Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Աջակցում են երկրագործներին 18.02.2012
Անցած տարվա հոկտեմբերի 22-ին ՀՀ կառավարության որոշմամբ խնդիր դրվեց աջակցություն ցուցաբերել երկրի հողօգտագործողներին՝ մատչելի գներով դիզելային վառելանյութի և ազոտական պարարտանյութի ձեռքբերման հարցում: Հստակ նախանշվեցին դրանց մանրածախ գները, 1 լիտր դիզվառելիքը 350 դրամ, 1 կգ պարարտանյութը՝ 120 դրամ: Ծրագրի իրականացման համար պետական աջակցություն ցուցաբերելու նպատակով ՀՀ գյուղատնտեսության նախարարությանը 2012թ. առաջին եռամսյակում կհատկացվի շուրջ 1մլրդ 327մլն դրամ: Այն որպես սուբսիդիա կտրվի մատակարար կազմակերպությանը` փակելու դիզվառելիքի շուկայական և սահմանված գների տարբերությունը (90դրամ):
Ծանուցում 17.02.2012
Հանրային հեռուստաընկերությունը նախաձեռնել և շուտով կիրականացնի «Իմ տաղանդավոր ընտանիքը» միջազգային նոր հեռուստանախագիծը, որի նպատակը ոչ միայն նոր տաղանդներ հայտնաբերելն է, այլ նաև ցույց տալ հայ ընտանիքում տիրող համախմբվածությունը, ջերմությունը և սերը: Նախագիծը կմեկնարկի ս/թ փետրվարի 24-ին: Նախագծին մասնակցել ցանկացող ընտանիքները մինչև ս/թ փետրվարի 23-ը ներառյալ հայտերը պետք է ներկայացնեն ՀՀ Լոռու մարզպետարանի մշակույթի բաժին (3-րդ հարկ, 318 սենյակ, հեռ.(0322) 4-02-66, (093) 36-66-90 ):
Մեկնարկեց առարկայական օլիմպիադաների տարածքային փուլը 15.02.2012
Փետրվարի 14-ին Վանաձոր, Ստեփանավան, Տաշիր, Սպիտակ և Ալավերդի քաղաքներում տրվեց դպրոցական առարկայական օլիմպիադաների տարածքային փուլի մեկնարկը: Այդն օրը աշակերտները մասնակցեցին հայոց լեզու, ֆիզիկա և հայոց եկեղեցու պատմություն առարկաներից անցկացվող օլիմպիադաներին:
Վարչապետը ներկայացրեց ՀՀԿ նախընտրական ծրագիրը 13.02.2012
Փետրվարի 11-ին և 12-ին Լոռու մարզում էր ՀՀ վարչապետ Տիգրան Սարգսյանը, ով հասարակայնությանն ու կուսակիցներին ծանոթացրեց ՀՀԿ-ի նախընտրական ծրագրերին: Մինչ ծրագրային դրույթները ներկայացնելը, նա անդրադարձավ նախորդ 5 տարիների ձեռքբերումներին, նաև իր նկատառումներն արտահայտեց որոշակի ոլորտներում տեղ գտած թերացումների ու դրանց շտկման վերաբերյալ:
Վետերաններն ուշադրության կենտրոնում 08.02.2012
Փետրվարի 7-ին, Լոռու մարզպետ Արթուր Նալբանդյանի հրավերով, մարզպետարանում հյուրընկալվեցին պատերազմի և աշխատանքի վետերանների Լոռու մարզային կազմակերպության ներկայացուցիչները:
Թռուցքաժողով 07.02.2012
Մի քանի օր առաջ ՀՀ կրթության և գիտության նախարարությունում տեղի է ունեցել նախարարին կից կոլեգիայի 2012 թ. առաջին նիստը, որը վարել է նախարար Արմեն Աշոտյանը: Խորհրդակցությանը, բացի կոլեգիայի մշտական անդամներից, մասնակցել են նաև ՀՀ մարզպետներն ու Երևանի քաղաքապետը: Կոլեգիայի նիստում քննարկվել են կրթության ոլորտում միասնական պետական քաղաքականությանն առնչվող խնդիրներ: Արմեն Աշոտյանը, նշել է, որ կրթության ոլորտում բազմաթիվ խնդիրների լուծումն ուղղակիորեն պայմանավորված է տեղական մարմինների արդյունավետ աշխատանքով: Նա, մասնավորապես, ներկաների ուշադրությունը հրավիրել է կրթական համակարգից տարբեր պատճառներով դուրս մնացած երեխաների խնդրի վրա և նշել, որ վիճակագրական տվյալներն այս առումով հստակ ու սպառիչ չեն: Ահա ինչու Լոռու մարզպետի երկուշաբթի օրվա խորհրդակցությանը մարզպետ Ա. Նալբանդյանը առավելապես անդրադարձավ այդ հարցին (դիտեք տեսանյութը):
