Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Բերքի տոն» 05.10.2016
Հոկտեմբերի 8-ին, ժամը 12-ին, Գյուլագարակ համայնքի մերձակա «Հեքիաթ» հանգստի գոտու տարածքում տեղի կունենա Լոռու մարզի ավանդական «Բերքի տոն» տոնահանդեսը։ Տոնակատարության ընթացքում կկազմակերպվի բերքի ցուցադրություն, կլինեն գեղարվեստական կատարումներ և մարզական ցուցադրական ելույթներ: Բոլոր ցանկացողներին հրավիրում ենք ներկա գտնվելու միջոցառմանը:
Հոբելյանական ներկայացումներ` նվիրված Վահե Շահվերդյանի ծննդյան 70 և բեմական արարման 50-ամյակներին 05.10.2016
Հոկտեմբերի 4-ին Վանաձորի Հովհաննես Աբելյանի անվան պետական դրամատիկական թատրոնում տեղի ունեցավ հանդիսություն` նվիրված թատրոնի գեղարվեստական ղեկավար, բեմադրիչ, ՀՀ վաստակավոր արտիստ Վահե Շահվերդյանի ծննդյան 70 և բեմական արարման 50-ամյակներին, որին ներկա էին ՀՀ մշակույթի նախարար Արմեն Ամիրյանը, Լոռու մարզպետ Արթուր Նալբանդյանը, Գուգարաց թեմի առաջնորդ տեր Սեպուհ արքեպիսկոպոս Չուլջյանը, մտավորականներ, թատերասերներ: Միջոցառման սկզբում խոսք ասաց Վահե Շահվերդյանը:
Նշվեց Տարեցների միջազգային օրը 04.10.2016
ՄԱԿ-ի կողմից հռչակված Տարեցների միջազգային օրվա առիթով Լոռու մարզում ևս իրականացվել են մի շարք միջոցառումներ: Լոռու մարզպետի կողմից դրամական աջակցություն է ցուցաբերվել և «Երուսաղեմի սուրբ Ղազարի օրդենը Հայաստանում» հիմնադրամի կողմից անկողնային սպիտակեղենի հավաքածու է հանձնվել մարզի 100 տարեկանը բոլորած թվով 7 երկարակյացի՝ Անդրեասյան Լուսիկ (ծնվ. 1912թ., Վանաձոր), Կիրակոսյան Խորեն (ծնվ. 1913թ., Փամբակ), Սիմոնյան Հերիքնազ (ծնվ. 1913թ., Ձորագյուղ),Պետրոսյան Դեսպին (ծնվ. 1915թ., Օձուն), Փիլոյան Բավական (ծնվ. 1915թ.,Սարահարթ), Մաճկալյան Սանամ (ծնվ. 1915թ., Լեջան), Հարությունովա Տատյանա (ծնվ. 1916թ., Տաշիր): Համայնքներից ստացված տեղեկատվության համաձայն մարզի համայնքների ղեկավարները ևս պարգևատրել են իրենց համայնքների տարեց բնակիչներին:
Հայտնի են ՏԻՄ ընտրությունների նախնական արդյունքները 04.10.2016
Վանաձորում առաջին անգամ ՏԻՄ ընտրությունները կայացան կուսակցական համամասնական ընտրակարգով: Մարզկենտրոնում ցուցակային 96.561 ընտրողից քվեարկությանը մասնակցել է 41.278 ընտրող (42.66 տոկոս): «Հայաստանի հանրապետական կուսակցության» օգտին է քվեարկել 14.889 ընտրող, «Լուսավոր Հայաստան» կուսակցության օգտին` 10.899, «Հայկական վերածնունդ» կուսակցության օգտին` 5286, «Բարգավաճ Հայաստան» կուսակցության օգտին` 2872, «Հայ հեղափոխական դաշնակցություն» կուսակցության օգտին` 2522, «Քաղաքացիական պայմանագիր» կուսակցության օգտին` 1617, «Համախմբում» կուսակցության օգտին` 984 և «Հայ ազգային կոնգրես» կուսակցության օգտին` 531 ընհտրող (1.43 տոկոս): Անվավեր է ճանաչվել 1620 քվեաթերթիկ: Այսպիսով, Վանաձոր համայնքի ավագանում ՀՀԿ-ն կունենա 13 տեղ, «Լուսավոր Հայաստանը»` 10, «Հայկական վերածնունդը»` 5, ԲՀԿ-ն` 3 և ՀՅԴ-ն` 2 տեղ: Ավագանու առաջին նիստը տեղի կունենա ընտրությունների վերջնական արդյունքների հրապարակումից հետո՝ առաջին երկուշաբթի օրը: Այդ ժամանակ կընտրվի Վանաձորի նոր քաղաքապետ:
ՀՀ Լոռու մարզպետ Արթուր Նալբանդյանի շնորհավորական ուղերձը Ուսուցչի օրվա կապակցությամբ 04.10.2016
Սիրելի ուսուցիչներ, մանկավարժներ, ընդունեք իմ ջերմ շնորհավորանքները Ձեր մասնագիտական տոնի` Ուսուցչի օրվա կապակցությամբ: Մեսրոպ Մաշտոցից մինչև այսօրվա երիտասարդ ուսուցիչը, մեր զավակներին կրթված ու գիտելիքներով հարուստ տեսնելու նպատակն ունենալով, ազգօգուտ մեծ գործ են կատարում:
«Վանաձորի օր» համաքաղաքային տոնակատարությունը` շքեղ համերգով և հրավառությամբ 03.10.2016
«Վանաձորի օր» համաքաղաքային տոնակատարությունն այս տարի կրում էր «Վանաձոր, իմ տուն» խորագիրը: Գլխավոր միջոցառումն անցկացվեց Հայքի հրապարակում, որտեղ առավոտից կազմակերպվել էր հնաոճ մեքենաների ցուցադրություն: Ժամը 16-ից սկսվեց տոնական համերգը. ելույթ ունեցան «Հորովել» երգի պարի համույթի պարային խումբը, քաղաքի պարային այլ համույթներ:
