Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Նոյեմբերի 30-ին և դեկտեմբերի 1-ին Վանաձորի «ԼՈՌԻ» Ժամանցի կենտրոնում «Պետական աջակցություն մշակութային միջոցառումներին» ծրագրի շրջանակներում անցկացվեց «Ազգային նվագարանների, երգի, պարի և ասմունքի» Լոռու մարզային փառատոնի մրցութային փուլը և գալա համերգը, որին մասնակցեցին անհատ կատարողներ և կոլեկտիվներ մարզի տարբեր բնակավայրերից: Միջոցառումը կազմակերպվել էր մարզպետարանի կրթության, մշակույթի և սպորտի վարչության մշակույթի և սպորտի բաժնի ջանքերով, մարզպետի տեղակալ Գայանե Մարկոսյանի համակարգմամբ, ով և միջոցառման երկու օրերին էլ ոգևորում էր մասնակիցներին իր ներկայությամբ:
«Հայաստան» համահայկական հիմնադրամի կողմից նախաձեռնված ազգային նվիրատվության 22-րդ հեռուստամարաթոնին ընդառաջ այսօր վաղ առավոտից Լոռու մարզպետարանի նախաձեռնությամբ մեկնարկել է մարզային դրամահավաքը, որի ընթացքում գոյացած միջոցները ևս կտրամադրվեն «Հայաստան» համահայկական հիմնադրամին: Հիշեցնենք, որ այս տարի մարաթոնն անցկացվում է «Ես իմ անուշ Հայաստանին. կենարար ջուր և արև համայնքներին» խորագրի ներքո և հանգանակված միջոցներն ընդհանուր առմամբ կնպատակաուղղվեն խմելու ջրի մատակարարման և արևային էներգիայի կիրառման ծրագրերի իրականացմանը Արցախում և Հայաստանի երեք մարզերում՝ Լոռի, Տավուշ, Շիրակ:
Օրեր առաջ ՀՀ Լոռու մարզի դատախազության կողմից միջնորդագիր էր ներկայացվել Լոռու մարզպետ Անդրեյ Ղուկասյանին առ այն, որ ըստ ՀՀ քննչական կոմիտեի Լոռու մարզային քննչական վարչության Ստեփանավանի քննչական բաժնում քննված քրեական գործի ուսումնասիրության, տեղական ինքնակառավարման մարմնում ոչ պատշաճ են կատարվել քաղաքաշինության բնագավառում պետությանը պատվիրակված լիազորությունները:
ՀՀ կրթության, գիտության, մշակույթի և սպորտի նախարարության երաշխավորությամբ /15.11.2019թ. N1041-Ա/2/ «Շիրակի Մ. Նալբանդյանի անվան պետական համալսարան» հիմնադրամը կազմակերպում է վերապատրաստման դասընթացներ հանրակրթական ուսումնական հաստատության ղեկավարման իրավունք (հավաստագիր) ստանալ ցանկացողների համար: Դասընթացները կկազմակերպվեն՝ ք. Գյումրի, հասցեն՝ Պ. Սևակ 4, Շիրակի Մ. Նալբանդյանի անվան պետական համալսարան, 2-րդ հարկ, ՇՊՀ արտաքին համագործակցության և հասարակայնության հետ կապերի կենտրոն, Բ2-12 սենյակ, հեռ.՝ 093171414: ք. Վանաձոր, թիվ 20 դպրոց, հասցե՝ Մյասնիկյան 7/Ա, հեռ.՝ 093852765, 093445990:
ՀՀ-ում Ֆրանսիայի արտակարգ և լիազոր դեսպան Նորին Գերազանցություն պարոն Ջոնաթան Լաքոտը՝ դեսպանատան պատասխանատու աշխատողների ուղեկցությամբ նոյեմբերի 27-ին Լոռու մարզում էր: Դեսպանը նախ եղավ Սպիտակի թիվ 2 դպրոցում, որտեղ նրան դիմավորեցին Սպիտակի քաղաքապետ Գագիկ Սահակյանը, մարզպետարանի կրթության, մշակույթի և սպորտի վարչության պետի պաշտոնակատար Ռաֆայել Հարությունյանը, դպրոցի տնօրեն Լուսինե Մաթոսյանը, այլ պաշտոնյաներ: Դպրոցը 1988-ի ավերիչ երկրաշարժից հետո տասը տարի գործել է տնակային պայմաններում, իսկ 1999 թ. Ֆրանսիայի «Հույս Հայաստանի համար» կազմակերպության միջոցներով կառուցվել է քարաշեն դպրոց: Այստեղ աշակերտները խորացված կերպով ուսումնասիրում են ֆրանսերեն լեզուն, գործում է ֆրանսերենի դասասենյակ, որտեղ լրացուցիչ պարապմունքների միջոցով երեխաներն ավելի են ամրապնդում գիտելիքները, մասնակցում տարաբնույթ միջոցառումների:
Կվերականգնվի Վերգինե և Բավական Ոսկանյանների նպաստառության իրավունքը 26.11.2019
Վանաձորցի Վերգինե և Բավական Ոսկանյաններ տարեց քույրերի սոցիալական նպաստի իրավունքից զրկված լինելու խնդիրը հանրային մեծ հնչեղություն ստացավ: Լոռու մարզպետ Անդրեյ Ղուկասյանի հանձնարարությամբ մարզպետարանի առողջապահության և սոցիալական ապահովության վարչության պետ Արթուր Մխիթարյանը, վարչության սոցիալական ապահովության բաժնի պետ Վալերի Ջաղինյանը և Վանաձորի սոցիալական աջակցության տարածքային բաժնի պետի տեղակալ Սամվել Մկրտչյանը եղան քույրերի բնակարանում:
