Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ուսումնական տարվա մեկնարկին ընդառաջ անցկացվող օգոստոսյան խորհրդակցությունների շրջանակում Լոռու մարզում տեղի ունեցավ հանդիպում ՀՀ Կրթության, գիտության, մշակույթի և սպորտի նախարարի տեղակալ Արաքսիա Սվաջյանի, Լոռու մարզպետի աշխատակազմի կրթության, մշակույթի և սպորտի վարչության պետ Արամ Գրիգորյանի, ԿԶՆԱԿ-ի, ԿՏԱԿ-ի, ՀՄԿ-ի, Կրթության տեսչական մարմնի ներկայացուցիչների, մարզպետի աշխատակազմի ոլորտային պատասխանատուների, ինչպես նաև մարզը ներկայացնող հանրակրթական ուսումնական հաստատությունների տնօրենների մասնակցությամբ։
Սպիտակի ԲԿ-ն առաջիկայում կհամալրվի բժշկական կարևորագույն սարքավորումներով 23.08.2023
Սպիտակի բժշկական կենտրոնում Ճապոնիայի դեսպանատան Մարդկային անվտանգության ծրագրերի դրամաշնորհային աջակցության շրջանակում կնքվեց սարքավորումների ձեռքբերման պայմանագիր, ըստ որի՝ Ճապոնիայի դեսպանատան կողմից Սպիտակի ԲԿ-ին առաջիկայում կտրամադրվեն բժշկական կարևորագույն սարքավորումներ: Պայմանագրի ստորագրման արարողությանը մասնակցում էին Լոռու մարզպետ Արամ Խաչատրյանը, Առողջապահության նախարարի տեղակալ Արմեն Նազարյանը, ՀՀ-ում Ճապոնիայի արտակարգ և լիազոր դեսպան Մասանորի Ֆուկուշիման, Լոռու մարզպետի աշխատակազմի առողջապահության և սոցիալական ոլորտի հարցերի վարչության պետ Ռուզաննա Պողոսյանը, Սպիտակ խոշորացված համայնքի ղեկավար Քաջայր Նիկողոսյանը, մարզային և քաղաքային իշխանության ներկայացուցիչներ, պատասխանատու այլ պաշտոնյաներ:
Հարգանքի տուրք մատուցվեց ի հիշատակ ռուս-պարսկական պատերազմում զոհված հայ և ռուս զինվորների 23.08.2023
Լոռու մարզպետի աշխատակազմի կրթության, մշակույթի և սպորտի վարչության պետ Արամ Գրիգորյանը, Լոռու մարզպետի աշխատակազմի պատասխանատու այլ պաշտոնյաներ այսօր մասնակցել են ռուսական բանակի հրամանատար Իոսիվ Մոնտրեզորի և 1804-1813 թթ․ ռուս-պարսկական պատերազմում նրա հետ զոհված հայ և ռուս զինվորների հուշակոթողի մոտ տեղի ունեցած հարգանքի տուրքի արարողությանը: Վանաձորից Սպիտակ տանող ճանապարհին վեր խոյացող և հայ-ռուսական բարեկամությունը խորհրդանշող արձանի մոտ տեղի ունեցած միջոցառմանը ներկա են եղել նաև Գյումրիում ՌԴ գլխավոր հյուպատոս-խորհրդական Յուրի Կովալկոն, Հայաստանում «Ռոսսոտրուդնիչեստվո»-ի ներկայացուցչության ղեկավար Վադիմ Ֆեֆիլովը, Հայ առաքելական և ռուսական ուղղափառ եկեղեցիների հոգևոր հովիվներ, Սպիտակի քաղաքային իշխանության, ռուսական համայնքի, 102-րդ ռազմաբազայի ներկայացուցիչներ, հյուրեր:
«Կարոտում ես՝ երկինք նայիր». հուշ-ցերեկույթ՝ նվիրված 21-ամյա զինվորին 22.08.2023
Օգոստոսի 19-ին Վանաձորի Շառլ Ազնավուրի անվան մշակույթի պալատում տեղի է ունեցել «Կարոտում ես՝ երկինք նայիր» խորագրով հուշ-ցերեկույթ՝ նվիրված Ազատ գյուղի զինվորական կացարանում հրդեհի հետևանքով անմահացած Արամ Մանուկյանի ծննդյան 21-րդ տարելիցին: Հիշատակի երեկոյին ներկա են եղել Լոռու մարզպետի տեղակալ Հովհաննես Ավետիսյանը, Լոռու մարզպետի աշխատակազմի պատասխանատու այլ պաշտոնյաներ, Շահումյան համայնքի հոգևոր հովիվ Տեր-Ներսես քահանա Ղալայանը, զինվորի հարազատները, զինակից ընկերները, հյուրեր:
Վանաձորի տեխնոլոգիական կենտրոնում մեկնարկել է «Ուշացած Վարդավառ» ճամբարը 22.08.2023
Ձեռնարկությունների ինկուբատոր հիմնադրամի «Ալիք» նախաձեռնության «Ուշացած Վարդավառ» ճամբարը մեկնարկել է Վանաձորի տեխնոլոգիական կենտրոնում։ Ճամբարի բացման արարողությանը ներկա են գտնվել Լոռու մարզպետի խորհրդական Տիգրան Հովսեփյանը, Վանաձոր համայնքի ղեկավարի պաշտոնակատարի գլխավոր խորհրդական Արման Բերնեցյանը, ՁԻՀ-ի «Ալիք» երիտասարդական նախաձեռնություն ծրագրի ղեկավար Մարիամ Դավթյանը, պաշտոնատար անձինք, հյուրեր, ճամբարականներ։ Լոռու մարզպետ Արամ Խաչատրյանի և իր կողմից ներկաներին ողջույնել է մարզպետի խորհրդականը։ Նա շնորհակալություն է հայտնել Ձեռնարկությունների ինկուբատոր հիմնադրամին ՏՏ ոլորտում երիտասարդներին բարձր մակարդակի կրթությամբ ապահովելու համար, նշել, որ ՁԻՀ֊ի դասընթացներն ավարտած բազում երիտասարդներ իրենց տեղն են գտնում ինչպես հայաստանյան, այնպես էլ արերկրյա աշխատաշուկաներում։
«Ծիրանի ծառ» վավերագրական ֆիլմերի 9-րդ միջազգային փառատոնը՝ Դեբետում 22.08.2023
Օգոստոսի 20-ին Դեբետ բնակավայրում տեղի ունեցավ «Ծիրանի ծառ» վավերագրական ֆիլմերի 9-րդ միջազգային փառատոնի բացման արարողությունը, որը ՀՀ կրթության, գիտության, մշակույթի և սպորտի նախարարության, Լոռու մարզպետարանի, Փամբակի համայնքապետարանի աջակցությամբ կազմակերպել է «Ֆիլմադարան» կինոմշակույթի զարգացման ՀԿ-ն։ Միջոցառմանը ներկա էին Լոռու մարզպետի խորհրդական Տիգրան Հովսեփյանը, Փամբակի համայնքապետ Սուրեն Կոստանդյանը, մարզպետի աշխատակազմի պատասխանատու այլ պաշտոնյաներ, կինոգործիչներ, արվեստասեր հյուրեր հանրապետության տարբեր համայնքներից և արտերկրից։ Միջոցառումը մեկնարկել է Դեբետի պարի խմբակների սաների կատարումներով, ներկաներին ուղղված ողջույնի խոսքերով։
