Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քաղաքացիների ընդունելություն 10.08.2017
Այսօր Լոռու մարզպետ Արթուր Նալբանդյանն անցկացրեց քաղաքացիների հերթական ընդունելությունը, որին մասնակցեց ավելի քան 40 քաղաքացի Վանաձորի, Գուգարքի, Սպիտակի, Ստեփանավանի տարածաշրջաններից: Քաղաքացիների հարցերին առավել սպառիչ պատասխաններ տալու նպատակով ընդունելությանը ներկա էին նաև մարզպետարանի ստորաբաժանումների պատասխանատու պաշտոնյաներ:
Մարզպետը ծանոթացավ բերքահավաքի ընթացքին 09.08.2017
Մարզի գրեթե բոլոր տարածաշրջաններում սկսվել է բերքահավաքը և մարզի ղեկավարը շտապում է դաշտեր՝ բերքահավաքի ընթացքին հետևելու և առկա խնդիրներին տեղում ծանոթանալու նպատակով: Խնդիրն այն է, որ աշնան սաստիկ ցրտահարությունից հետո Ստեփանավանի տարածաշրջանում շուրջ 2000 հեկտար հացահատիկային մշակաբույսերի ցանքատարածություններ էին վնասվել, և մարզի ղեկավարի միջնորդությամբ՝ կառավարության աջակցությամբ լրացուցիչ ցորենի և գարու սերմացու տրամադրվեց ֆերմերներին: Իրավիճակն իհարկե հնարավոր եղավ փոքր-ինչ մեղմել, իսկ արդյունքներն ակնառու են դառնում բերքահավաքի ընթացքում:
Շնորհակալություն ակտիվ մասնակցության համար 08.08.2017
Իմ խորին երախտագիտությունն եմ հայտնում այն բոլոր համայքներին, կազմակերպություններին ու անհատներին, որոնք ակտիվորեն մասնակցեցին հուլիսի 29-ին անցկացված համապետական երկրորդ շաբաթօրյակին՝ իրենց ներդրումն ունենալով մարզի համայնքների սանիտարական մաքրման, ապօրինի կուտակված աղբակույտերի վերացման գործում՝ քաջ գիտակցելով, որ մեր Լոռին, մաքուր ու անաղարտ տեսնելը յուրաքանչյուրիս նպատակն է: Սա նաև մեր մարզի զարգացման նախադրյալներից է:
Լոռու մարզպետ Արթուր Նալբանդյանը մարզպետարանի պատասխանատու աշխատողների մասնակցությամբ օգոստոսի 7-ին անցկացրեց աշխատանքային հերթական խորհրդակցությունը: Նախորդ շաբաթ կատարված աշխատանքների, կազմակերպված միջոցառումների մասին զեկուցեց մարզպետարանի աշխատակազմի ղեկավար Նարեկ Սարգսյանը:
Թիվ 3 բանակային կորպուսը հրավիրում է պայմանագրային զինվորական ծառայության 04.08.2017
Օգոստոսի 4-ին մարզպետարանի դահլիճում Բանակ-հասարակություն կապի ամրապնդման միջոցառումների ծրագրի շրջանակներում քննարկում էր կազմակերպվել Լոռու մարզպետարանի պաշտոնյաների, թիվ 3 բանակային կորպուսի պատասխանատուների, զինվորականության, մարզի քաղաքային համայնքների ներկայացուցիչների, լրատվամիջոցների մասնակցությամբ:
Կայացավ հաշմանդամություն ունեցող անձանց հարցերով զբաղվող Լոռու մարզային հանձնաժողովի հերթական նիստը 03.08.2017
Օգոստոսի 2-ին ՀՀ Լոռու մարզպետարանում անցկացվեց հաշմանդամություն ունեցող անձանց հարցերով զբաղվող Լոռու մարզային հանձնաժողովի նիստը՝ մարզպետ Արթուր Նալբանդյանի ղեկավարությամբ: Հանձնաժողովի քարտուղար Վալերի Ջաղինյանը թվային վերլուծություն ներկայացրեց մարզում բնակվող հաշմանդամություն ունեցող անձանց վերաբերյալ: Իրազեկեց նաև Անկախ պետություն¬ների համագործակցության երկրների արտադրության լսողական սարքերի և հաշմանդամի սայլակների ձեռքբերման համար հավաստագրերի տրամադրման և դրանց գնային արժեքների կարգի մասին:
