Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետն անցկացրել է ամփոփիչ խորհրդակցություն 30.05.2024
Լոռու մարզպետ Արամ Ղազարյանի գլխավորությամբ մայիսի 29-ին՝ ուշ երեկոյան, անց է կացվել ամփոփիչ խորհրդակցություն, որին ներկա են եղել Ալավերդի համայնքի ղեկավար Դավիթ Ղումաշյանը, մարզպետի տեղակալներ Գոռ Ասրյանը և Հովհաննես Ավետիսյանը, Սննդամթերքի անվտանգության պետական տեսչության Լոռու մարզային կենտրոնի պետ Կամո Սողոյանը, ՀՀ ՏԿԵ նախարարության, Լոռու մարզպետի աշխատակազմի, Ալավերդու համայնքապետարանի, Սննդի անվտանգության տեսչական մարմնի այլ պատասխանատու աշխատակիցներ։
Օպերատիվ շտաբն ամփոփել է օրվա աշխատանքները 29.05.2024
Ալավերդու համայնքապետարանում անց է կացվել Լոռու և Տավուշի մարզերում տեղացած հորդառատ անձրևների հետևանքով տեղի ունեցած հեղեղումների առաջացրած արտակարգ իրավիճակի կառավարման նպատակով ձևավորված օպերատիվ շտաբի հերթական նիստը, որը վարում էր ՀՀ տարածքային կառավարման և ենթակառուցվածքների նախարար Գնել Սանոսյանը: Ներկա էին Լոռու մարզպետ Արամ Ղազարյանը, Ալավերդի համայնքի ղեկավար Դավիթ Ղումաշյանը, պատասխանատու պաշտոնյաներ։ Նիստին մասնակցել է նաև Վարչապետի գլխավոր խորհրդական Համբարձում Մաթևոսյանը։
Հարգանքի տուրք Ղարաքիլիսայի ճակատամարտի հերոսների հիշատակին 29.05.2024
Լոռու մարզպետի աշխատակազմի գլխավոր քարտուղար Կամո Աշրաֆյանը, Վանաձորի համայնքապետի պաշտոնակատար Արկադի Փելեշյանը, ՀՀ Ոստիկանության, Ազգային անվտանգության ծառայության բարձրաստիճան պաշտոնյաներ, հոգևոր այրեր, քաղաքային ու մարզային իշխանությունների ներկայացուցիչներ, ԵԿՄ անդամներ և բազմաթիվ լոռեցիներ մայիսի 28-ին «Կոտրած եկեղեցի» հուշակոթողի մոտ մասնակցել են Հայաստանի Առաջին Հանրապետության հռչակման և Ղարաքիլիսայի հերոսամարտի 106-ամյակին նվիրված միջոցառմանը:
Տեղերում համակարգվում են իրականացվող աշխատանքները 29.05.2024
Լոռու մարզպետ Արամ Ղազարյանը, Ալավերդի համայնքի ղեկավար Դավիթ Ղումաշյանը շրջում են ջրհեղեղից տուժած բնակավայրերով, զրուցում քաղաքացիների հետ, տեղերում համակարգում իրականացվող աշխատանքները։
Լոռու մարզպետը և Առողջապահության փոխնախարարն այցելել են Ալավերդի ԲԿ 29.05.2024
Լոռու մարզպետ Արամ Ղազարյանը, Առողջապահության փոխնախարար Լևոն Հակոբյանը մայիսի 29-ին Ալավերդու բժշկական կենտրոնում տեսակցել են Ախթալայի բնակչուհի Գոհար Խաչատրյանին և նրա բալիկին: Գոհար Խաչատրյանը Ախթալայի առողջության կենտրոնից Ալավերդու բժշկական կենտրոն էր տեղափոխվել ընտանեկան բժշկի ուղեկցությամբ, որտեղ էլ լույս աշխարհ էր բերել առաջնեկին: Բժշկական կենտրոնի տնօրեն Լորա Սարգսյանը մարզպետին և փոխնախարարին է ներկայացրել նրանց առողջական վիճակը, նշել, որ կատարվել է կեսարյան հատում: Ծննդաբերությունից հետո մայրիկի և երեխայի վիճակը լավ է: Ալավերդու բժշկական կենտրոնում ներկա պահին հսկվում է ևս մեկ հղի՝ Ճոճկան բնակավայրից: Մարզի ղեկավարը և փոխնախարարը հետաքրքրվել են նաև նրա առողջությամբ:
ՈՒՇԱԴՐՈՒԹՅՈՒՆ 27.05.2024
Ալավերդի, Ախթալա, Շամլուղ, Քարկոփ, Մեծ Այրում, Փոքր Այրում, Ճոճկան, Բենդիկ բնակավայրերի հարգելի՛ բնակիչներ, ՀՀ կառավարությունը, Լոռու մարզպետի աշխատակազմը և Ալավերդու համայնքապետարանը, Ալավերդի խոշորացված համայնքի բնակավայերի վարչական ղեկավարներն, ստեղծված իրավիճակով պայմանավորված, աշխատանքներ են իրականացնում շուրջօրյա ռեժիմով՝ հոգալով աղետից տուժած բնակիչների առաջին անհրաժեշտության կարիքները: Այդուհանդերձ, ցանկացած կարիքի դեպքում խնդրում ենք կապ հաստատել Ալավերդու համայնքապետարանի պատասխանատու անձի, նշված բնակավայրերի վարչական ղեկավարների հետ կամ զանգահարել Լոռու մարզպետի աշխատակազմ: Պատասխանատու են հանդիսանում հետևյալ անձինք.
