Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ծաղիկներ են խոնարհվել հերոսների շիրիմներին 22.09.2023
Լոռու մարզպետ Արամ Խաչատրյանը, փոխմարզպետ Հովհաննես Ավետիսյանը, Վանաձոր համայնքի ղեկավարի պաշտոնակատար Արկադի Փելեշյանը, մարզային և համայնքային իշխանությունների ներկայացուցիչները Վանաձորի Սուրբ Գր. Նարեկացի առաջնորդանիստ եկեղեցում այսօր, ՀՀ Անկախության 32-րդ տարեդարձի առթիվ, ներկա են եղել Հանրապետական մաղթանքի` հանդիսապետությամբ Գուգարաց թեմի առաջնորդ, գերաշնորհ տեր Հովնան եպիսկոպոս Հակոբյանի: Ապա նրանք այցելել են Վանաձորի զինվորական պանթեոններ, ծաղկեպսակներ դրել և ծաղիկներ են խոնարհել հերոսների շիրիմներին:
Վարչապետ Նիկոլ Փաշինյանը տիկնոջ` Աննա Հակոբյանի հետ, Լոռու մարզի Դեբեդ գյուղում ներկա է եղել «Հայաստանի մանուկներ հիմնադրամի» «Կոնցեպտ» հյուրանոցի բացման արարողությանն ու «Արվեստի, արհեստի և երաժշտության փառատոնի» բացմանը, որի նպատակն է նպաստել Լոռու տնտեսական և զբոսաշրջային գրավչության բարձրացմանը։ Միջոցառմանը ներկա են եղել նաև փոխվարչապետ Տիգրան Խաչատրյանը, Ազգային ժողովի փոխնախագահ Ռուբեն Ռուբինյանը, Լոռու մարզպետ Արամ Խաչատրյանը, պատգամավորներ, նախարարներ, «Հայաստանի մանուկներ» բարեգործական հիմնադրամի (ՔՈԱՖ) հիմնադիր նախագահ Գարո Արմենը, ՔՈԱՖ-ի գործադիր տնօրեն Լիանա Ղալթաղչյանը և այլք:
Նոբել Էմինյանն արժանացավ Լոռու մարզպետի շնորհակալագրի 18.09.2023
Գեղանկարիչ, վաստակաշատ դհոլահար, մանկավարժ, երաժիշտ, բազմաթիվ փառատոների դափնեկիր, «Գրիգոր Նարեկացի» մեդալակիր Նոբել Էմինյանի 75-ամյա հոբելյանական տարեդարձի և 55-ամյա գործունեության կապակցությամբ միջոցառում էր կազմակերպվել Վանաձորի կերպարվեստի թանգարանի բակում: Հոբելյարին շնորհավորելու էին եկել Լոռու մարզպետի տեղակալ Հովհաննես Ավետիսյանը, Գուգարաց թեմի առաջնորդ, գերաշնորհ տեր Հովնան եպիսկոպոս Հակոբյանը, մարզպետարանի պատասխանատու այլ պաշտոնյաներ, Վանաձոր համայնքի ղեկավարի գլխավոր խորհրդական Արման Բերնեցյանը, արվեստի գործիչներ, հյուրեր: Մարզի ղեկավարի և իր անունից Նոբել Էմինյանին շնորհավորեց և սերունդների կրթության, գեղագիտական ճաշակի ձևավորման գործում նրա ավանդը կարևորեց Հովհաննես Ավետիսյանը:
Արվեստների և արհեստների» միջազգային փառատոնից Լոռու մարզի թիմը վերադարձել է մրցանակներով 11.09.2023
ՀՀ Զբոսաշրջային կոմիտեի աջակցությամբ, «Մշակույթի և տուրիզմի պրոպագանդման ընկերության» կողմից Տավուշի մարզի Դիլիջան քաղաքում այսօր կազմակերպվել էր «Արվեստների և արհեստների» միջազգային փառատոնը։ Այն ավանդական է և անցկացվում է՝ սկսած 2013թ-ից։ Փառատոնին՝ իր գեղեցիկ տաղավարներով և կատարողական խմբերով, մասնակցում էր նաև Լոռու մարզը։ Փառատոնին ներկա էին Լոռու մարզպետի տեղակալ Հովհաննես Ավետիսյանը, մարզպետի աշխատակազմի պատասխանատու պաշտոնյաներ։ Մարզի ներկայացուցիչների մասնակցության հետ կապված կազմակերպչական աշխատանքները համակարգել էր Լոռու մարզպետի աշխատակազմի մշակութային միջոցառումների կազմակերպիչ Արման Մկրտչյանը։
Լոռու մարզպետի տեղակալ Հովհաննես Ավետիսյանի շրջայցը շարունակվել է Սպիտակում 08.09.2023
Լոռու մարզպետի տեղակալ Հովհաննես Ավետիսյանի շրջայցը Սպիտակ խոշորացված համայնքի բնակավարերում շարունակվել է նաև այսօր՝ մարզպետի աշխատակազմի և Սպիտակի համայնքապետարանի պատասխանատու պաշտոնյաների ուղեկցությամբ: Պաշտոնյաները եղել են Լուսաղբյուր, Խնկոյան, Սարալանջ, Կաթնաջուր, Մեծ Պարնի, Ծաղկաբեր, Հարթագյուղ, Գոգարան, Սարահարթ և Շենավան բնակավայրերում, հետևել սուբվենցիոն ծրագրերի շրջանակներում իրականացվող աշխատանքների ընթացքին: Լուսաղբյուր բնակավայրում իրականացվում են ճանապարհների ասֆալտապատման աշխատանքներ(ծրագրի արժեքը 17 մլն 600 հազար դրամ), ինչպես նաև սելավատարների կառուցում՝ գաբիոնով (ծրագրի արժեքը 18 մլն 180 հազար դրամ):
Շարունակվում է մարզպետ Արամ Խաչատրյանի գլխավորած պատվիրակության այցը ՉԺՀ 08.09.2023
Շարունակվում է ՀՀ Լոռու մարզպետ Արամ Խաչատրյանի գլխավորած մարզի պատվիրակության այցը Չինաստանի Ժողովրդական Հանրապետության Շանսի նահանգ: Մարզի պատվիրակությունն, ինչպես հայտնի է (https://www.facebook.com/RAStaffofLoriMarzpet/posts/600897832254772?ref=embed_post), այս օրերին մասնակցում է Թայյուան քաղաքում անցկացվող «Էներգիայի և ցածր ածխածնային զարգացման» ֆորումին: Մարզպետ Արամ Խաչատրյանը ֆորումի շրջանակներում հանդես է եկել ընդարձակ զեկույցով՝ ներկայացնելով Լոռու մարզը, զարգացման հնարավորությունները, էներգետիկ պոտենցյալը և շրջակա միջավայրի վրա էներգակիրների բացասական ազդեցության մեղմացմանն ուղղված քայլերը, ծրագրերը:
