Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
ԴԵԿՏԵՄԲԵՐԻ 3-Ը ՀԱՇՄԱՆԴԱՄՆԵՐԻ ՄԻՋԱԶԳԱՅԻՆ ՕՐՆ Է 03.12.2019
Հարգելի՛ հայրենակիցներ, դեկտեմբերի 3-ը Հայաստանում, ինչպես աշխարհի ավելի քան 100 երկրներում, նշվում է որպես հաշմանդամների միջազգային օր: Այս օրը ևս մեկ առիթ է հանրության ուշադրությունը հրավիրելու հաշմանդամություն ունեցող մարդկանց խնդիրների նկատմամբ և հասարակության մեջ նրանց լիակատար ինտեգրմանն ուղղված քայլեր իրականացնելու համար: Յուրաքանչյուր քաղաքացի, կարծում եմ, պետք է ջանքեր չխնայի, որպեսզի սահմանափակ կարողությունների տեր անձինք լինեն հասարակության լիարժեք անդամներ:
ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՈՒՍԱՆՈՂՈՒԹՅԱՆ ՄԻՋԱԶԳԱՅԻՆ ՕՐՎԱ ԱՌԹԻՎ 16.11.2019
Սիրելի՛ ուսանողներ, սրտանց շնորհավորում եմ ձեզ՝ Ուսանողների միջազգային օրվա առթիվ: Տեսնելով ձեր անսպառ եռանդն ու ակտիվությունը՝ առավել քան վստահ եմ, որ այդ ապագան հուսալի ձեռքերում է՝ կերտված ազգային ու համամարդկային արժեքների և արդյունավետ կրթության հիման վրա: Այդ ճանապարհին, մենք պատրաստ ենք առավելագույնս սատար կանգնել ձեզ:
ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՏԻՄ 23-ՐԴ ԱՄՅԱԿԻ ԿԱՊԱԿՑՈՒԹՅԱՄԲ 08.11.2019
Հարգելի՛ գործընկերներ` Լոռու մարզի համայնքների ղեկավարներ և ավագանու անդամներ, համայնքապետարանների աշխատակազմերի և համայնքային ենթակայության կազմակերպությունների աշխատակիցներ, ջերմորեն շնորհավորում եմ Ձեզ՝ տեղական ինքնակառավարման մարմինների կազմավորման 23-րդ ամյակի առթիվ: Անցած ժամանակահատվածը եղել դժվարությունների հաղթահարման, ինչու չէ նաև՝ ձեռքբերումների ընթացք՝ հնարավորություն տալով սեփական սխալների վրա սովորելու ու կայանալու: Թավշյա հեղափողությունը արմատապես նոր որակ և աշխատաոճ է առաջադրել տեղական ինքնակառավարմանը:
ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՍՈՑԻԱԼԱԿԱՆ ԱՇԽԱՏՈՂԻ ՕՐՎԱ ԱՌԹԻՎ 04.11.2019
Սոցիալական ապահովության ոլորտի սիրելի՛ աշխատողներ, սրտանց շնորհավորում եմ Ձեզ մասնագիտական օրվա առթիվ, մաղթում աշխատանքային հաջողություններ: Ձեր գործունեությունն ուղղված է խոցելի խմբերի խնդիրների կարգավորմանն ու լուծմանը, հասարակության մեջ նրանց ինտեգրման հնարավորությունների կայունացմանն ու ընդլայնմանը: Սա դժվարին և պատասխանատու առաքելություն է, որ պահանջում է անմնացորդ նվիրում, սրտացավություն և բարձր պատասխանատվություն։
ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՎԱՆԱՁՈՐԻ ՕՐՎԱ ԿԱՊԱԿՑՈՒԹՅԱՄԲ 25.10.2019
Սիրելի՛ վանաձորցիներ, Շնորհավորում եմ բոլորիս հարազատ քաղաքի տոնի կապակցությամբ: Սիրելի՛ Վանաձոր, մեր պապերի, մեր ու գալիք սերունդների կանաչ ու հյուրընկալ հանգրվան, տոնդ շնորհավո՛ր: Սիրելի՛ իմ քաղաք, փառապանծ անունդ՝ Ղարաքիլիսա-Կիրովական-Վանաձոր, դեռ դարեր պիտի հնչի, գալիք սերունդներդ խաղաղ երկնքի տակ է՛լ ավելի մեծ հաղթանակներ են տոնելու՝ գիտության ու արվեստի բնագավառում, որովհետև դու գիտության բնօրրան ու մշակույթների քաղաք ես նաև: Արշալույսներդ խաղաղությամբ պիտի բացվեն՝ արարման մեծ հնարավորություններ տալով այստեղ ապրող ու քաղաքը շենացնող բանվորին ու գիտնականին, շինարարին ու արվեստագետին, բժշկին ու մանկավարժին, բոլոր-բոլորին:
ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՇՆՈՂԻ ՕՐՎԱ ԱՌԹԻՎ 21.10.2019
Սիրելի՛ շնողնեցիներ, հողից հաց քամող, հայրենի բնօրրանը շենացնող սիրելի՛ բնակիչներ, ջերմորեն շնորհավորում եմ Ձեզ Շնողի օրվա կապակցությամբ: Աստծո կողմից Ձեզ պարգևված այս արգասաբեր հողակտորը, իր պարգևած բերք ու բարիքով, լիուլի փխհատուցում է գյուղացու ամենօրյա տքնաջան աշխատանքը, իսկ աշխատասեր շնողնեցին, ավելի քան հազարամյակ առաջ տեր կանգնելով իր համայնքին, շենացնում ու արարում է: Ու պատահական չէ, որ համայնքն ստացել է Շնող՝ Շինող անվանումը, այն է՝ շենացնող, կառուցող ու ստեղծող:
