Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հուլիսի 8-ին Լոռու մարզպետի տեղակալ Գայանե Մարկոսյանը, ՀՀ տարածքային կառավարման և ենթակառուցվածքների նախարարության Տեղական ինքնակառավարման քաղաքականության վարչության պետ Աշոտ Գիլոյանը և մարզպետարանի մի խումբ պատասխանատու պաշտոնյաներ հանդիպում-քննարկումներ անցկացրեցին Սպիտակի տարածաշրջանի Ջրաշեն, Լեռնավան, Սարամեջ, Սպիտակ և Լեռնանցք համայնքներում՝ ներկայացնելով առաջիկայում նախատեսվող համայնքների խոշորացման ծրագրերը, հարցի վերաբերյալ ՀՀ կառավարության նախնական մոտեցումները և խոշորացման ծրագրի դրական փորձը:
Թեղուտի վերագործարկման առաջին օրը մարզպետ Անդրեյ Ղուկասյանն անցկացրեց աշխատակիցների հետ 10.07.2019
Լոռու մարզպետ Անդրեյ Ղուկասյանը, ինչպես խոստացել էր Ալավերդու պղնձաձուլական գործարանի մի խումբ աշխատակիցների հետ հանդիպման ժամանակ, եղավ Թեղուտի հանքավայրում և Ալավերդու համայնքապետարանում հանդիպեց գործարանի շուրջ 20 աշխատակիցներին և «Էյ-Սի-Փի» ՓԲ ընկերության տնօրեն Լուսինե Մեջլումյանին: «Թեղուտ» ՓԲԸ-ի գործադիր տնօրեն Կարեն Ղազարյանի ուղեկցությամբ մարզի ղեկավարը շրջեց հանքավայրի տարածքում, ծանոթացավ ներկայում տիրող պայմաններին և առաջիկա այն աշխատանքներին, որոնք նախատեսվում է իրականացնել՝ հանքի շահագործումն առավել անվտանգ ու արդյունավետ կազմակերպելու համար:
Ալավերդու և Թումանյանի տարածաշրջաններում մեկնարկել է ամառային զորակոչը 08.07.2019
Հուլիսի 7-ին Ալավերդու և Թումանյանի տարածաշրջաններից պարտադիր զինվորական ծառայության մեկնեցին տարածաշրջանի առաջին նորակոչիկները: Հանդիսավոր միջոցառմանը ներկա էին Լոռու մարզպետի տեղակալ Գայանե Մարկոսյանը, մարզպետարանի զորահավաքային նախապատրաստության բաժնի պետ Սպարտակ Ղուբաթյանը, Լոռու մարզի զինկոմ, գնդապետ Արմեն Թումանյանը, համայնքների ղեկավարներ, ծնողներ: Ալավերդու Սուրբ Գրիգոր Նարեկացի եկեղեցում երիտասարդները մասնակցեցին ոգեկոչման արարողությանը:
Հարգելի քաղաքացինե՛ր Ներկայում կտրուկ բարձրացել է անտառային, անտառամերձ և այլ բուսածածկ տարածքներում առաջացող հրդեհների քանակը՝ 2019 թվականի հունիսի 1-ի դրությամբ հրդեհների կանչերի թիվը նախորդ տարվա համեմատությամբ աճել է կրկնակի (01.06.2018թ.՝ 1395 կանչ, 01.06.2019թ. 2920 կանչ), իսկ այրված մակերեսը նախորդ տարվա նույն ժամանակահատվածի համեմատությամբ՝ 5-ից 6 անգամ: Հրդեհների քանակը և ինտենսիվությունը հուլիս-օգոստոս ամիսներին աճի միտում ունի՝ ելնելով խոտի չորացման, բարձր ջերմային ֆոնի, հովեկների քանակի ավելացման, բերքահավաքի և այլ հանգամանքներից:
Հուլիսի 8-ին համագործակցության հուշագիր ստորագրվեց Լոռու մարզպետարանի, «Աստղացոլք» ՀԿ-ի և Հաշմանդամություն ունեցող անձանց հարցերով զբաղվող ազգային պլատֆորմի միջև՝ «ՀԻՄԱ հանրային միջոցները՝ հանուն երեխաների իրավունքների պաշտպանության» ծրագրի շրջանակներում Հայաստանում երեխայի պաշտպանության համակարգի զարգացման վերաբերյալ: Հուշագիրը կնքեցին մարզպետ Անդրեյ Ղուկասյանը և «Աստղացոլք» ՀԿ նախագահ Իրինա Հովհաննիսյանը: Հուշագրով կողմերը պարտավորություն ստանձնեցին նպաստել երեխաների պաշտպանության համակարգի զարգացմանը, համագործակցել կյանքի դժվարին պայմաններում հայտնված երեխաների իրավունքների պաշտպանության հարցում, նպաստել երեխայակենտրոն համայնքային կայուն զարգացմանը և խնամքի մոդելների զարգացմանն ու առաջխաղացմանը, երեխաների իրավունքների պաշտպանության հարցում ներգրավել ՏԻՄ-երին և այլն:
Հարգելի քաղաքացինե՛ր, «Իրազեկ քաղաքացիների միավորումը» իրականացնում է «Պայքար կոռուպցիայի դեմ՝ քաղաքացիների իրազեկվածությունը բարձրացնելու միջոցով» ծրագիրը, որի շրջանակներում ստեղծվել է umdimel.am կայքը: Կայքում հանրամատչելի կերպով ներկայացված են տարբեր իրավիճակներում հայտնված քաղաքացիների համար նախատեսված խորհուրդներ, որոնք միտված են բարձրացնելու քաղաքացիների իրազեկվածությունը, թե տարբեր իրավիճակներում որ մարմիններին և ինչպես կարելի է դիմել։ Կայքում կարելի է գտնել ավելի քան 100 թեմատիկ հարցադրումներ և պատասխաններ, որոնք ընդգրկում են իրականացվելիք քայլերի հերթականությունն ու անհրաժեշտ փաստաթղթերը:
