարները, պատասխանատու պաշտոնյաներ:
Նավթի և գազի որոնողական աշխատանքներ Լոռիում 11.10.2017
Դեռևս խորհրդային տարիներին, նաև հետագայում, ՀՀ հյուսիսային տարածաշրջաններում կատարվել են նավթի և գազի պաշարների որոնողահետազոտական աշխատանքներ, որոնք ժամանակավորապես ընդհատվել էին:
«Դիակոնիան» հավատարիմ է իր կոչմանը 10.10.2017
Նոր ուսումնական տարվա շեմին Լոռու մարզպետ Արթուր Նալբանդյանի կողմից մարզպետարանի համապատասխան կառույցներին տրված հանձնարարականին և համայնքների ղեկավարներին և բարեգործական կազմակերպություններին ուղղված կոչին՝ թե ոչ մի երեխա գրենական պիտույքի կամ հագուստի պատճառով չպիտի դուրս մնա ուսումնապրոցեսից, բուռն արձագանք ստացավ նաև Լոռու մարզի բարեկամ, մարզում երկարամյա բարեգործական ծրագրեր իրականացրած «Դիակոնիա» կազմակերպության կողմից: Այսօր Ալավերդի, Ախթալա, Տաշիր, Ստեփանավան, Սպիտակ, Վանաձոր քաղաքների սոցիալապես խոցելի ընտանիքների 100 երեխաների կազմակերպության կողմից բաժանվեց հագուստ, գրենական պիտույքներ և մարզակոշիկ: Բարերարները խոստացել են նոյեմբեր ամսին կարիքավորներին հատկացնել նաև տաք հագուստ:
Վարչապետը մասնակցեց Վանաձորի օրվան նվիրված տոնական միջոցառումներին 09.10.2017
Վարչապետ Կարեն Կարապետյանը Լոռու մարզպետ Արթուր Նալաբանդյանի ուղեկցությամբ հոկտեմբերի 7-ին մասնակցեց Վանաձորի օրվան նվիրված տոնական միջոցառումներին: «Բարեկամության երթ» միջոցառման շրջանակում վարչապետ Կարապետյանը և մարզի ղեկավարը դիտեցին Վանաձորի քույր քաղաքների մշակույթն ու կոլորիտը ներկայացնող գեղարվեստական համարները, այցելեցին Վանաձորի կերպարվեստի թանգարան, ներկա գտնվեցին Թումանյանի հրապարակում կազմակերպված տոնական համերգին, զրուցեցին վանաձորցիների հետ և շնորհավորեցին նրանց քաղաքի օրվա առթիվ:
«Բերքի տոն-2017»-ը կայացավ. պարգևների արժանացան լավագույն գյուղատնտեսները 09.10.2017
«Բերքի տոն-2017» տոնահանդեսն այս տարի առաջին անգամ հանդիսավորությամբ նշվեց Վանաձորի Հայքի հրապարակում: Տոնակատարությունը համախմբել էր մարզի համայնքների հարյուրավոր բնակիչների, հյուրերի հանրապետության տարբեր մարզերից, մայրաքաղաքից և արտերկրից: Մարզի տասնյակ համայնքներ, ձեռնարկատերեր ու անհատ ձեռներեցներ, հասարակական կազմակերպություններ պատրաստել էին ճոխ ու ինքնատիպ ձևավորված տաղավարներ, ուր ներկայացված էին տարվա ընթացքում արտադրված բազմազան բերքն ու բարիքը, լոռվա ավանդական խոհանոցն ու Լոռու կենցաղին բնորոշ կիրառական իրերը, ձեռքի աշխատանքներ:
Պարգևատրվեցին մարզի մանկավարժները 05.10.2017
Ուսուցիչների միջազգային օրն այն եզակի տոներից է, որն առանձնակի երախտագիտությամբ է նշում յուրաքանչյուր քաղաքացի՝ սիրով հիշելով, իր մանկավարժներին, իր առաջին ուսուցչին: Այն շնորհակալական խոսքեր հնչեցնելու ևս մեկ հրաշալի ու սպասված առիթ է: Տոնը երբևէ չի անտեսվում նաև մարզային իշխանությունների կողմից:
