Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետ Արամ Խաչատրյանի շնորհավորական ուղերձը Բուժաշխատողների օրվա առթիվ 21.06.2022
Սիրելի՛ բուժաշխատողներ, առողջապահական համակարգի հարգարժա՛ն ներկայացուցիչներ, այսօր՝ Բուժաշխատողների մասնագիտական օրվա առթիվ, ջերմորեն ու երախտագիտության խորը զգացումով շնորհավորում եմ ձեզ, մաղթում, որ ծայրահեղ իրավիճակներում աշխատելու առթիներ այլևս երբեք չունենաք, որ ձեր բոլոր հիվանդները առողջացած ու երջանիկ տուն դառնան, որ ձեր անունը բարձր հնչի աշխարհի հանրահռչակ գիտնականների թվում, որ ձեր գիտական նվաճումներով նորանոր բացահայտումներ անեք առողջապահության ոլորտում՝ նպաստելով միլիոնավոր քաղաքացիների առողջացմանը և, այդպիսով, նաև բարձր պահեք հայ գիտնականի անունը:
Լոռու մարզպետ Արամ Խաչատրյանի շնորհավորական ուղերձը Թանգարանների միջազգային օրվա առթիվ 18.05.2022
Հարգելի՛ բարեկամներ, սիրելի լոռեցիներ, թանգարանների միջազգային օրվա առթիվ ջերմորեն շնորհավորում եմ Լոռու մարզի թանգարանների աշխատողներին, արվեստաբաններին ու պատմաբաններին, հնագետներին ու ազգագրագետներին. բոլոր նրանց, ովքեր սրբորեն ու անձնուրացաբար են կատարում իրենց վերապահված պարտավորությունները, պահում ու պահպանում են մեր պատմության մասունքները, մշակույթի գանձերը և դրանք անձեռնմխելի կերպով փոխանցում գալիք սերունդներին:
Լոռու մարզպետ Արամ Խաչատրյանի շնորհավորական ուղերձը Ընտանիքի միջազգային օրվա առթիվ 16.05.2022
Հարգելի՛ բարեկամներ, սիրելի՛ լոռեցիներ, ի սրտե շնորհավորում եմ Ընտանիքի միջազգային օրվա առթիվ: Հայ ընտանիքներն առանձնանում են իրենց հատուկ ավանդույթներով ու սովորույթներով, զավակին ու ծնողին մեծարելու բացառիկ կարողությամբ, քանզի զավակները մեր ապագան են, ծնողները՝ մեր սրբությունները: Գաղտիք չէ՝ որքան ամուր են մեր ընտանիքները, այնքան ամուր է նաև մեր պետության հիմքը: Հայ ընտանիքն է մեր ազգային արժեքների և մշակույթի կրողն ու պահպանողը: Այն պետության զարգացման հիմքն է, ուստի մեզանից յուրաքանչյուրն, ապահովելով սեփական ընտանիքի բարեկեցությունը, նպաստում է նաև պետության զարգացմանն ու առաջընթացին:
Լոռու մարզպետ Արամ Խաչատրյանի շնորհավորական ուղերձը Աշխատանքի օրվա առթիվ 29.04.2022
Սիրելի՛ լոռեցիներ, ջերմորեն շնորհավորում եմ Մայիսի 1-ի՝ Աշխատանքի օրվա կապակցությամբ: Հայ ժողովուրդը հայտնի է որպես աշխատող, ստեղծարար, տաղանդավոր ժողովուրդ: Եվ հայ ժողովուրդն իր աշխատանքով ու ստեղծարարությամբ կառուցել ու շարունակելու կերտել իր երազած հայրենիքը: Խորին հարգանքի են արժանի ամենատարբեր մասնագիտությունների տեր մեր քաղաքացիները, ովքեր իրենց գիտելիքներով, հմտություններով, տաղանդով կարողանում են ստեղծել ու արարել՝ այս աշխարհը, իրենց հարենիքը, տունը ավելի լավը դարձնելու համար:
Լոռու մարզպետ Արամ Խաչատարյանի շնորհավորական ուղերձը Մամուլի ազատության համաշխարհային օրվա առթիվ 29.04.2022
Զանգվածային լրատվության միջոցների հարգարժա՛ն ներկայացուցիչներ, սրտանց շնորհավորում եմ Մամուլի ազատության համաշխարհային օրվա կապակցությամբ: Մաղթում եմ, որ ձեր միտքն ու գրիչը մշտապես ուղղված լինեն մեր երկրի հզորացմանը։ Մենք՝ բոլորս, յուրաքանչյուրս մեր տեղում պարտավոր ենք անել հնարավոր ամեն ինչ՝ մեր երկիրը, մեր մարզը, համայնքն ավելի լավը, ավելի ուժեղ դարձնելու գործում, և այս գործընթացում դուք շատ մեծ առաքելություն ունեք: Դուք եք այն ուժը, որը մշտապես բարձրաձայնում է հասարակությանը հուզող հարցերը և խնդիրները, պատասխանատու կառույցների ուշադրությունը հրավիրում դրանց վրա և հետևողական լինում այդ խնդիրների լուծման հարցում:
ԼՈՌՈՒ ՄԱՐԶՊԵՏ ԱՐԱՄ ԽԱՉԱՏՐՅԱՆԻ ՈՒՂԵՐՁԸ ՀԱՅՈՑ ՑԵՂԱՍՊԱՆՈՒԹՅԱՆ ԶՈՀԵՐԻ ՀԻՇԱՏԱԿԻ ՕՐՎԱ ԿԱՊԱԿՑՈՒԹՅԱՄԲ 22.04.2022
Սիրելի՛ լոռեցիներ այսօր Հայոց Մեծ Եղեռնի զոհերի, սրբադասված նահատակների հիշատակին հարգանքի տուրք մատուցելու օրն է, և մենք գլուխ ենք խոնհարհում մեկ միլիոն ու կես անմեղ զոհերի հիշատակին: Նրանք անողոք յաթաղանին զոհ գնացին միայն նրա համար, որ հայ էին: Խաղաղություն նրանց շիրիմներին: Մենք հիշում ենք նաև նրանց, ովքեր հաղթահարելով անմարդկային տառապանքները, վերապրելով Մեծ եղեռնը, վերահաստատվեցին մայր Հայաստանում կամ սփռվեցին աշխարհով մեկ՝ վառ պահելով հայի ինքնությունը: Ավա՜ղ, հայրենիքի մի հատվածի կորուստը, միլիոնուկես մարած կյանքերը հանգեցրին նաև այլ կորուստների. մենք կորցրեցին մեր՝ դարերով կերտված հոգևոր, նյութական ու մշակութային արժեքները:
