Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀԱՄԱՊԵՏԱԿԱՆ ՇԱԲԱԹՕՐՅԱԿ 2019 22.03.2019
Սխեմատիկ քարտեզում ներկայացված է Լոռու մարզի համայնքներում 2019թ. մարտի 23-ին համապետական շաբաթօրյակի ընթացքում կատարվող աշխատանքների մասին տեղեկատվությունը
Հայտարարություն 22.03.2019
Հարգելի հայրենակիցնե՛ր, Վաղը՝ մարտի 23-ին, առավոտյան ժամը 10.00-ից կմեկնարկի համապետական շաբաթօրյակը, որին կմասնակցեն Լոռու մարզի բոլոր համայնքները: Աշխատանքները պատշաճ կազմակերպելու համար անհրաժեշտ մարդկային ներուժը՝ 11.751 է, միջոցառման կանխատեսվող մասնակիցների թիվը՝ 11.722: Շաբաթօրյակի ընթացքում կօգտագործվի 253 տեխնիկա, 6766 գործիք: Մարզի տարածքում առկա է 112 աղբանոց, որոնցից կփակվեն 85-ը: Լոռու մարզպետարանի աշխատակազմը՝ մարզպետ Անդրեյ Ղուկասյանի գլխավորությամբ ևս ակտիվ մասնակցություն կունենա շաբաթօրյակին:
Ապրիլի 1-ից կմեկնարկի 4 ծրագիր 22.03.2019
Այսօր Լոռու մարզպետարանում տեղի ունեցավ մարզի զբաղվածության աջակցության մարզային հանձնաժողովի նիստը, որը վարում էր հանձնաժողովի նախագահ, մարզպետի տեղակալ Արշակ Հովսեփյանը:
Նախորդ շաբաթ Լոռու մարզպետարանի կրթության, մշակույթի և սպորտի վարչության պետ Ռաֆայել Հարությունյանը և վարչության մի խումբ աշխատակիցներ Լոռու մարզպետի հանձնարարությամբ անակնկալ այցեր են կատարել մարզային ենթակայության Լերմոնտովոյի, Շահումյանի, Աքորու միջնակարգ, Վանաձորի թիվ 22, Ալավերդու թիվ 2, թիվ 12, թիվ 4 հիմնական դպրոցներ: Շրջայցերի ընթացքում վեր են հանվել երեխաների ուսումնական կարիքները, ուսումնասիրվել են հաճախումները, մատենավարությունը, վարչական և ուսումնաօժանդակ անձնակազմի աշխատաժամանակը և փաստացի ներկայությունը դպրոցներում, շենքի և գույքի պահպանության խնդիրները:
Հաստատվելու դեպքում մարզում կիրականացվի 60 ծրագիր՝ 2.418.406.3 հազար դրամ ընդհանուր արժողությամբ 20.03.2019
Այս տարի Լոռու մարզի թվով 25 համայնքների կողմից ՀՀ տարածքային կառավարման և զարգացման նախարարություն է ներկայացվել 60 ծրագիր՝ 2.418.406.3 հազար դրամ ընդհանուր արժողությամբ, որից համայնքների ներդրումը կկազմի 1.110.144 հազար դրամ, այլ ներդրումները՝ 60.525.35 հազար: Ներկայացված ծրագրերը երեք անգամ ավելի են, քան նախորդ տարի:
Մարզպետ Անդրեյ Ղուկասյանն, ընդառաջելով Ստեփանավանի և Տաշիրի տարածաշրջանների մի խումբ անասնապահների խնդրանքին, այսօր հանդիպեց նրանց հետ: Անասնապահները մարզի ղեկավարին փոխանցեցին իրենց մտահոգությունը՝ նշելով, որ կաթ մթերող ընկերությունները մեկ լիտր կաթի մթերման համար սահմանել են աննախադեպ ցածր գին՝ ընդամենը 120 դրամ, վստահեցնելով, որ նախորդ տարի կաթը հանձնել են 160-170 դրամով, ամռան ամիսներին սահմանված է եղել ամենացածր գինը՝ 130 դրամ:
