Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզ և ՊԱԿԱ ռեգիոն գործակցությունը նոր հարթություն կտեղափոխվի 17.10.2023
Այսօր Լոռու մարզպետ Արամ Խաչատրյանը և մարզպետի տեղակալ Հովհաննես Ավետիսյանն ընդունել են չորսօրյա այցով ՀՀ-ում գտնվող Ֆրանսիայի Հանրապետության ՊԱԿԱ ռեգիոնի ռեգիոնալ խորհրդի ապակենտրոնացված համագործակցության ծառայության բաժնի ղեկավար Լորան Շամբրիալին և Հայաստանյան ծրագրի ղեկավար Սեսիլ Էլիզալդին: Հանդիպմանը ներկա է եղել նաև Լոռու մարզպետի աշխատակազմի զարգացման ծրագրերի մշակման և իրականացման բաժնի պետ Հասմիկ Մկրտչյանը:
Բռնի տեղահանված ընտանիքների խնդիրները մարզային իշխանությունների ուշադրության կենտրոնում են 10.10.2023
Լոռու մարզպետ Արամ Խաչատրյանը Վանաձորի համայնքապետի ժամանակավոր պաշտոնակատար Արկադի Փելեշյանի, Փամբակ համայնքի ղեկավար Սուրեն Կոստանդյանի, ՎՊՀ ռեկտոր Ռուստամ Սահակյանի և պատասխանատու այլ պաշտոնյաների հետ այսօր այցելեց Վանաձորի Տարածքային հոգեբանամանկավարժական կենտրոն (ՏՄԱԿ) և Վանաձորի պետական համալսարանի «Բազում» ուսումնամարզական հանգրվան, ուր ժամանակավոր կացարան են գտել ԼՂ-ից բռնի տեղահանված ընտանիքներ:
«Հավերժի ճամփորդը»՝ Ջիվան Սարգսյանի ծննդյան 65-ամյակի առթիվ 10.10.2023
Լոռու մարզպետ Արամ Խաչատրյանը ներկա է եղել Վանաձորի պոեզիայի թատրոնի հիմնադիր, ասմունքող, դերասան, «Մովսես Խորենացի», ՀՀ մշակույթի նախարարության «Գրիգոր Նարեկացի» և Ոսկե, ՀՀ ՊՆ «Զինված ուժեր 20 տարի», ՀՀ սփյուռքի նախարարության «Մայրենի դեսպան» մեդալակիր Ջիվան Սարգսյանի ծննդյան 65-ամյակի առթիվ կազմակերպված «Հավերժի ճամփորդ» մոնոներկայացմանը:
Այցեր՝ պետական աջակցության ծրագրերի, դրանցից օգտվելու ընթացակարգերի վերաբերյալ իրազեկման նպատակով 06.10.2023
Լոռու մարզպետ Արամ Խաչատրյանի հանձնարարությամբ մարզպետի տեղակալներ Գոռ Ասրյանը, Հովհաննես Ավետիսյանը, խորհրդական Տիգրան Հովսեփյանը, մարզպետի աշխատակազմի տարածքային կառավարման և տեղական ինքնակառավարման վարչության պետ Մհեր Խեչումյանն այցելում են մարզի բնակավայրերում ապաստան գտած, Լեռնային Ղարաբաղից բռնի տեղահանված մեր հայրենակիցներին, ծանոթանում նրանց կեցության պայմաններին, խնդիրներին ու կարիքներին:
Այսօր աշխատանքային այցով Լոռու մարզում էր ՀՀ տարածքային կառավարման և ենթակառուցվածքների նախարար Գնել Սանոսյանը: Լոռու մարզպետ Արամ Խաչատրյանի, Վանաձոր համայնքի ղեկավարի պաշտոնակատար Արկադի Փելեշյանի հետ նախարարը շրջայց է կատարել հյուրանոցներում, բնակարաններում, կեցության համար հարմարեցված այլ վայրերում, այցելել Լեռնային Ղարաբաղից բռնի տեղահանված քաղաքացիներին։
Լեռնային Ղարաբաղից բռնի տեղահանված ընտանիքների դպրոցահասակ երեխաներն աստիճանաբար դիմում են դպրոցներ 04.10.2023
Լոռու մարզպետ Արամ Խաչատրյանի հանձնարարությամբ այսօր Լոռու մարզպետի աշխատակազմի կրթության, մշակույթի և սպորտի վարչության պետ Արամ Գրիգորյանն այցելել է Ստեփանավանի տարածաշրջանի մի շարք դպրոցներ, ինչպես նաև Ազնվաձորի դպրոց, որտեղ ուսանում են Լեռնային Ղարաբաղից բռնի տեղահանված ընտանիքների երեխաներ: Ինչպես հայտնի է, ավելի քան 10 օր խաթարված է եղել նրանց՝ կրթություն ստանալու իրավունքը և միայն այժմ, դպրոցահասակ երեխաներն աստիճանաբար դիմում են դպրոցներ:
