Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզում շաբաթօրյակի նախապատրաստական աշխատանքներն ավարտված են 28.04.2022
Ապրիլի 30-ին անցկացվելիք համապետական շաբաթօրյակին ընդառաջ Լոռու մարզպետի տեղակալ Հովհաննես Ավետիսյանի գլխավորությամբ Լոռու մարզպետարանում անցկացվեց ամփոփիչ խորհրդակցություն: Ներկա էին Լոռու մարզպետարանի կառուցվածքային ստորաբաժանումների պատասխանատու պաշտոնյաներ, մարզի համայնքների պատասխանատուներ: Հ. Ավետիսյանը տեղեկացրեց, որ մարզի տարածքում առանձնացված են տեղամասեր, որտեղ աշխատանքներ կիրականացնեն Լոռու մարզպետարանը, համայնքապետարանները, կրթական ու առողջապահական բոլոր հիմնարկները, պետական և համայնքային նշանակության կառույցներն ու կազմակերպությունները: -Հատկապես լուրջ ուշադրություն պետք է դարձվի զբոսաշրջային վայրերին, պատմամշակութային հուշարձանների, ճանապարհամերձ տարածքներին,-ասաց Հ. Ավետիսյանը:
Պարենային փաթեթներ են տրամադրվել Լոռու մարզի 75 ընտանիքի 27.04.2022
ՀՀ-ում Արաբական Միացյալ Էմիրությունների դեսպանությունը Լոռու մարզպետարանի հետ համագործակցությամբ պարենային արկղեր է տրամադրել «Լոռու մարզի կույրերի վարչություն» ՀԿ-ի անդամ և սոցիալապես անապահով շուրջ 75 ընտանիքի։ Ծրագիրն իրականացվում է ԱՄԷ ղեկավարության կարգադրությամբ՝ Ռամադան ամսվա ընթացքում աշխարհի տարբեր երկրներին, այդ թվում Հայաստանին մարդասիրական օգնություն տրամադրելու համատեքստում:
Աշխատանքային այցեր Փամբակ և Թումանյան խոշորացված համայնքներ 27.04.2022
Լոռու մարզպետ Արամ Խաչատրյանի հանձնարարությամբ մարզպետի տեղակալ Հովհաննես Ավետիսյանը մարզպետարանի ՏԻ և ՀԳՄ հարցերով վարչության պետ Մհեր Խեչումյանի, Ֆինանսական և սոցիալ-տնտեսական զարգացման վարչության պետ Մերի Դալլաքյանի ուղեկցությամբ ապրիլի 26-ին և 27-ին աշխատանքային այցերով եղել է Փամբակ և Թումանյան խոշորացված համայնքներում՝ խորհրդակցություններ անցկացնելով համայնքների ղեկավարների, բնակավայրերի վարչական ղեկավարների, ավագանու անդամների և աշխատակազմերի հետ: Քննարկումների օրակարգային գլխավոր հարցը սեփական եկամուտների հավաքագրման գործընթացն է եղել: Մարզպետի տեղակալը հորդորել է հետևողական լինել հարկերի հավաքագրումը 100 տոկոսի հասցնելու ուղղությամբ, քանի որ համայնքներում իրականացվող սուբվենցիոն ծրագրերն ուղիղ համեմատական են եկամուտների հավաքագրմանը:
ՊՀԾ-ն հնարավորություն է ստեղծում օժանդակել սննդի արտադրության ոլորտում գործող շուրջ 30 փոքր ձեռնարկությունների՝ տրամադրելով 30% սուբսիդավորում արևային կայաններ տեղադրելու համար, որը կնպաստի ձեռնարկությունների արտադրողականության բարձրացմանը և եկամտաբերության աճին։ Արևային կայան ստացող փոքր ձեռնարկությունը որպես կանխավճար պետք է վճարի արևային կայանի արժեքի ընդամենը 10%-ը: Արժեքի մնացած 60%-ը փոքր ձեռնարկությունը կվճարի մաս առ մաս՝ 5 տարվա ընթացքում:
Վանաձորի թիվ 1 համաբուժարանում իրականացվել է «Պատվաստումը հոգատարություն է» միջոցառումը 25.04.2022
«Պատվաստումը հոգատարություն է» արշավն իրականացվում է ՀՀ առողջապահության նախարարության և գործընկերների՝ Հիվանդությունների վերահսկման և կանխարգելման ազգային կենտրոնի, տեղական ինքնակառավարման մարմինների, Արաբկիր ԲԿ-ի և ԵԴԱԻ-ի, Հայկական արյունաբանական ասոցիացիայի, Իմունոլոգիայի հայկական ասոցիացիայի, Հայկական կարմիր խաչի ընկերության հետ համատեղ՝ «Եվրոպական միության և ԱՀԿ միասնական գործողությունների շրջանակներում՝ աջակցելու COVID-19-ի պատվաստանյութերի ներդրման և պատվաստումների իրականացմանը Արևելյան գործընկերության երկրներում, 2021-2024թ․թ.» ծրագրի շրջանակում։ Այն ուղղված է Հայաստանի մարզերում բնակվող 65 տարեկանից բարձր անձանց իրազեկմանը և պատվաստումները հասանելի դարձնելուն:
Ոչ ոք չի մոռացվում, ոչինչ չի մոռացվում 25.04.2022
Ապրիլի 24-ին՝ Հայոց Մեծ Եղեռնի 107-ամյա տարելիցի օրը, հանդիսապետությամբ Գուգարաց թեմի առաջնորդ Գերաշնորհ Տեր Հովնան եպիսկոպոս Հակոբյանի Վանաձորի Սուրբ Մարիամ Աստվածածին եկեղեցում մատուցվեց պատարագ՝ ի հիշատակ Հայոց Ցեղասպանության նահատակների: Պատարագիչն էր Սուրբ Աստվածածին եկեղեցու հոգևոր հովիվ Տեր Ստեփանոս քահանա Մարգարյանը։ Պատարագին ներկա էին Լոռու մարզպետ Արամ Խաչատրյանը, մարզային և քաղաքային իշխանության ներկայացուցիչներ և բազմաթիվ հավատացյալներ։ Պատարագի ավարտին Սրբազան Հոր հանդիսապետությամբ, Սուրբ Աստվածածին եկեղեցու Սրբոց Նահատակաց պուրակում կատարվեց նահատակների բարեխոսական կարգ: Ապա ներկաները ծաղիկներ խոնարհեցին Սրբոց Նահատակաց պուրակի Հայոց Ցեղասպանության հիշատակն անմահացնող հուշակոթողին։
