Տեղեկատվական կենտրոն
Նորություններ
![«Մխիթար Սեբաստացի» կրթահամալիրի «Սեբաստացիներ» երգչախումբը հանդես կգա համերգով «Մխիթար Սեբաստացի» կրթահամալիրի «Սեբաստացիներ» երգչախումբը հանդես կգա համերգով](http://lori.mtad.am/files/n_pics/29174_s.jpg)
«Մխիթար Սեբաստացի» կրթահամալիրի «Սեբաստացիներ» երգչախումբը հանդես կգա համերգով 19.07.2021
«Մխիթար Սեբաստացի» կրթահամալիրի «Սեբաստացիներ» երգչախումբը հանդես կգա համերգով Հուլիսի 23-ը «Մխիթար Սեբաստացի» կրթահամալիրի «Սեբաստացիներ» ուսուցչական երգչախմբի հիմնադիր գեղարվեստական ղեկավար, ՀՀ արվեստի վաստակավոր գործիչ մաեստրո Հարություն Թոփիկյանի ծննդյան օրն է։ Երգչախումբը ստանձնել է մաեստրոյին նվիրված հոգևոր երգերի ձայնասկավառակ-ալբոմի ստեղծումը, որի շնորհանդես-համերգը տեղի կունենա Վանաձորում՝ նվիրված Հարություն Թոփիկյանի 70 ամյակին ։ Երգչախումբը 11 .00-ին կլինի Օձունի տաճարում, 13.00-ին Ախթալայի վանքում 16.00-ին Վանաձորի Սուրբ Գրիգոր Նարեկացի եկեղեցում, 18․00-ին նախատեսված է «Կոմիտաս» ժողովրդական հանրային տոնախմբություն Վանաձորի «Արցախ» պուրակում:
![Դսեղ համայնքը ձեռք կբերի գյուղտեխնիկա Դսեղ համայնքը ձեռք կբերի գյուղտեխնիկա](http://lori.mtad.am/files/n_pics/29177_s.jpg)
Դսեղ համայնքը ձեռք կբերի գյուղտեխնիկա 19.07.2021
Այս տարվա սուբվենցիոն ծրագրի շրջանակներում Դսեղ համայնքը ձեռք կբերի գյուղտեխնիկա՝ կուլտիվատոր, կարտոֆիլ ցանող և հանող մեքենաներ, հողաֆրեզ, հացահատիկային շարքացան: Ծրագրի իրականացման արդյունքում համայնքում մշակվող հողատարածքները կավելանան մոտ 250 հա-ով: Ծրագրի ընդհանուր բյուջեն կազմում է մոտ 13.4 մլն դրամ, որից 6.03 մլն դրամը՝ պետական, 7.37 մլն դրամը համայնքային ներդրում է: Ծրագրի շահառու է մոտ 2200 բնակիչ:
![Ռաֆայել Սեփխանյանը հետմահու պարգևատրվեց «Մարտական ծառայություն» մեդալով Ռաֆայել Սեփխանյանը հետմահու պարգևատրվեց «Մարտական ծառայություն» մեդալով](http://lori.mtad.am/files/n_pics/29153_s.jpg)
Ռաֆայել Սեփխանյանը հետմահու պարգևատրվեց «Մարտական ծառայություն» մեդալով 16.07.2021
Արցախի Հանրապետության նախագահ Արայիկ Հարությունյանի հրամանագրի համաձայն՝ 2020 թվականի սեպտեմբերի 27-ին հակառակորդի սանձազերծած ռազմական գործողությունների ընթացքում Արցախի Հանրապետության պետական սահմանը պաշտպանելիս ցուցաբերած արիության ու խիզախության համար շարքային Ռաֆայել Աշոտի Սեփխանյանը հետմահու պարգևատրվեց «Մարտական ծառայություն» մեդալով: Լոռու մարզպետ Արամ Խաչատրյանը մարզի տարածքային ստորաբաժանման զորահավաքային բաժնի պետ փոխգնդապետ Կարեն Հայրապետյանի հետ միասին մեդալը հանձնեց Ռաֆայելի հայրիկին:
![500 մլն դրամ՝ Մ3 Վանաձոր-Տաշիր-Վրաստանի սահման միջպետական ճանապարհի վերանորոգման համար 500 մլն դրամ՝ Մ3 Վանաձոր-Տաշիր-Վրաստանի սահման միջպետական ճանապարհի վերանորոգման համար](http://lori.mtad.am/files/n_pics/29139_s.jpg)
500 մլն դրամ՝ Մ3 Վանաձոր-Տաշիր-Վրաստանի սահման միջպետական ճանապարհի վերանորոգման համար 15.07.2021
Մ3 Վանաձոր-Տաշիր-Վրաստանի սահման միջպետական նշանակության ճանապարհի 141կմ-ից- 154 կմ ճանապարհահատվածում կատարվում են միջին նորոգման աշխատանքներ: Գոյություն ունեցող ասֆալտապատ ծածկի վրա առկա էին ցանցային ճաքեր, մաշվածություն. ուստի նշված ճանապարհով անցնելիս վարորդները դժգոհում էին առաջացող անհարմարություններից: Կատարվել են ֆրեզավորման, բիտումի լցաբաշխման, հարթեցնող շերտի և 5սմ ասֆալտբետոնե ծածկի տեղադրման աշխատանքներ: Աշխատաքնների ավարտից հետո կունենանք հարմարավետ, ասֆալտապատ ճանապարհ: Անվտանգ եթևեկություն ապահովելու նպատակով նշված ճանապարհահատվածը կահավորվել է համապատասխան ճանապարհային նշաններով: Ներդրումը կատարվել է ՀՀ կառավարության կողմից. պետական բյուջեից հատկացվել է 500 մլն դրամ:
![Անվտանգ երթևեկություն՝ երկաթուղային գծանցներում Անվտանգ երթևեկություն՝ երկաթուղային գծանցներում](http://lori.mtad.am/files/n_pics/29140_s.jpg)
Անվտանգ երթևեկություն՝ երկաթուղային գծանցներում 15.07.2021
«Գծանցների օր» միջոցառման շրջանակներում այսօր Լոռու մարզի Սպիտակ և Ախթալա համայնքներում «Հարավկովկասյան երկաթուղի» ՓԲԸ-ի և Ճանապարհային ոստիկանության աշխատակիցները տրանսպորտային միջոցների վարորդներին հորդորոցին խստագույնս պահպանել երթևեկության կանոնները և ցուցաբերել զգոնություն, տրամադրեցին երկաթուղային գծանցներում երթևեկության անվտանգության մասին հուշաթերթիկներ՝ հստակ կանոնների շեշտադրմամբ: Միջոցառումն ուղղված էր՝ վարորդներին ևս մեկ անգամ հիշեցնելու երկաթուղային գծանցների ճիշտ հատման կանոնները:
![Ձեր հաջողություններն ու հաղթանակները հպարտության առիթ են ողջ հայության համար,- Ա. Խաչատրյան Ձեր հաջողություններն ու հաղթանակները հպարտության առիթ են ողջ հայության համար,- Ա. Խաչատրյան](http://lori.mtad.am/files/n_pics/29129_s.jpg)
Ձեր հաջողություններն ու հաղթանակները հպարտության առիթ են ողջ հայության համար,- Ա. Խաչատրյան 14.07.2021
Լոռու մարզպետ Արամ Խաչատրյանն այսօր հյուրընկալեց, շնորհակալագրեր և դրամական պարգևներ հանձնեց Ուկրաինայում կայացած ուժային եռամարտի Եվրոպայի առաջնությունում մեդալակիր մարզիկներին, նրանց մարզիչներին ու Հայաստանի Պաուերլիֆտինգի ֆեդերացիայի նախագահին: Մարզպետը շնորհավորեց և շնորհակալություն հայտնեց ոչ միայն մեր մարզի, այլ նաև ողջ Հանրապետության պատիվը բարձր պահելու, հայոց եռագույնը ծածանելու ու հաղթանակի բերկրանք պարգևելու համար: - Ձեր հաջողությունները, մեդալներն ու հաղթանակները հպարտության առիթ են ողջ հայության համար, ձեր հաղթանակները նաև մեր հաղթանակներն են, - նշեց մարզպետը՝ կարևորելով ցանկացած ձեռքբերում, որը հարթակ ու հնարավորություն կդառնա հետագա հաջողություների համար: