Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր աշխատանքային այցով Լոռու մարզում էր ՀՀ ԿԳՄՍ փոխնախարար Կարեն Գիլոյանը՝ նպատակ ունենալով ծանոթանալ մասնավորապես Վանաձոր համայնքի մարզադպրոցների պայմաններին, հնարավորություններին, առկա խնդիրներին, ինչպես նաև մարզական պոտենցիալին: Լոռու մարզպետ Արամ Խաչատրյանի, փոխմարզպետ Գոռ Ասրյանի, մարզպետարանի և Վանաձորի համայնքապետարանի ոլորտային պատասխանատուների ուղեկցությամբ փոխնախարարը եղավ Վանաձորի բռնցքամարտի, Մենապայքարային մարզաձևերի մասնագիտացված, Օլիմպիական հերթափոխի մենապայքարային մարզաձևերի, Լողի մասնագիտացված մանկապատանեկան, «Ա. Ազարյանի անվան «Կենտրոն» համալիր, Ծանրամարտի մասնագիտացված մանկապատանեկան, Աթլետիկայի օլիմպիական հերթափոխի մանկապատանեկան մասնագիտացված, Ֆուտբոլի մասնագիտացված մանկապատանեկան մարզադպրոցներում, «Հայաստան» ՄՀԿ-ում:
Լոռին՝ զբոսաշրջային գրավչություն ու զարգացման մեծ պոտենցիալ ունեցող մարզ 17.05.2021
Եվրոպայի օրվան նվիրված միջոցառումների շրջանակում Լոռու մարզի Դեբեդ համայնքում գտնվող «Հայաստանի մանուկներ » հիմնադրամի (ՔՈԱՖ) Սմարթ կենտրոնում կազմակերպել էր «Խթանում ենք զբոսաշրջությունը Հայաստանում» խորագրով հանդիպում-քննարկում: Միջոցառմանը ներկա էին Լոռու մարզպետ Արամ Խաչատրյանը, Հայաստանում ԵՄ դեսպան, ԵՄ պատվիրակության ղեկավար Անդրեա Վիկտորին, ՔՈԱՖ- ի գործադիր տնօրեն Կորյուն Խաչատրյանը, Հայաստանում հավատարմագրված ԵՄ անդամ պետություններրի դեսպաններ, ՏՏ և զբոսաշրջության ոլորտի ներկայացուցիչներ: Հանդես գալով ողջույնի խոսքով՝ Լոռու մարզպետ Արամ Խաչատրյանը շեշտեց՝ Լոռին պատմամշակութային հարուստ ժառանգություն, գեղատեսիլ ու գողտրիկ բնաշխարհ ունեցող անկյուններից մեկն է, և այս այս ուղղությունը զարգացնելը մարզային իշխանությունների առաջնահերթություններից է: Մարզպետը նշեց՝ խրախուսելի է ցանկացած ներդրում տուրիզմի զարգացման ոլորտում:
Մարզի ղեկավարը պարգևատրեց Հայաստանի դյուցազնագրքի ռեկորդակիր Զորիկ Պողոսյանին և նրա մարզչին 14.05.2021
Այսօր Լոռու մարզպետ Արամ Խաչատրյանը շնորհակալագիր և դրամական պարգև հանձնեց Ուժային եռամարտի Եվրոպայի և աշխարհի բազմակի չեմպիոն, Հայաստանի դյուցազնագրքի ռեկորդակիր Զորիկ Պողոսյանին և նրա մարզիչ, Վանաձորի ծանրամարտի մարզադպրոցի տնօրեն Արեն Պալյանին: Մարզի ղեկավարը Զ. Պողոսյանին շնորհավորեց և շնորհակալություն հայտնեց համաշխարհային նոր ռեկորդ սահմանելու և մարզի պատիվը բարձր պահելու համար:
Լոռու մարզպետ Արամ Խաչատրյանի և «Դոմ Մոսկվի» մոսկովյան մշակութագործարարական կենտրոնի տնօրեն Վահրամ Կարապետյանի միջև շուրջ մեկ ամիս առաջ ձեռք բերված համագործակցության բանավոր պայմանավորվածությունն (https://bit.ly/2QfTvNG) այսօր ամրագրվեց գործակցության հուշագրով:
«Հավերժության պուրակ»՝ ի հիշատակ հերոսներ Արթուր Սիմիկյանի, Արեն Առաքելյանի, Վարդան Ավետյանի 10.05.2021
Վանաձորի թիվ 20 հիմնական դպրոցի բակում բացվեց «Հավերժության պուրակ»՝ ի հիշատակ շրջանավարտներ Արցախյան երկրորդ պատերազմի հերոսներ Արթուր Սիմիկյանի, Արեն Առաքելյանի, Վարդան Ավետյանի և մյուսների: Միջոցառմանը ներկա էին Լոռու փոխմարզպետ Գոռ Ասրյանը, մարզպետարանի կրթության, մշակույթի, սպորտի վարչության պետի պաշտոնակատար Արփինե Մատինյանը, մարզպետարանի այլ պաշտոնյաներ, Վանաձորի Սուրբ Գրիգոր Նարեկացի եկեղեցու հոգևոր հովիվ տեր Վահան քահանա Ազարյանը, զոհվածների ծնողներն ու հարազատները, պատերազմի մասնակիցներ, զոհված տղաների զինակից ընկերներ: Պուրակում հանդիսավոր կերպով բացվեց տղաների նկարը և ցուցանակը, տնկվեցին անվանական ծառեր։
Երկրապահի օրը՝ առաջնորդարանի բակում 10.05.2021
Երկրապահի օրվա առթիվ մարզային իշխանությունները՝ մարզպետ Արամ Խաչատրյանի գլխավորությամբ, այսօր իրենց խոնարհումը հայտնեցին հանուն հայրենիքի իրենց կյանքը նվիրաբերած հայորդիների հիշատակին: Մայիսի 8-ն ամբողջությամբ նվիրված էր նրանց: Վաղ առավոտյան Գուգարաց թեմի առաջնորդարանի բակում` Շուշիի խաչքարի մոտ, կատարվեց հոգեհանգստյան կարգ և ոգեկոչման արարողություն` հանդիսապետությամբ Գուգարաց թեմի առաջնորդ գերաշնորհ Տեր Հովնան եպիսկոպոս Հակոբյանի: Ներկա էին մարզային և քաղաքային իշխանության, հոգևոր դասի ներկայացուցիչներ, ԱԺ պատգամավոր Վանիկ Օհանյանը, բազմաթիվ քաղաքացիներ:
