Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Թուրքմենստանի մշակույթի օրեր»՝ Վանաձորում 30.03.2015
Հայ-թուրքմենական մշակութային համագործակցության շրջանակում Հայաստանում մարտի 24-31-ը անց են կացվում «Թուրքմենստանի մշակույթի օրեր»: Վերջինիս շրջանակներում ՀՀ մշակույթի նախարարության և Լոռու մարզպետարանի աջակցությամբ Թուրքմենստանի գեղարվեստական խմբերի մասնակցությամբ համերգ տեղի ունեցավ Վանաձորի Հովհ. Աբելյանի անվան պետական դրամատիկական թատրոնում: Հյուրերին ողջունեց Լոռու մարզպետի տեղակա Տիգրան Բադոյանը: Նա իր խոսքում կարևորեց նմանատիպ միջոցառումների կազմակերպումը:
Հանդիսավորությամբ բացվեց Բազում գյուղի մանկապարտեզը 27.03.2015
Բազում գյուղի համայնքային կենտրոնը և կից մանկապարտեզը շահագործման են հանձնվել դեռևս 2013թ.-ին պետական միջոցներով իրականացվող երրորդ հրատապ ծրագրի շրջանակներում: Ծրագրի իրականացման ընթացքում տասը տոկոսի չափով ներդրում է կատարվել նաև համայնքային բյուջեից: Բավարար գույք չունենալու պատճառով, սակայն, մանկապարտեզը մինչ օրս չէր գործում:
Թատերարվեստի գործիչներին շնորհավորեց մարզի ղեկավարը 27.03.2015
Լոռու մարզպետ Արթուր Նալբանդյանի ջերմ վերաբերմունքը թատրոնի և թատերարվեստի գործիչների նկատմամբ ակնառու է, և Թատրոնի միջազգային օրը մարզի ղեկավարի համար ևս մեկ առիթ է անձամբ շնորհավորելու թատրոնի նվիրյալներին:
Ստեփանավանի քաղաքապետ Միքայել Ղարաքեշիշյանը ՀՀ պատվիրակության կազմում Ճապոնիայի Սենդայ քաղաքում մասնակցել է ՄԱԿ-ի Աղետների ռիսկերի նվազեցման (ԱՌՆ) 3-րդ համաշխարհային կոնֆերանսին:
Մարզպետն այցելեց «Ռոզֆրուդ» ՍՊԸ 25.03.2015
2011 թվականին է հիմնադրվել բազմատեսակ պահածոների արտադրության մեջ մասնագիտացած Վանաձորի «Ռոզֆրուդ» ՍՊԸ-ն: Արտադրական ծավալների չափանիշներով այն միջին բիզնեսի կարգավիճակ ունեցող ձեռնարկություն է:
Վանաձորից ֆինասնավորում կստանա «E-Voca PROJECT» ծրագիրը 25.03.2015
Մարտի 23-ին և 24-ին, Երևանի «Արմենիա Մարիոթ» հյուրանոցի ‹‹Արարատ›› սրահում տեխնոլոգիական ոլորտի 39 թիմեր և ընկերություններ Երևանից, Գյումրիից ու Վանաձորից ներկայացրեցին իրենց բիզնես գաղափարներն ու նորարար լուծումները՝ համաֆինանսավորվող դրամաշնորհային մրցույթում հաղթելու համար։ Միջոցառմանը ներկա էին նաև ներկայացուցիչներ Լոռու մարզպետարանից, Վանաձորի Տեխնոպարկից: Միջոցառման կազմակերպիչն էր Ձեռնարկությունների Ինկուբատոր հիմնադրամը` ՀՀ Էկոնոմիկայի նախարարության և Համաշխարհային բանկի աջակցությամբ:
