Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ներքին և արտաքին կապերի ամրապնդում՝ հանուն Լոռու մարզի զարգացման 25.01.2023
2022 թվականին Լոռու մարզպետարանի և Վանաձորի համայնքապետարանի հետ համատեղ մշակվել և ՀՀ տարածքային կառավարման և ենթակառուցվածքների նախարարություն է ներկայացվել Վանաձոր համայնքի կայուն զարգացման ծրագիրը (ենթակառուցվածքների զարգացմանն ու արդիականացմանն ուղղված ծրագիր)։ Ծրագրի ընդհանուր արժեքը կազմում է շուրջ 26 990 000 եվրո: Իրականացման հնարավորությունները քննարկվել են Վերակառուցման և զարգացման եվրոպական բանկի հայաստանյան գրասենյակի հետ, ձեռք է բերվել պայմանավորվածություն այն իրագործելու համար։
Խորհրդակցություն՝ ՀՀ մարզպետների մասնակցությամբ 25.01.2023
Լոռու մարզպետ Արամ Խաչատրյանը մասնակցել է ՀՀ տարածքային կառավարման և ենթակառուցվածքների նախարար Գնել Սանոսյանի գլխավորությամբ նախարարությունում ՀՀ մարզպետների մասնակցությամբ տեղի ունեցած խորհրդակցությանը։ Խորհրդակցությանը մասնակցել են ՀՀ ՏԿԵՆ Պետական գույքի կառավարման կոմիտեի նախագահ Առնակ Ավետիսյանը, ՀՀ ՏԿԵն Ջրային կոմիտեի նախագահ Վահագն Գևորգյանը, «Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը, Տարածքային զարգացման հիմնադրամի գործադիր տնօրեն՝ Արթուր Սողոմոնյանը։ Խորհրդակցության օրակարգում ընդգրկված է եղել տասը հարցը։
Տեղեկատվություն 2022 թվականին գյուղատնտեսության ոլորտում իրականացված աշխատանքների վերաբերյալ 24.01.2023
2021 թ.-ի համեմատությամբ՝ 2022 -ին ցանքատարածությունները Լոռու մարզում ավելացել են շուրջ 443 հա-ով: Գյուղատնտեսության ոլորտում իրականացվել է պետական օժանդակության 14 ծրագիր: Գարնանը պետության կողմից պարարտանյութերի սուբսիդավորման ծրագրից Լոռու մարզում օգտվել է շուրջ 4500 շահառու, սուբսիդավորված պարարտանյութի քանակը կազմել է 2375 տ (47.509 պարկ), իսկ պետության կողմից գումարի սուբսիդավորման չափը կազմել է 427 մլն. 581 հազար դրամ: Աշնանացան ցորենի արտադրության խթանման 2022 թ.-ի պետական աջակցության ծրագրից Լոռու մարզում օգտվել է շուրջ 3300 շահառու. աշնանացանը կազմում է շուրջ 10.549 հա, որը 1035 հա-ով (10.8%) ավելի է 2021 թվականի աշնանացանից:
Լոռու մարզում թափուկ վառելափայտից օգտվել է ավելի քան 3560 շահառու 24.01.2023
2022 թ.-ի ընթացքում Լոռու մարզի անտառտնտեսության մասնաճյուղերում պլանային և այլ հատումները կազմել են 16.607 մ3: Այդ ընթացքում մթերվել և մարզի ազգբնակչությանն անվճար տրամադրվել է 25.402 մ3 թափուկ վառելափայտ: Թափուկ վառելափայտից օգտվել է 3562 շահառու: Հայտնաբերված ապօրինի հատումները կազմել են 2810 ծառ՝ 2024 մ3 ընդհանուր ծավալով: Հաշվետու ժամանակահատվածում «Հայանտառ» ՊՈԱԿ-ի և այլ կազմակերպությունների միջոցներով մարզում իրականացվել են շուրջ 282 հա անտառտնկման, 800 հա նախորդ տարիներին հիմնադրված անտառմշակույթների խնամքի և լրացման աշխատանքներ, 37 հա տարածքի վրա բնական վերաճին օժանդակման միջոցառումներ, շուրջ 15 կմ ցանկապատման աշխատանքներ, ինչպես նաև Թեղուտի անտառվերականգնման ծրագրով Շնող համայնքում հիմնվել է 25 հա պտղատու այգի:
Հաշվետվություն սոցիալական ապահովության բնագավառում 2022 թ.-ին կատարված աշխատանքների վերաբերյալ 23.01.2023
Մարզում 2022 թ.-ի ընթացքում սոցիալական ծառայության տարածքային մարմինների կողմից վճարվել է ավելի քան 4 մլրդ դրամ պետական նպաստ (ներառյալ՝ ընտանեկան և սոցիալական նպաստները, հրատապ օգնությունները): Սահմանված ժամկետում իրականացվել են ինչպես ընտանեկան և սոցիալական նպաստների, այնպես էլ՝ տարաբնույթ հրատապ օգնությունների վճարումները: Լոռու մարզում կենսաթոշակ է ստանում ավելի քան 49 հազար մարդ, հաշմանդամություն ունեն ավելի քան 16 հազարը, մանկուց հաշմանդամություն ունի շուրջ 700 երեխա: Մարզպետարանի ներկայացուցիչները ղեկավարում են Միասնական սոցիալական ծառայության տարածքային կենտրոնների համակարգող խորհուրդների աշխատանքները: Սահմանված ժամանակացույցով մարզի համայնքներում կատարվել են վարչական ստուգումներ:
Լոռու մարզպետարանի Ընտանիքի, կանանց և երեխաների իրավունքների պաշտպանության բաժնի մասնագետները 2022 թ.-ի ընթացքում ուշադրության կենտրոնում են պահել կյանքի դժվարին իրավիճակում գտնվող շուրջ 670 երեխաների, իրականացրել նրանց կարիքների գնահատում: Կատարվել են ավելի քան 156 տնայցեր, որոնց արդյունքում որոշ երեխաներ տեղավորվել են մասնագիտացված հաստատություններում, խնամատար ընտանիքներում, ընտանիքներին տրամադրվել է նաև հասցեական աջակցություն: 2022 թ.-ի ընթացքում բաժինը մասնակցություն է ունեցել անչափահասներին վերաբերող 46 դատական նիստերին: Հաշվետու ժամանակահատվածում Ոստիկանության Լոռու մարզային վարչության կողմից հաշվառվել է 24 անչափահաս:
