Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Սպիտակցի նորակոչիկները մեկնեցին ծառայության 12.01.2024
Լոռու մարզպետի աշխատակազմի տարածքային կառավարման և տեղական ինքնակառավարման հարցերի վարչության պետ Մհեր Խեչումյանը, զորահավաքային նախապատրաստության բաժնի պետ Արմեն Հակոբյանը, Սպիտակ համայնքի ղեկավարի առաջին տեղակալ Արտակ Մաթոսյանը, պատասխանատու մի շարք պաշտոնյաներ Սպիտակ համանքի զինվորական կոմիսարիատում այսօր ներկա են եղել Սպիտակ խոշորացված համայնքի նորակոչիկների՝ Հայոց բանակ ճանապարհելու հանդիսավոր արարողությանը: Նրանց ճանապարհելու էին եկել նաև ծնողները, հարազատները, ընկերները:
Արձանագրվում են Վանաձորի թիվ 23 հիմնական դպրոցի նորակառույց մարզադահլիճում առկա թերությունները 12.01.2024
Տարածքային կառավարման և ենթակառուցվածքների նախարարի հանձնարարությամբ Լոռու մարզպետի աշխատակազմն իրականացնում է պետբյուջեի ֆինանսավորմամբ կառուցվող օբյեկտների մշտադիտարկում։ Լոռու մարզպետի ժամանակավոր պաշտոնակատար Գոռ Ասրյանը մարզպետի աշխատակազմի կրթության, սպորտի և մշակույթի վարչության պետ Արամ Գրիգորյանի, քաղաքաշինության, հողաշինության և ենթակառուցվածքների կառավարման վարչության պետ Ռուբեն Մարգարյանի, աշխատակազմի ոլորտային այլ պատասխանատուների ուղեկցությամբ այսօր այցելել է Վանաձորի թիվ 23 հիմնական դպրոցին կից կառուցված մարզադահլիճ։
Կրթություն, մշակույթ և սպորտ-2023 12.01.2024
Կրթության, մշակույթի և սպորտի բնագավառներում 2023թ.-ին մարզն արձանագրել է մի շարք հաջողություններ: ԿՐԹՈՒԹՅՈՒՆ «Դիջիկոդ» կիրառական ծրագրավորման պատանեկան 8-րդ հանրապետական մրցույթի եզրափակիչ փուլում Լոռու մարզը հաղթող երկու մասնակից է ունեցել(Ալավերդու թիվ 2 հիմնական դպրոց, Վանաձորի թիվ 11 ավագ դպրոց)։ Ինստիգեյթ Մոբայլ կազմակերպությունից խրախուսական մրցանակ են ստացել Սարահարթի միջնակարգ դպրոցի աշակերտները։
Քաղաքաշինություն և ճանապարհաշինություն. 2023թ. 11.01.2024
Լոռու մարզում 2023թ. իրականացված աշխատանքները կներկայացվեն՝ ըստ ոլորտների. Քաղաքաշինության ոլորտում 2023թ. կյանքի են կոչվել մի շարք կարևոր ծրագրեր: Իրականացվել են հետևյալ աշխատանքները. 2023 թվականին Լոռու մարզի համայնքներից ներկայացվել էր 50 սուբվենցիոն ծրագրի հայտ, որից ծրագրային հայտերի գնահատման միջգերատեսչական հանձնաժողովի կողմից հաստատվել էր 47-ը՝ 7.45 մլրդ նախահաշվային արժեքով, որից պետական մասնաբաժինը կազմել է շուրջ 4.2 մլրդ դրամ: Վերոնշյալ ծրագրերից 15-ն ավարտվել են, մնացածը գտնվում են ընթացքի մեջ կամ ավարտական փուլում են, և ՀՀ կառավարության համապատասխան որոշմամբ կտեղափոխվեն 2024 թվական: 2023 թվականին ավարտին են հասցվել նաև 2021թ. և 2022 թ. հաստատված սուբվենցիոն ծրագրերը, որոնք տարբեր պատճառներով տեղափոխվել էին ընթացիկ տարի:
Պարտադիր զինվորական ծառայության մեկնեցին 2024 թվականի ձմեռային զորակոչի առաջին նորակոչիկները 09.01.2024
Լոռու մարզի ձմեռային առաջին զորակոչն այսօր մեկնարկեց հանդիսավոր միջոցառմամբ։ Վանաձոր և Փամբակ համայնքների նորակոչիկներին Վանաձորի Շառլ Ազնավուրի մշակույթի պալատի բակից զինվորական ծառայության ճանապարհեցին Լոռու մարզպետի ժամանակավոր պաշտոնակատար Գոռ Ասրյանը, Վանաձորի համայնքապետի պաշտոնակատար Արկադի Փելեշյանը, Փամբակ համայնքի ղեկավար Սուրեն Կոստանդյանը, մարզային և համայնքային իշխանությունների, ուժային կառույցների ներկայացուցիչներ, նորակոչիկների ծնողներ և հարազատներ։ Գոռ Ասրյանը նորակոչիկներին մաղթեց անփորձանք ծառայություն ու բարի վերադարձ հայրենի օջախներ, իսկ ծնողներին՝ համբերություն:
Վարչապետ Նիկոլ Փաշինյանը հունվարի 3-ին այցելել է Լոռու մարզ և ծանոթացել Կառավարության ֆինանսավորմամբ համայնքներում իրականացվող ծրագրերի ընթացքին: Վարչապետին ուղեկցել է Լոռու մարզպետ Արամ Խաչատրյանը, բարձրաստիճան պաշտոնյաներ, ԱԺ պատգամավորներ: Նիկոլ Փաշինյանի առաջին կանգառը եղել է Վարդաբլուրի միջնակարգ դպրոցում, որտեղ կառուցվել է նոր մարզադահլիճ: Ծրագրի իրականացման նպատակով Կառավարությունը հատկացրել է ավելի քան 237 մլն դրամ: Շինարարական աշխատանքները մեկնարկել էին 2022թ. մայիսին:
