Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Անդրեյ Ղուկասյանն այսօր ներկա գտնվեց Լոռու մարզային փրկարարական վարչությունում Արտակարգ իրավիճակների աշխատողի օրվա կապակցությամբ կազմակերպված հանդիսավոր միջոցառմանը: Նա շնորհավորեց և ջերմ բարեմաղթանքներ հղեց վարչության աշխատակիցներին՝ մաղթելով ամենայն բարիք և անվտանգ ծառայություն. - Այսօր այս համակարգը ամենակայացածներից է մեր երկրում: Հատկապես վերջին երկու տարում լուրջ առաջընթաց է գրանցվել տեխնիկական վերազինվածության, մասնագիտական պատրաստվածության առումով, ու այս գործընթացը շարունակական է լինելու:
Պարգևատրվեցին ոլորտի վետերանները 04.09.2020
Լոռու մարզպետի տեղակալ Գայանե Մարկոսյանն Արտակարգ իրավիճակների աշխատակիցների օրվա առթիվ հյուրընկալել էր Լոռու մարզի փրկարարական ծառայության մի խումբ վետերանների: Նա իր և մարզի ղեկավարի անունից ջերմ բարեմաղթանքի խոսքեր հղեց վաստաշատ փրկարարներին՝ մաղթելով առողջություն և բարեկեցություն: -Յուրաքանչյուր մարդ իր կյանքի այս կամ այն շրջափուլում առնչվում ձեզ և շատ կարևոր է, երբ կա վստահելի մի կառույց, անձինք, ովքեր պատրաստ են օգնության հասնելու ցանկացած պահի: Շնորհակալություն ձեզ:
Մարզպետի տեղակալն ընդունեց Հայաստանում Չեխիայի արտակարգ և լիազոր դեսպանի տեղակալին 02.09.2020
Լոռու փոխմարզպետ Գայանե Մարկոսյանը հանդիպում ունեցավ ՀՀ-ում Չեխիայի արտակարգ և լիազոր դեսպանի տեղակալ, առաջին քարտուղար Յան Պլեշինգերի հետ: Հանդիպմանը ներկա էին նաև մարզպետարանի աշխատակազմի ղեկավար Արթուր Մխիթարյանը, կրթության, մշակույթի և սպորտի վարչության պետ Ռաֆայել Հարությունյանը, զարգացման ծրագրերի և վերլուծության բաժնի պետ Հերմինե Գասպարյանը, առողջապահության և սոցիալական ապահովության վարչության պետի ժ.պ. Լուսինե Վարդանյանը: Մարզի ղեկավարի և իր անունից ողջունելով հյուրերին՝ փոխմարզպետը նախևառաջ խոսեց տարածաշրջանային համագործակցության խորացման, փոխգործակցության հնարավոր ընդլայնման մասին՝ միաժամանակ շեշտելով՝ երկու երկրների միջև բարեկամությունը տասնամյակների պատմություն ունի. այդ են վկայում առևտրաշրջանառության տարեցտարի աճող ծավալները, տարաբնույթ միջոցառումներն ու ծրագրերը, որոնք իրականացվում են համատեղ ջանքերով:
Սպիտակի բժշկական կենտրոնը կանցնի բնականոն աշխատանքի 01.09.2020
Սպիտակի բժշկական կենտրոնը կդադարի սպասարկել կորոնավիրուսային հիվանդություն ունեցող անձանց և վաղվանից կանցնի բնականոն աշխատանքի: Այս պահին Սպիտակի բկ-ում կորոնավիրուսային հիվանդություն ունեցող 11 հիվանդ կա. ըստ մասնագետների ցուցման՝ հիվանդները դուրս կգրվեն կամ կտեղափոխվեն Երևան՝ բուժումը շարունակելու նպատակով:
Այցելություն առաջին ուսուցիչներին՝ ուսումնական տարվա արտակարգ մեկնարկին 01.09.2020
Համավարակով պայմանավորված՝ գիտելիքի օրը այս տարի ստիպված ենք նշել առանց բազմամարդ միջոցառումների, սակայն ոչինչ չի խանգարում հիշել ու մեծարել առաջին ուսուցիչներին. մարդկանց, ովքեր գիտելիքի հիմքն են դրել՝ դրանով նաև ստեղծելով երկրի կայուն զարգացման ամուր հենք: Լոռու փոխմարզպետ Գայանե Մարկոսյանի և մարզպետարանի կրթության, մշակույթի և սպորտի վարչության պետ Ռաֆայել Հարությունյանի այցերը իրենց գրեթե ողջ գիտակցական կյանքը մանկավարժությանն ու երեխաների դաստիարակության պատասխանատու գործին նվիրած ուսուցիչներին՝ նպատակ ուներ ևս մեկ անգամ արժևորելու նրանց կատարած աշխատանքը, տարիների սերն ու նվիրումը:
Շնորհավորագրեր և նվերներ՝ «Մանկական լիգա» սպորտային հեռուստանախագծի մասնակից թիմերին 31.08.2020
«Իմ քայլը» հիմնադրամը ԿԳՄՍ նախարարության և Հանրային հեռուստաընկերության հետ միասին կազմակերպել և անց է կացրել «Մանկական լիգա» սպորտային հեռուստանախագիծը, որին մասնակցում էին նաև Վանաձորի թիվ 25 և Ալավերդու թիվ 12 հիմնական դպրոցների հավաքական թիմերը: Նախագծի ընթացքում միմյանց հետ մրցել են ՀՀ մարզերից, Երևանից և Արցախից դպրոցականներ՝ տարբեր շարժախաղերի և էստաֆետային մրցումների շրջանակում:
