Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր Լոռու մարզպետարանում անցկացվեց Լոռու մարզպետին կից Հասարակական կազմակերպություններից և մարզպետարանի կառուցվածքային ստորաբաժանումների ներկայացուցիչներից կազմված աշխատանքային խմբի այս տարվա վերջին նիստը: Նիստը վարում էր Լոռու մարզպետի տեղակալ, աշխատանքային խմբի ղեկավար Հովհաննես Ավետիսյանը: Օրակարգի առաջին հարցով ներկայացվեց ամփոփ տեղեկատվություն մարզպետի աշխատակազմի և հասարակական կազմակերպությունների, այլ պատկան կառույցների կողմից ԼՂՀ բռնի տեղահանված քաղաքացիներին աջակցելու նպատակով իրականացված աշխատանքների մասին:
ՀԱՅՏԱՐԱՐՈւԹՅՈւՆ 15.12.2023
ԼՂ հարգելի հայրենակիցներ, հիշեցնում ենք, որ այսօր՝ դեկտեմբերի 15-ին, առաջնային սպառողական ծախսերը հոգալու համար նախատեսված 50 հազար դրամ աջակցության ծրագրի դիմումների ընդունման վերջնաժամկետն է։ Նշված ծրագրի շրջանակում պայմաններին համապատասխանող անձինք դիմումները կարող են լրացնել՝ մուտք գործելով նշված հղումով՝ https://50.socservice.am Դիմումի լրացման քայլերի հաջորդականությունը ներկայացված է հետևյալ հղումով՝ https://www.mlsa.am/news/539։
Մարզպետի շնորհավորագիր՝ ՀՀ վաստակավոր արտիստ Արամ Մխիթարյանին 14.12.2023
Լոռու մարզպետ Արամ Խաչատրյանն այսօր ընդունել և ծննդյան 65-ամյակի կապակցությամբ շնորհավորագիր է հանձնել Վանաձորի Հովհաննես Աբելյանի անվան պետական դրամատիկական թատրոնի դերասան, ՀՀ վաստակավոր արտիստ, ՀՀ մշակույթի նախարարության ոսկե մեդալակիր, «Արտավազդ» մրցանակակիր Արամ Մխիթարյանին: Մարզի ղեկավարը բարձր է գնահատել սիրելի արտիստի վաստակը և մաղթել ստեղծագործական նորանոր վերելքներ:
ՀԱՅՏԱՐԱՐՈՒԹՅՈՒՆ 14.12.2023
Հայաստանի վերականգնվող էներգետիկայի և էներգախնայողության հիմնադրամը Գերմանիայի Միջազգային Համագործակցության Ընկերության հետ համատեղ մեկնարկել է դրամաշնորհային ծրագիր ուղղված կանանց, երեխաներին, երիտասարդներին ծառայող հանրային/հասարակական հաստատություններին։
Հայտարարություն 13.12.2023
Հարգելի մարզասերներ Դեկտեմբերի 22-25-ը Վանաձորի Բաղրամյան պողոտա 15/15 հասցեում ՀՀ Լոռու մարզի Բիլիարդի ֆեդերացիայի կողմից, Լոռու մարզպետի աշխատակազմի հետ համագործակցությամբ կանցկացվի «Սիբիրյան բուրգ» բիլիարդի Լոռու մարզային առաջնություն: Այն նպատակ ունի ապահովել բիլիարդ մարզաձևի զարգացումը և մասսայականացումը: 1-8-րդ տեղերը գրաված մասնակիցները կարժանանան դիպլոմների և դրամական պարգևների:
Լոռու մարզպետի աշխատակազմի գյուղատնտեսության և շրջակա միջավայրի պահպանության վարչության գլխավոր մասնագետ Արտյոմ Շահվերդյանը և Իրավաբանական բաժնի պետ Ալիկ Սահակյանը ՀՀ ԿԳՄՍ նախարարության կողմից կազմակերպված պետական մարմինների աշխատողների միջև բիլիարդի մրցաշարում հաջողություններ են գրանցել: Արտյոմ Շահվերդյանը անհատական պայքարում գրավել է 3-րդ պատվավոր տեղը: Թիմային հաշվարկում Լոռու մարզպետի աշխատակազմի թիմը զբաղեցրել է նույնպես 3-րդ պատվավոր հորիզոնականը:
