Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզը մասնակցում է «Ճանաչիր Հայաստանը» զբոսաշրջային ցուցահանդեսին 27.05.2024
ՀՀ Էկոնոմիկայի նախարարության զբոսաշրջության կոմիտեի նախաձեռնությամբ` Երևանի Սիզնս այգում անցկացվում է ամենամյա «Ճանաչի՛ր Հայաստանը» ներքին զբոսաշրջային երկօրյա ցուցահանդեսը, որին մասնակցում է նաև Լոռու մարզը: Ցուցահանդեսի բացման արարողությանը մասնակցել են ՀՀ Էկոնոմիկայի նախարար Գևորգ Պապոյանը, Լոռու մարզպետ Արամ Ղազարյանը, Գեղարքունիքի մարզպետ Կարեն Սարգսյանը, միջազգային կազմակերպությունների ներկայացուցիչներ, այլ պաշտոնատար անձինք, հյուրեր, զբոսաշրջիկներ։ Նրանք շրջել են տաղավարներով, ծանոթացել մարզերը ներկայացնող ցուցադրություններին։
Մայիսի 25-ին, ՀՀ կառավարության կողմից հաստատված «ԼՂ-ից բռնի տեղահանված ընտանիքների բնակարանային ապահովման պետական աջակցության ծրագիրը» ներկայացնելու նպատակով, Լոռու մարզպետի տեղակալ Հովհաննես Ավետիսյանը հանդիպումներ է ունեցել Տաշիր, Ստեփանավան, Գյուլագարակ, Լոռի Բերդ խոշորացված համայնքներում ապաստան գտած մեր հայրենակիցների հետ: Հանդիպումներին ներկա են եղել նաև Լոռի Բերդ համայնքի ղեկավար Արայիկ Ներսիսյանը, Գյուլագարակ համայնքի ղեկավար Խաչիկ Վարդանյանը, Տաշիրի և Ստեփանավանի համայնքապետարանների պատասխանատու պաշտոնյաներ, Միասնական սոցիալական ծառայությունների տարածքային կառույցների աշխատակիցները:
Ձևավորվել է օպերատիվ շտաբ ՏԿԵ նախարար Գնել Սանոսյանի գլխավորությամբ 26.05.2024
Հորդառատ անձրներից Լոռու եւ Տավուշի մարզերում, Երևանում, ինչպես նաև Դեբեդ, Աղստև, Տաշիր գետերի վարարման հետևանքով՝ հեղեղումների առաջացրած արտակարգ իրավիճակի կառավարման նպատակով ՀՀ վարչապետ Նիկոլ Փաշինյանի որոշմամբ ձևավորվել է օպերատիվ շտաբ ՏԿԵ նախարար Գնել Սանոսյանի գլխավորությամբ: ՀՀ ՆԳՆ Փրկարար ծառայությունը, ճանապարհային դեպարտամենտը, ոստիկանությունը, մարզպետարանները, տեղական ինքնակառավարման մարմինները, համապատասխան մյուս կառույցները իրականացնում են իրենց լիազորություններից բխող անհրաժեշտ միջոցառումներ: Խնդրում և հորդորում ենք հետևել միայն պաշտոնական տեղեկատվությանը։
ՈՒՇԱԴՐՈՒԹՅՈՒՆ 26.05.2024
Ինչպես հայտնի է՝ Դեբեդ գետի վարարած ջրերը այս գիշեր դուրս են եկել հունից՝ ավերածություններ կատարելով Մ-6 միջպետական ճանապարհին, ինչի հետևանքով ճանապարհը երկկողմանի փակ է երթևեկության համար։ Ստորև ներկայացնում ենք փակ ճանապարհները և առաջարկում այլընտրանքային երթուղիներ. Փակ երթուղիներ՝ 1. Վանաձոր – Ալավերդի – Այրում - Բագրատաշեն 2. Դիլիջան – Իջևան
ՈՒՇԱԴՐՈՒԹՅՈՒՆ 26.05.2024
Ստեփանավան և Տաշիր համայնքների հարգելի՛ բնակիչներ, հորդառատ անձրևների հետևանքով Ստեփանավանի տարածաշրջանում՝ Ձորագետի կիրճում, վնասվել է Ստեփանավան համայնքի ձախափնյա հատվածը և Տաշիր քաղաքը սնուցող գազատարը։ Իրականացվում են օպերատիվ վթարավերականգնողականաշխատանքներ։
Անց է կացվել օպերատիվ շտաբի նիստ 26.05.2024
Ալավերդու համայնքապետարանում մայիսի 26-ի երեկոյան ավարտվել է Լոռու և Տավուշի մարզերում տեղացած հորդառատ անձրևների հետևանքով տեղի ունեցած հեղեղումների առաջացրած արտակարգ իրավիճակի կառավարման նպատակով ձևավորված օպերատիվ շտաբի նիստը, որը վարել է ՀՀ տարածքային կառավարման և ենթակառուցվածքների նախարար Գնել Սանոսյանը: Նիստին մասնակցել են Լոռու մարզպետ Արամ Ղազարյանը, ՆԳՆ Փրկարար ծառայության ղեկավար Կամո Ցուցուլյանը, ԱԺ պատգամավոր Արեն Մկրտչյանը, Քաղաքաշինության կոմիտեի ղեկավար Եղիազար Վարդանյանը, «Ճանապարհային դեպարտամենտ» հիմնադրամի ղեկավար Գոռ Ավետիսյանը, Ջրառ ՓԲԸ տնօրեն Արտաշես Աբգարյանը, համայնքապետեր, պետական մարմիրնների այլ ներկայացուցիչներ:
