Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Պարգևատրվեցին վարժական առաջին հավաքի մասնակիցները 17.04.2023
Լոռու մարզպետ Արամ Խաչատրյանը ներկա է եղել այս տարվա վարժական առաջին հավաքի մասնակիցների համար կազմակերպված միջոցառմանը։ Ներկա են եղել նաև ՀՀ ԶՈՒ ԳՇ անձնակազմի կառավարման գլխավոր վարչության պետ, գեներալ-մայոր Սմբատ Գրիգորյանը, ՀՀ ՊՆ 3-րդ բանակային կորպուսի հրամանատար, գնդապետ Ալեքսանդր Ցականյանը, ՀՀ ՊՆ զորակոչային և զորահավաքային համալրման ծառայության Լոռու մարզի տարածքային ստորաբաժանման ղեկավար, փոխգնդապետ Սամվել Գևորգյանը, մարզպետարանի պաշտոնյաներ և ուժային կառույցների ներկայացուցիչներ։ Միջոցառումը մեկնարկել է 3-րդ բանակային կորպուսի հոգևոր սպասավոր Սիմոն սարկավագի օրհնության աղոթքով։ Լոռու մարզպետը ողջույնի խոսքում շնորհակալություն է հայտնել վարժական առաջին հավաքին ակտիվորեն մասնակցելու և Հայրենիքին պատվով ծառայելու համար։
Հայտնի են «Դիջիկոդ- 2023» ծրագրավորման մրցույթի մարզային փուլի հաղթողները 17.04.2023
Առաջատար տեխնոլոգիաների ձեռնարկությունների միության (ԱՏՁՄ) նախաձեռնությամբ Վանաձորի տեխնոլոգիական կենտրոնում տեղի ունեցավ DigiCode 2023 կիրառական ծրագրավորման Լոռու մարզային պատանեկան մրցույթը: Լոռու մարզպետի աշխատակազմը հանդես է գալիս՝ որպես գործընկեր կառույց: Միջոցառմանը ներկա էին մարզպետի տեղակալ Հովհաննես Ավետիսյանը, մարզպետարանի այլ պաշտոնյաներ։ Արդեն 8-րդ անգամ անցկացվող մրցույթի այս փուլին մարզից ներկայացվել էր մասնակցության 284 հայտ։ Մարզային փուլում Scratch («Աղուես») ծրագրով իրենց աշխատանքները ներկայացնելու հնարավորություն էր ստացել 24 մասնակից, 30 աշակերտ՝ K-turtle («Կրիայ») և 21 Python՝ («Փայթըն») ծրագրերով։
«Խոսում են երիտասարդները» մեդիա նախագծի առաջին հարցազրույցը՝ Լոռու մարզպետի հետ 14.04.2023
«Երիտասարդական նախաձեռնությունների կենտրոն» հասարակական կազմակերպության ներկայացուցիչները «Խոսում են երիտասարդները» մեդիա նախագծի շրջանակներում այսօր հյուրընկալվել էին Լոռու մարզպետ Արամ Խաչատրյանի աշխատասենյակում: Մեդիա նախագիծը մեկնարկել են 2023 թ. հունվարին՝ նպատակ ունենալով բարձրացնել երիտասարդների դերը հասարակության մեջ և դարձնել նրանց ձայնը լսելի՝ երիտասարդության խնդիրների ու երիտասարդական նախաձեռնությունների անաչառ լուսաբանման միջոցով։ Նրանք մարզի ղեկավարին տեղեկացրեցին, որ նախագծի շրջանակներում պատրաստվելու է մարզերի երիտասարդական նախաձեռնությունների, երիտասարդության հիմնահարցերի, առկա հնարավորությունների մասին պատմող հաղորդաշար, որը կրելու է «Խոսում են երիտասարդները» խորագիրը։
Համահայկական ամառային 8-րդ խաղերին պատշաճ մասնակցելու և լավագույնս ներկայանալու համար Լոռու մարզպետարանի դահլիճում հրավիրվել էր խորհրդակցություն Լոռու մարզպետարանի պատասխանատու պաշտոնյաների և համայնքապետարանների ներկայացուցիչների հետ։ Հանդիպումը վարում էր Լոռու մարզպետի օգնական Էրիկ Կոստանյանը։ Ներկայացվեց խաղերի մասնակցության համար հայտերի ընդունման կարգը։ Քննարկվեցին կազմակերպչական հարցերն ու առաջիկա անելիքները։
Խորհրդակցություն առողջապահական հիմնարկների ղեկավարների մասնակցությամբ 12.04.2023
Այսօր Լոռու մարզպետարանի առողջապահության և սոցիալական ապահովության վարչության պետ Ռուզաննա Պողոսյանի, վարչության մասնագետների, մարզի առողջապահական հիմնարկների ղեկավարների, ՀՎԿԱԿ «Լոռի» մասնաճյուղի ներկայացուցիչների մասնակցությամբ խորհրդակցություն էր հրավիրվել Լոռու մարզպետարանում։ Քննարկման հրատապ թեման մարզում հեպատիտ Բ-ի և Ց-ի դեմ տարվող կանխարգելիչ միջոցառումներն ու հիվանդության հայտնաբերմանն ուղղված հարցերն էին, ինչպես նաև կորոնավիրուսի տարածվածության կանխարգելմանն ուղղված միջոցառումները:
Մարզի ղեկավարը վարժական հավաքների մասնակիցներին բարի և անփորձանք ծառայություն է մաղթել 12.04.2023
Լոռու մարզպետ Արամ Խաչատրյանը ՀՀ ՊՆ 3-րդ բանակային կորպուսի հրամանատար, գնդապետ Ալեքսանդր Ցականյանի հետ այցելել է մարտական հենակետեր վարժական հավաքների մասնակիցների առօրյային և ծառայության ընթացքին հետևելու նպատակով: Մարզի ղեկավարը նրանց բարի և անփորձանք ծառայություն է մաղթել:
