Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ներկայացվեց ավարտական և ընդունելության քննությունների կարգը 14.04.2022
«Գնահատման և թեստավորման կենտրոն» ՊՈԱԿ-ի մասնագետները դպրոցների ավարտական և բուհերի ընդունելության քննությունների նախապատրաստական աշխատանքների շրջանակներում մարզային շրջայցերի միջոցով դպրոցների տնօրեններին տեղեկացնում են միասնական և կենտրոնացված քննական կարգում կատարված փոփոխությունները։ ԳԹԿ-ի քննությունների կազմակերպման բաժնի պետ Էդվարդ Սանթրոսյանն այդ նպատակով այսօր Լոռու մարզի Վանաձոր և Ստեփանավան քաղաքներում էր՝ մարզի դպրոցների տնօրեններին ներկայացնելու պետական ավարտական քննությունների նոր չափորոշիչները և ընդունելության քննությունների կարգը։ Հանդիպման մասնակցում էին նաև Լոռու մարզպետարանի կրթության, մշակույթի և սպորտի վարչության մասնագետները։
Հայտարարություն 12.04.2022
Լոռու մարզում սպորտի մասսայականացմանը և զարգացմանը նպաստելու, առողջ ապրելակերպը խթանելու նպատակով ապրիլի 30-ից մայիսի 10-ը կանցկացվի «Լոռու մարզպետի գավաթ-2022» մրցաշար՝ սեղանի թենիս և ֆուտբոլ մարզաձևերից։ Մրցույթի առաջին փուլը կանցկացվի համայնքներում, եզրափակիչ փուլը՝ Վանաձորում։ Մրցաշարին կարող են մասնակցել մարզում գործող հիմնարկ-ձեռնարկությունների 16 տարին լրացած ֆուտբոլային թիմերը, իսկ սեղանի թենիսի մրցաշարին՝ համայնքային մրցույթներում 1-3-րդ տեղերը գրաված մարզիկ-մարզուհիները։
Լոռու մարզպետ Արամ Խաչատրյանի հանձնարարությամբ Լոռու մարզպետարանում ձևավորված աշխատանքային խումբը մարտի 29-ից մեկնարկել է այցելությունները մարզի համայնքներ՝ շահառուների շրջանում գյուղատնտեսության ոլորտի պետական օժանդակության ծրագրերի վերաբերյալ պատշաճ իրազեկում իրականացնելու նպատակով՝ շահառուների խմբերի ընդլայնման նպատակով։ Նախորդ շաբաթ աշխատանքային խումբը Լոռու մարզպետարանի գյուղատնտեսության և բնապահպանության վարչության պետ Արուս Թումանյանի գլխավորությամբ եղել է նաև Օձուն, Ալավերդի, Լոռի Բերդ, Գյուլագարակ, Փամբակ, Թումանյան խոշորացված համայնքներում՝ հանդիպումներ ունենալով համայնքների բնակավայրերի բնակիչների հետ։
Լոռու մարզպետարանն աջակցություն է ցուցաբերել «Արմաթ» ինժեներական լաբորատորիաների համալրման համար 12.04.2022
Ինչպես հայտնի է, Լոռու մարզի թվով 141 դպրոցներում գործում են «Արմաթ» ինժեներական լաբորատորիաներ, որոնք լրացուցիչ կրթություն են ապահովում 3 ուղղություններով՝ ծրագրավորում, ռոբոտաշինություն, եռաչափ մոդելավորում։ Լաբորատորիաները վերանորոգված և լիարժեքորեն կահավորված են անհրաժեշտ տեխնիկական միջոցներով ու սարքավորումներով։ Մարզում սարքերով համալրման կարիք ունեին միայն Վանաձորի թիվ 24 և Սպիտակի թիվ 1 դպրոցները, մինչդեռ այս խնդիրը արագ լուծում ստացավ Լոռու մարզպետ Արամ Խաչատրյանի նախաձեռնությամբ։ Լոռու մարզպետարանը աջակցություն է ցուցաբերել նշյալ դպրոցներին «Արմաթ» ինժեներական լաբորատորիաները նոր սարքավորումներով և գույքով համալրելու և լիարժեքորեն շահագործելու համար։
Ամփոփվեցին «DigiCode- 2022» մրցույթի արդունքները 11.04.2022
Լոռու մարզպետի տեղակալ Հովհաննես Ավետիսյանը, մարզպետարանի պաշտոնյաներ ապրիլի 9-ին ներկա գտնվեցին Առաջատար տեխնոլոգիաների ձեռնարկությունների միության (ԱՏՁՄ) նախաձեռնությամբ Վանաձորի տեխնոլոգիական կենտրոնում անցկացված «DigiCode-2022» կիրառական ծրագրավորման Լոռու մարզային պատանեկան մրցույթի եզրափակիչ միջոցառմանը, որի կազմակերպմանն աջակցություն էր ցուցաբերել նաև Լոռու մարզպետարանը: Արդեն 7-րդ տարին անընդմեջ անցկացվող մրցույթին այս տարի մարզից ներկայացվել էր մասնակցության 218 հայտ։ Թիմերից 74-ն իրավունք էին ստացել մասնակցելու մրցույթի մարզային եզրափակիչ փուլին։
Կստեղծվի մարզում գործունեություն ծավալող ՀԿ-ների տվյալների ամբողջական բազա 08.04.2022
Այսօր Լոռու մարզպետարանում անցկացվեց «Լոռու մարզպետին կից հասարակական կազմակերպություններից և Լոռու մարզպետարանի կառուցվածքային ստորաբաժանումների ներկայացուցիչներից կազմավորված աշխատանքային խմբի» առաջին նիստը, որը վարում էր խմբի ղեկավար, Լոռու մարզպետի տեղակալ Հովհաննես Ավետիսյանը։ Օրակարգի առաջին հարցի շրջանակներում քննարկվեցին խմբի աշխատանքային կանոնակարգի նախագծում նախապես ներկայացված փոփոխությունները։ Կանոնակարգի վերջնական տարբերակը տեղում իրականացված բաց քվեարկությամբ միաձայն արժանացավ նիստի մասնակիցների հավանությանը։
