Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Դեկտեմբերի 23-ին Լոռու մարզպետ Արամ Ղազարյանի գլխավորությամբ անցկացվել է հեղեղումների հետևանքով առաջացած ռիսկերը նվազեցնելու և հետագա հեղեղումների վտանգը կանխարգելելու նպատակով ստեղծված հանձնաժողովի հերթական նիստը։ Հանդիպմանը մասնակցել են ՀՀ տարածքային կառավարման և ենթակառավարման նախարարության «Մելիորացիա» ՓԲԸ ոլորտային կազմակերպության գլխավոր տնօրեն Սասուն Միրոյանը, Լոռու մարզպետի տեղակալ Գոռ Ասրյանը, ՀՀ շրջակա միջավայրի, տարածքային կառավարման և ենթակառուցվածքների նախարարությունների, մարզպետի աշխատակազմի պաշտոնյաներ, Ալավերդի, Թումանյան և Փամբակ համայնքների ղեկավարները, ՀՀ բնապահպանության և ընդերքի տեսչական մարմնի Լոռու տարածքային բաժնի, «Հարավ-Կովկասյան երկաթուղի» ՓԲԸ-ի ներկայացուցիչներ։
Լոռու մարզպետը խորհրդակցություն է անցկացրել 24.12.2024
Դեկտեմբերի 23-ին Լոռու մարզպետ Արամ Ղազարյանն անցկացրել է աշխատանքային խորհրդակցություն՝ մարզպետի տեղակալներ Գոռ Ասրյանի, Հովհաննես Ավետիսյանի, աշխատակազմի պատասխանատու պաշտոնյաների, կառուցվածքային ստորաբաժանումների ղեկավարների մասնակցությամբ: Քննարկվել է նախորդ խորհրդակցությունների ընթացքում տրված հանձնարարականների կատարման ընթացքը, դրանց արդյունքներն ու ընթացիկ խնդիրները: Լոռու մարզպետն ընդգծել է տրված բոլոր հանձնարարականների պատշաճ և ժամանակին իրականացումը:
Դեկտեմբերի 24-ին ՏԿԵ նախարար Դավիթ Խուդաթյանն աշխատանքային խորհրդակցություն է անցկացրել մարզպետների և ՏԿԵ նախարարության ֆինանսական ստորաբաժանումների ղեկավարների մասնակցությամբ։ Խորհրդակցությանը մասնակցել է Լոռու մարզպետ Արամ Ղազարյանը։ Քննարկվել են սուբվենցիոն ծրագրերի կատարողականների, համայնքների սեփական եկամուտների հավաքագրման տարեվերջյան ցուցանիշները։
Կառավարությունը փոփոխություններ է կատարել Լոռու և Տավուշի մարզերում 2024 թվականի մայիսի 25-26-ը տեղացած հորդառատ անձրևներով պայմանավորված հեղեղումների պատճառով առաջացած արտակարգ իրավիճակի հետևանքով աղետի գոտում ֆիզիկական անձանց պատճառված վնասի փոխհատուցման կարգում: Ինչպես նշել է ՏԿԵ նախարար Դավիթ Խուդաթյանը, գործող կարգավորումներով 1 քառակուսի մետրի համար 63 հազար դրամ արժեքով Ալավերդիում հնարավոր չի եղել համարժեք բնակարաններ գնել:
Լոռու մարզպետ Արամ Ղազարյանի հանձնարարությամբ շարունակվում են հանդիպումները ԼՂ-ից տեղահանված և Լոռու մարզի համայնքներում բնակություն հաստատած քաղաքացիների հետ։ Մարզպետի օգնական, ՀՀ ՏԿԵ նախարարին կից՝ Լեռնային Ղարաբաղից բռնի տեղահանված անձանց աջակցման հարցերով հասարակական խորհրդի անդամ Հայկ Հակոբյանը հանդիպում է ունեցել Լեռնային Ղարաբաղից բռնի տեղահանված անձանց հետ՝ պետական աջակցության տարբեր ծրագրերի իրազեկման նպատակով։ Հանդիպմանը ներկա են եղել նաև Վանաձորի համայնքապետարանի, ՆԳՆ միգրացիոն և քաղաքացիության ծառայության, ՄՍԾ Վանաձորի մասնաճյուղի ներկայացուցիչներ։
Լոռու մարզպետ Արամ Ղազարյանը դեկտեմբերի 20-ին Վանաձորի թիվ 7 հիմնական դպրոցում տարեվերջյան ամփոփիչ խորհրդակցություն է անցկացրել Լոռու մարզային ենթակայության դպրոցների տնօրենների և վարչատնտեսական համակարգողների մասնակցությամբ: Ներկա են եղել նաև մարզպետի խորհրդական Գարեգին Քարհանյանը, մարզպետի աշխատակազմի կրթության, մշակույթի և սպորտի վարչության պատասխանատու պաշտոնյաներ: Մարզի ղեկավարն իր խոսքում կարևորել է դպրոցներում կրթական գործընթացի պատշաճ կազմակերպումը, ինչպես նաև բարոյահոգեբանական մթնոլորտի ապահովմանն ուղղված հետևողական ջանքերը: Նա ընդգծել է աշակերտների շրջանում բարձրագույն արժեքների՝ պետության, ընտանիքի, կրթության, մշակույթի նկատմամբ սեր, հոգատարություն ու նվիրվածություն սերմանելու կարևորությունը և ջանքերի կրկնապատկումը:
