Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Նոյեմբերի 21-ին հանդիսավորությամբ նշվեց Վանաձորի Տիգրան Չուխաջյանի անվան արվեստի դպրոցի հիմնադրման 50-ամյակը, որի առթիվ կազմակերպվել էր տոնական միջոցառում: Միջոցառմանն իրենց մասնակցությունն էին բերել մարզպետի տեղակալ Գայանե Մարկոսյանը, մարզպետարանի և քաղաքապետարանի պատասխանատու պաշտոնյաներ, երաժշտագետներ, արվեստի գործիչներ, հյուրեր: Հոբելյանական տարեդարձի առիթով ողջույնի և շնորհավորանքի խոսքով հանդես եկավ Գայանե Մարկոսյանը: Դպրոցի այժմյան և արդեն վաստակած հանգստի անցած դասատուներին շնորհակալություն հայտնելով նվիրումի ու ջանադիր աշխատանքի համար՝ մարզպետի տեղակալը նշեց, որ որպես մշակույթի ոլորտը համակարգող պաշտոնյա, անկախ նրանից՝ կառույցը համայնքային ենթակայության է, թե՝ մարզային կամ պետական, պատրաստ է հաղորդակից դառալու ցանկացած մտահոգության՝ հնարավորության դեպքում աջակից լինելով դրանց լուծման հարցում:
ՈՒՇԱԴՐՈՒԹՅՈՒՆ 21.11.2019
Հայտնում ենք, որ առողջապահության նախարարի հրամանով կասեցվել է Իտալիայի «Մեդիոլանում Ֆարմասյուտիսի Ս.պ.ա., Վիա Սան Ջիուսեպե Կոտոլենգո, 150-20143 Միլան(ՄԻ)՝ բաց թողնման հսկող, Դոպել Ֆարմասյուտիսի Ս.ռ.լ., Վիա Վոլտուրնո, 48-Քուինտո Դե’ Ստամպի- 20089 Ռոզանո Միլան, Իտալիա՝ դեղաձևի արտադրող, փաթեթավորող,Եվրոդրագ Լաբորատորիես Ս.Ա., Ասեստինվեգ 117/7, Բ-1740 Տերնատ, (Բելգիա)-ի համար» դեղագործական ընկերության արտադրության «Ուրոֆլօքս, ռուֆլօքսացին (ռուֆլօքսացինի հիդրոքլորիդ), դեղահատեր թաղանթապատ, 200մգ, (2/1x2/), (6/1x6/), բլիստերում» դեղի գրանցումը Հայաստանի Հանրապետությունում:
Նշվում է Երեխաների իրավունքների մասին կոնվենցիայի ընդունման 30-ամյակը 20.11.2019
Այսօր նշվում է Երեխաների իրավունքների մասին կոնվենցիայի ընդունման 30-ամյակը՝ մարդու իրավունքների վերաբերյալ պատմությաn մեջ ամենատարածված համաձայնագիրը: ՀՀ-ն վավերացրել է կոնվենցիան 1994թ.-ին և ՅՈՒՆԻՍԵՖ-ը համագործակցում է ՀՀ կառավարության հետ՝ աջակցելու յուրաքանչյուր երեխայի իրավունքների իրացման առաջընթացին: Այս առիթով Լոռու մարզպետ Անդրեյ Ղուկասյանը տեսաուղերձ է հղել
ԳԱՅԱՆԵ ՄԱՐԿՈՍՅԱՆ. «ԼՈՒՐՋ ԹԵՐԱՑՈՒՄՆԵՐԸ ՎԱՏ ԱՇԽԱՏԱՆՔԻ ԱՐԴՅՈՒՆՔ ԵՆ» 20.11.2019
Լոռու մարզի համայնքների հարկերի հավաքագրման ցուցանիշերը շարունակում են առաջնային տեղ գրավել մարզային իշխանությունների օրակարգում, քանզի սեփական եկամուտների պատշաճ հավաքագրումը համայնքների ղեկավարների պարտադիր լիազորությունն է, որը նրանցից շատերը չեն շտապում պարտադիր կերպով իրականացնել՝ որպես պատճառաբանություն ներկայացնելով մի շարք օբյեկտիվ և սուբյեկտիվ հանգամանքներ: Այսօր մարզի մի խումբ համայնքների ղեկավարների մասնակցությամբ հրավիրված խորհրդակցությանը մարզպետի տեղակալ Գայանե Մարկոսյանը փորձեց պարզել՝ ի՞նչ խանգարող հանգամանքեր և խոչընդոտներ են առկա գործընթացը պահանջներին համապատասխան իրականացնելու համար: Քննարկմանը ներկա էին նաև մարզպետարանի պատասխանատու այլ պաշտոնյաներ:
ՀԻՄՆԱՆՈՐՈԳՎՈՒՄ ԵՆ ԼՈՌՈՒ ՄԱՐԶԻ ՀՐՇԵՋ-ՓՐԿԱՐԱՐԱԿԱՆ ԵՐԵՔ ԿԱՅԱՆՆԵՐԸ 19.11.2019
ՀՀ կառավարության որոշմամբ Լոռու մարզի հրշեջ փրկարարական երեք՝ Թումանյանի, Տաշիրի և Գուգարքի կայաններում իրականացվում են հիմնանորոգման աշխատանքներ: Լոռու մարզպետ Անդրեյ Ղուկասյանը մարզային փրկարարական վարչության պետ, գնդապետ Սերոբ Գաբրիելյանի ուղեկցությամբ եղավ հիմնանորոգվող շինհրապարակներում, ծանոթացավ աշխատանքների ընթացքին, հանդիպեց շինարարական ընկերությունների ղեկավարներին՝ նրանց ևս մեկ անգամ հորդորելով, աշխատանքներն իրականացնել որակյալ և հատկապես ժամկետներում, քանի որ անհրաժեշտ է օր առաջ աշխատանքային բարենպաստ պայմաններ ապահովել իրենց կյանքն ու առողջությունը վտանգող փրկարարների համար:
Նոյեմբերի 18-ին անցկացվեց Լոռու մարզի զբաղվածության աջակցության մարզային հանձնաժողովի նիստը: Հանձնաժողովի նախագահն է մարզպետի տեղակալ Գայանե Մարկոսյանը: Հանձնաժողովի քարտուղար, մարզպետարանի առողջապահության և սոցիալական ապահովության վարչության սոցիալական ապահովության բաժնի պետ Վալերի Ջաղինյանը ներկայացրեց «Վարձատրվող հասարակական աշխատանքների կազմակերպման միջոցով գործազուրկների ժամանակավոր զբաղվածության ապահովման» կարգի պահանջներին համապատասխան ՀՀ աշխատանքի և սոցիալական հարցերի նախարարի՝ օրեր առաջ Լոռու մարզպետին ուղղված գրությունը, ըստ որի, ծրագրի շրջանակներում առաջարկվել է մինչև տարեվերջ իրականացնել լրացուցիչ ծրագրեր:
