Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզի պատվիրակությունը քառօրյա այցով Հարգիտա նահանգում էր 12.12.2023
Լոռու մարզի պատվիրակությունը՝ մարզպետի տեղակալ Հովհաննես Ավետիսյանի գլխավորությամբ, քառօրյա այցով Ռումինիայի Հարգիտա նահանգում էր։ Մարզի պատվիրակության կազմում է եղել նաև մարզպետի խորհրդական Տիգրան Հովսեփյանը: Նրանք մասնակցել են մասնագիտական համաժողովների, ոլորտային այցերի՝ քննարկելով մարզերի համագործակցության ուղղությունները։ Մարզի պատվիրակությունը հանդիպում է ունեցել նահանգային խորհրդի նախագահ Չաբա Բորբոլիի և խորհրդի անդամների հետ։ Հանդիպման ընթացքում մարզպետի տեղակալը Հարգիտայի նահանգային խորհրդին է հաղորդել մարզպետ Արամ Խաչատրյանի ողջույնի խոսքը՝ շնորհակալություն հայտնելով նաև հրավերի համար։ Նա ընդգծել է, որ մարզպետի աշխատակազմը պատրաստակամ է ամրապնդելու երկու երկրների բարեկամական կապերն ու ընդլայնելու գործակցությունը տարբեր ոլորտներում։
Համաձայնագիր՝ «Լոռու մարզպետարանի շենքի էներգախնայողության ծառայությունների մատուցման» վերաբերյալ 12.12.2023
Լոռու մարզպետ Արամ Խաչատրյանի և «Հայաստանի վերականգնվող էներգետիկայի և էներգախնայողության հիմնադրամի» տնօրեն Կարեն Ասատյանի միջև այսօր կնքվեց համաձայնագիր՝ «Լոռու մարզպետարանի շենքի էներգախնայողության ծառայությունների մատուցման» վերաբերյալ, որի համաձայն նախատեսվում է պատուհանների փոխարինում նորերով, ձեղնահարկի տակ գտնվող ծածկի ջերմամեկուսացում, արհեստական լուսավորության արդիականացում, արևային համակարգի տեղադրում և այլն:
Սպիտակ համայնքում հարգանքի տուրք՝ 1988 թվականի երկրաշարժի զոհերի հիշատակին 08.12.2023
Այսօր՝ դեկտեմբերի 7-ին, Սպիտակ համայնքի Հուշարձանների պուրակում Լոռու մարզպետի տեղակալ Գոռ Ասրյանը մասնակցել է աղետալի երկրաշարժի 35-րդ տարելիցին նվիրված միջոցառմանը: Ներկա են եղել նաև Սպիտակ համայնքի ղեկավար Քաջայր Նիկողոսյանը, Հայաստանում Ճապոնիայի արտակարգ և լիազոր դեսպանի տեղակալ Դեյվիդ Ցունակակեն, ՀՀ ՆԳՆ ՓԾ Լոռու մարզային փրկարարական վարչության պետ Սերոբ Գաբրիելյանը և բազմաթիվ քաղաքացիներ: Ներկաները մեկ րոպե լռությամբ հարգել են անմեղ նահատակների հիշատակը: Կատարվել է հոգեհանգստի կարգ՝ ձեռամբ Սուրբ Հարություն եկեղեցու հոգևոր հովիվ Տեր Վաղարշ քահանա Հակոբյանի, խնկարկվել է զոհերի հիշատակը:
Ի գիտություն զանգվածային լրատվության միջոցների 08.12.2023
Առաջնորդվելով «Զանգվածային լրատվության մասին» ՀՀ օրենքով և հիմք ընդունելով ՀՀ կառավարության 2004թ. մարտի 4-ի N 333-Ն որոշման 2-րդ կետը, ինչպես նաև ՀՀ Լոռու մարզպետի նոյեմբերի 9-ի 2011թ., թիվ 373-Ն որոշումը Լոռու մարզպետարանում լրագրողների հավատարմագրման կարգը հաստատելու մասին Լոռու մարզպետարանի տեղեկատվության և հասարակայնության հետ կապերի բաժինը մինչև ս.թ. դեկտեմբերի 25-ն իրականացնում է Լոռու մարզպետարանի գործունեությունը լուսաբանող լրագրողների հավատարմագրում։
Այսօր Լոռու մարզպետ Արամ Խաչատրյանը մասնակցել է Ալավերդի խոշորացված համայնքի նորընտիր ղեկավար Դավիթ Ղումաշյանի երդմնակալության արարողությանը: Մարզպետը շնորհավորել է Դավիթ Ղումաշյանին համայնքի ղեկավարի պատասխանատու պաշտոնը ստանձնելու կապակցությամբ: Նա իր խոսքում մասնավորապես նշել է. «Երեք օր առաջ, օրինական գործողությունների արդյունքում, ՏԻՄ օրենքին համահունչ, օրենքի ուժով հրավիրված նիստում, ավագանու քվեարկությամբ, տեղի ունեցավ գործող համայնքի ղեկավարի լիազորությունների դադարեցում և համայնքի նոր ղեկավարի օրինական ընտրություն։
ՀԲԸՄ «Կին ծրագրավորողներ» ծրագիրը հայտարարում է հերթական խմբերի հավաքագրման մասին 07.12.2023
Ծրագրի նպատակն է Հայաստանի կանանց համար կազմակերպել ՏՏ ոլորտի անվճար դասընթացներ՝ ընձեռելով նրանց նոր հնարավորություններ տեխնոլոգիաների և նորարարության ոլորտներում: Այս խմբում առաջարկվող դասընթացներն են. Web Programing/ React.js. Web Programing/Node.js. Python QA Automation 3D Modeling
