Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԼԵՌՆԱՊԱՏԻ ՕՐՎԱ ԱՌԹԻՎ 19.10.2019
Սիրելի՛ լեռնապատցիներ, շնորհավորում եմ Ձեզ համայնքի օրվա կապակցությամբ: Լեռնապատը մեր մարզի հնագույն բնակավայրերից է, կայուն ավանդույթներով և հերոսական անցյալով մի համայնք, որի հպարտությունը Ղարաքիլիսայի ճակատամարտում և Հայրենական մեծ պատերազմի ժամանակ հերոսաբար ընկած քաջորդիներն են, մշակութային հարուստ ժառանգությունը և մտավորականների ու այլ հայտնի գործիչների աստղաբույլը:
ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՇԵՆԱՎԱՆԻ ՕՐՎԱ ԱՌԹԻՎ 19.10.2019
Սիրելի՛ շենավանցիներ, սրտանց շնորհավորում եմ Ձեզ Շենավանի օրվա առթիվ: Այս փոքրիկ ու հոգսաշատ գյուղը բազում նշանավոր մարդիկ է ծնել, հերոսներ ու մտավորականներ: Վստահ եմ՝ այդ գենը կխոսի նաև մատաղ սերդի արյան ու գիտակցության մեջ և ձեզ ու մարզի բնակչությանը բազում հպարտանալու առիթներ կտա:
ՇՆՈՐՀԱՎՈ՛Ր ՏՈՆԴ ՍԻՐԵԼԻ ԵՐԵՎԱՆ 18.10.2019
Հարգելի՛ պարոն քաղաքապետ, թանկագի՛ն Հայկ Մարության. ի դեմս Ձեզ, քաղաքամայր Երևանի բոլոր սերունդներին, նաև՝ համայն հայությանը ջերմորեն շնորհավորում եմ Երևանի փառապանծ հոբելյանի՝ 2801-ամյակի առթիվ: Հայոց վաղնջական ու մերօրյա մայրաքաղաքը աշխարհի ամենահին քաղաքներից մեկը լինելով, շուրջ երեք հազար տարվա իր կենսագրությամբ, աշխարհի մարդկության համար քաղաքակրթության մի յուրօրինակ, ապրող ու շնչող թանգարան է, որտեղ առերեսվում են ոչ միայն հնադարյան իրողություններ, այլև՝ ժամանակակից կյանքն ու ապագայի տեսլականները:
ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԳՅՈՒՂԱՏՆՏԵՍԻ ՕՐՎԱ ԱՌԹԻՎ 14.10.2019
Լոռու մարզի գյուղատնտեսության ոլորտի հարգելի՛ աշխատողներ, ջերմորեն շնորհավորում եմ ձեզ Գյուղատնտեսության աշխատողի օրվա կապակցությամբ: Գյուղատնտեսությունը եղել և մնում է մեր երկրի զարգացման, հասարակության բարեկեցության ապահովման կարևորագույն ոլորտներից մեկը, և դա է պատճառը, որ կառավարությունը հետևողականորեն իրականացնում գյուղատնտեսության արդիականացմանն ու բարեփոխումներին ուղղված ծրագրեր: Խորապես ծանոթ լինելով գյուղատնտեսության բնագավառում առկա դժվարություններին՝ ես բարձր եմ գնահատում յուրաքանչյուրիդ տքնաջան աշխատանքը: Վստահեցնում եմ, որ այսուհետ դուք աջակցություն եք ունենալու որակյալ ու բնական գյուղատնտեսական արտադրանքի ապահովմանն ուղղված ձեր աշխատանքում: Գյուղատնտեսությունը մեր երկրի, մեր մարզի ռազմավարական ուղղություններից է, ու կառավարությունը ջանքեր չի խնայում այն զարգացնելու համար: Պետական աջակցությամբ իրականացվող շուրջ մեկ տասնյակ աջակցության ծրագրերը միտված են ոլորտի զարգացմանը, գյուղատնտեսությամբ զբաղվող մեր քաղաքացիների խնդիրների լուծմանը, նրանց եկամտի ավելացմանը:
ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՈՒՂԵՐՁԸ ՎԱՀԱԳՆԱՁՈՐԻ ՕՐՎԱ ԿԱՊԱԿՑՈՒԹՅԱՄԲ 12.10.2019
Վահագնաձոր համայնքի հարգարժա՛ն բնակիչներ, Շնորհավորում եմ Ձեզ համայնքի օրվա կապակցությամբ: Թեև գյուղը բավականին երիտասարդ է՝ որպես վարչական միավոր, սակայն, որպես բնակավայր, այն բավականին հին է, և դրա վկայությունն է գյուղում կառուցված երկաթգծի > կոչվող կամուրջը, որը և գյուղի յուրօրինակ խորհրդանիշն է:
ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԳՐԱԴԱՐԱՆԱՎԱՐԻ ՕՐՎԱ ԿԱՊԱԿՑՈՒԹՅԱՄԲ 07.10.2019
Գրադարանային համակարգի հարգելի՛ աշխատակիցներ, գրադարանային գործի հարգարժա՛ն մասնագետներ, շնորհավորում եմ ձեզ մասնագիտական տոնի` Գրադարանավարի օրվա առթիվ: Գրադարանավարի օրը նշելով՝ մենք մեր խորին հարգանք ենք ցուցաբերում մարդկային լավագույն արարչագործություններից մեկին՝ գրքին և նրան ամենամոտը կանգնած մարդուն՝ գրադարանավարին, ով գրքի պահպանությունն ու սրբագործումը ստանձնել է՝ իբրև մասնագիտություն:
