Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ կրթության, գիտության, մշակույթի և սպորտի նախարար Ժաննա Անդրեասյանը և Լոռու մարզպետի տեղակալ Հովհաննես Ավետիսյանը մասնակցել են Վանաձորի տարածքային մանկավարժահոգեբանական աջակցության վերանորոգված կենտրոնի բացման արարողությանը: Կենտրոնը վերանորոգվել է ՀՀ ԿԳՄՍ նախարարության և ԱՄՆ Միջազգային զարգացման գործակալության համագործակցությամբ՝ «Ներառական կրթության համակարգի հզորացում Հայաստանում» ծրագրի շրջանակում: Վանաձորի ՏՄԱԿ-ի բացմամբ՝ ամփոփվել է ծրագիրը։ Միջոցառմանը ներկա են եղել նաև ԿԳՄՍ նախարարի տեղակալ Արաքսիա Սվաջյանը, Վանաձոր համայնքի ղեկավար Արկադի Փելեշյանը, Լոռու մարզպետի աշխատակազմի կրթության, մշակույթի և սպորտի վարչության պետ Արամ Գրիգորյանը, ԱՄՆ Միջազգային զարգացման գործակալության հայաստանյան առաքելության տնօրեն Ջոն Ալելոն, պաշտոնատար այլ անձինք:
Նախակրթարան՝ այժմ արդեն Չկալով բնակավայրում 31.05.2023
ՀՀ Լոռու մարզի Թումանյան խոշորացված համայնքի Չկալով բնակավայրում հանդիսավորությամբ բացվեց նախադպրոցական կենտրոն, որը կրթական այլընտրանքային ծառայություն կմատուցի բնակավայրի 3-6 տարեկան փոքրիկներին: Նախադպրոցական կենտրոնը ստեղծվել է ԵՄ աջակցությամբ և ՅՈՒՆԻՍԵՖ-ի կողմից իրականացվող «Ապագան այսօր» ծրագրի շրջանակներում: Այս նախաձեռնությունը համահունչ է նաև Հայաստան-ՅՈՒՆԻՍԵՖ 2021-2025թթ. համագործակցության ծրագրին և 2021-2026թթ. պետության կողմից որդեգրված զարգացման ծրագրի կրթական նպատակներին: Կենտրոնի բացումը հնարավոր է դարձել Եվրոպական միության, ՀՀ կրթության, գիտության, մշակույթի և սպորտի, ՀՀ տարածքային կառավարման և ենթակառուցվածքների նախարարությունների հետ համատեղ աշխատանքի արդյունքում: Չկալովում նախակրթարանի ստեղծմանն աջակցել են նաև «Քայլառքայլ» հիմնադրամը և բարերար Սիլվա Մովսիսյանը: Այսպիսով, Լոռու մարզում այս նախաձեռնության շրջանակներում արդեն թվով տասը այլընտրանքային մանկապարտեզ է գործում, որից 5-ը՝ Թումանյան խոշորացված համայնքում:
Հայաստանի առաջին Հանրապետությանը և մայիսյան հերոսամարտերին նվիրված տոնակատարությունը Վանաձորում համախմբել էր բազմաթիվ վանաձորցիների, հյուրերի: Ղարաքիլիսայի ճակատամարտը խորհրդանշող հուշակոթողի մոտ՝ Վանաձորի Կոտրած եկեղեցու տարածքում, կազմակերպված միջոցառմանը մասնակցում էին Լոռու փոխմարզպետներ Գոռ Ասրյանը, Հովհաննես Ավետիսյանը, ԱԺ պատգամավոր Արփի Դավոյանը, Գուգարաց թեմի առաջնորդ տեր Հովնան եպիսկոպոս Հակոբյանը, Վանաձոր համայնքի ղեկավարի պաշտոնակատար Արկադի Փելեշյանը, մարզային ու համայնքային իշխանությունների ներկայացուցիչներ, ուժային կառույցների ղեկավարներ, ներկայացուցիչներ, հյուրեր:
Լոռու մարզը բարձր մակարդակով ներկայացավ «Ճանաչիր Հայաստանը» զբոսաշրջային ցուցահանդեսին 29.05.2023
Զբոսաշրջության կոմիտեի նախաձեռնությամբ` մայիսի 27-ին և 28-ին Երևանի Խաչքարերի պուրակում անցկացվեց «Ճանաչիր Հայաստանը» մարզային զբոսաշրջային ամենամյա ցուցահանդեսը, որին մասնակցեց նաև Լոռու մարզը: Միջոցառման Լոռու մարզի աշխատանքները համակարգել, մշակել և իրականացրել էր Լոռու մարզպետարանի զարգացման ծրագրերի, զբոսաշրջության և վերլուծության բաժինը՝ «ՔՈԱՖ Սմարթ» կենտրոնի և «Լոռու տարածաշրջանի զբոսաշրջության կառավարման գրասենյակ» ՀԿ-ի հետ համագործակցությամբ: Մարզն առանձին տաղավարով ներկայացավ իր զբոսաշրջային հնարավորություններով, խոհանոցով, մարզի արտադրանքով, մշակութային կոլորիտով՝ առաջնային նպատակ ունենալով մեծապես նպաստել մարզում գործող զբոսաշրջային բիզնեսների ներկայացվածությանը:
ՈՒՇԱԴՐՈՒԹՅՈՒՆ 25.05.2023
Հարգելի՛ լոռեցիներ, «ՀՀ Լոռու մարզպետի գավաթ-2023» մրցաշարը ֆուտզալ և սեղանի թենիս մարզաձևերից կանցկացվի 2023թ. հունիսի 6-ից 11-ն ընկած ժամանակահատվածում՝ Վանաձորում: Այն նպատակ ունի մասսայականացնելու և զարգացնելու նշված մարզաձևերը և նպաստելու ազգաբնակչության առողջ ապրելակերպին: Ֆուտզալի «ՀՀ Լոռու մարզպետի գավաթ-2023» մրցաշարն կանցկացվի 1 փուլով, որին կմասնակցեն համայնքներում հաղթած թիմերը, թիմեր մարզում գործող հիմնարկ-ձեռնարկություններից։ Հայտերը պետք է վավերացված լինի մասնակից կազմակերպության կողմից: Հիմնարկ - ձեռնարկությունների դեպքում թիմերի խաղացողները պետք է լինեն տվյալ ձեռնարկության աշխատակիցներ /առնվազն 3 ամիս/:
Հայտարարություն 25.05.2023
Հունիսի 10-ին ժամը 12.00-18.00 Լոռու մարզպետարանի աջակցությամբ և Հայաստանի սոցիալական աշխատողների ասոցիացիայի նախաձեռնությամբ կանցկացվի «Հայաստանում սոցիալական ներառման և ինքնաբավ կենսաապահովման միջոցառումների խթանում» դրամաշնորհային ծրագրի շրջանակներում հիմնադրված բիզնեսների ցուցահանդես-տոնավաճառը։ Միջոցառմանը կմասնակցեն ծրագրի շուրջ 70 շահառուներ։ Ցուցահանդես-տոնավաճառը կխթանի շահառուների ինքնազբաղվածությանը, կնպաստի նորաստեղծ բիզնեսների սոցիալական ակտիվացմանը։
