Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Փախստականների պաշտպանություն և տնտեսական ինտեգրում» ծրագրի շրջանակներում ծավալվեց ակտիվ քննարկում 26.11.2019
Հայկական կարմիր խաչի ընկերության, ՀՀ ՏԿԶՆ միգրացիոն ծառայության և ՄԱԿ-ի փախստականների գրասենյակի կողմից Լոռու մարզպետարանում կազմակերպվել էր աշխատանքային հանդիպում «Փախստականների պաշտպանություն և տնտեսական ինտեգրում» ծրագրի շրջանակներում։ Մինչ քննարկումը, Հայկական կարմիր խաչի ընկերության՝ բնակչության տեղաշարժի բաժնի աշխատակիցներ Կարեն Խաչատրյանին, Աննա Հայրապետյանին և Միգրացիոն ծառայության ապաստարանի հարցերի և իրավական ապահովման բաժնի գլխավոր մասնագետ Ռոզալյա Ղուկասյանին իր աշխատասենյակում ընդունեց մարզպետի տեղակալ Գայանե Մարկոսյանը: Հյուրերը մարզպետի տեղակալին ներկայացրեցին այցի նպատակը և քննարկվելիք հարցերի շրջաակաները: Ողջունելով նախաձեռնությունը՝ Գ. Մարկոսյանը նշեց, որ մարզում բնակվող փախստականների խնդիրները ևս մարզպետարանի ամենօրյա ուշադրության կենտրոնում են:
Լոռու մարզի թիմը` ուսումնամարզական խաղերի կրկնակի հաղթող 26.11.2019
Դիլիջանում անցկացվեց ՀՀ ԿԳՄՍ նախարարության կողմից կազմակերպվող հանրակրթական դպրոցների սովորողների 4-րդ ուսումնամարզական խաղերի հանրապետական եզրափակիչ փուլը: Դպրոցականները մրցում էին ֆուտզալ, բասկետբոլ, վոլեյբոլ(տղաներ և աղջիկներ մեկ թիմում) մարզաձևերում: Ֆուտզալի հաղթանակի համար տրվում էր 3, իսկ բասկետբոլի և վոլեյբոլի հաղթանակների համար՝ 2-ական միավոր: Լոռեցիները, պարտության մատնելով եզրափակիչի բոլոր մասնակիցներին, միավորների առավելությամբ երկրորդ անգամ հռչակվեցին ուսումնամարզական խաղերի ՀՀ չեմպիոն:
Հեռուստամարաթոնի ընթացքում հավաքված միջոցները կուղղվեն նաև Լոռու մարզ 25.11.2019
Նոյեմբերի 28-ին «Հայաստան» համահայկական հիմնադրամը կանցկացնի ազգային նվիրատվության 22-րդ հեռուստամարաթոնը՝ «Ես իմ անուշ Հայաստանին. կենարար ջուր և արև համայնքներին» խորագրի ներքո, որն ուղիղ հեռարձակմամբ կմեկնարկի ժամը 22.00-ին՝ Հայաստանի հանրային հեռուստաընկերությամբ: Հեռուստամարաթոնի ընթացքում հավաքված միջոցները 2020թ.-ին կուղղվեն նաև Լոռու մարզ: Ընդհանուր առմամբ միջոցները կնպատակաուղղվեն խմելու ջրի մատակարարման և արևային էներգիայի կիրառման ծրագրերի իրականացմանը Արցախում և Հայաստանի երեք մարզերում՝ Լոռի, Տավուշ, Շիրակ: Ծրագրերի շահառուներ կդառնան հարյուրավոր համայնքներ՝ ապահովվելով շուրջօրյա ջրամատակարարմամբ, ջեռուցմամբ ու էլեկտրաէներգիայով:
ԼՈՌՈՒ ՄԱՐԶՈՒՄ ԳՅՀՈՒՂԱՏՆՏԵՍՈՒԹՅԱՆ ԶԱՐԳԱՑՄԱՆՆ ՈՒՂՂՎԱԾ ԽՈՇՈՐԱԾԱՎԱԼ ԾՐԱԳԻՐ ԿԻՐԱԿԱՆԱՑՎԻ 25.11.2019
Նոյեմբերի 25-ին Լոռու մարզպետի տեղակալ Գայանե Մարկոսյանն ընդունեց «ԵՄ կանաչ գյուղատնտեսության նախաձեռնությունը Հայաստանում»(EU-GAIA)ծրագրի թիմի ղեկավար Պասկալ Բոկկերսին և ծրագրի կանաչ տեխնոլոգիաների փորձագետ Վարդան Թոռչյանին: Հանդիպմանը մասնակցում էին նաև մարզպետարանի պատասխանատու պաշտոնյաներ: Հյուրերը տեղեկացրեցին, որ այս տարվա հոկտեմբերի 1-ին մեկնարկել է «ԵՄ կանաչ գյուղատնտեսության նախաձեռնությունը Հայաստանում»(EU-GAIA)ծրագիրը, որը ֆինանսավորվում է Եվրոպական միության և համաֆինանսավորվում ու իրականացվում Ավստրիական զարգացման գործակալության կողմից: Այն նախատեսվում է իրականացնել Լոռու, Տավուշի և Շիրակի մարզերում, ընդ ուրում ծրագրի համակարգման գրասենյակը կհիմնվի հենց Վանաձորում՝ երեք աշխատակցով: Ինչպես նշեց Պասկալ Բոկկերսը, ծրագրի ընդհանուր նպատակն է նպաստել Հայաստանի հյուսիսային շրջաններում ընդհանուր և համաչափ զարգացմանը՝ խթանելով կանաչ գյուղատնտեսությունը և ավելացնելով տեղական արտադրանքի հավելյալ արժեքը:
ԱՆՑԿԱՑՎԵՑ ՀԱՇՄԱՆԴԱՄՈՒԹՅՈՒՆ ՈՒՆԵՑՈՂ ԱՆՁԱՆՑ ՀԱՐՑԵՐՈՎ ԶԲԱՂՎՈՂ ԼՈՌՈՒ ՄԱՐԶՅԻՆ ՀԱՆՁՆԱԺՈՂՈՎԻ ՆԻՍՏԸ 22.11.2019
Լոռու մարզպետարանում անցկացվեց Հաշմանդամություն ունեցող անձանց հարցերով զբաղվող Լոռու մարզային հանձնաժողովի նիստը, որը վարում էր մարզպետի տեղակալ Գայանե Մարկոսյանը: Օրակարգային առաջին հարցով հանձնաժողովի քարտուղար, մարզպետարանի առողջապահության և սոցիալական ապահովության վարչության սոցիալական ապահովության բաժնի պետ Վալերի Ջաղինյանը, տեղեկատվության ներկայացնելով նախորդ նիստին տրված հանձնարարականների վերաբերյալ, նշեց, որ դրանք կատարվել են առանց թերացումների: Հանձնաժողովի քարտուղարը նաև հայտնեց, որ ՀՀ կառավարության համապատասխան որոշմամբ հաստատվել է «Հաշմանդամություն ունեցող անձանց սոցիալական ներառման 2020 թվականի տարեկան ծրագիրը և միջոցառումների ցանկը»՝ առաջարկելով հանձնաժողովի անդամներին առավել հանգամանորեն ծանոթանալ փաստաթղթին:
Անցկացվեց Լոռու մարզի զբաղվածության աջակցության մարզային հանձնաժողովի նիստը, որը վարում էր հանձնաժողովի նախագահ, մարզպետի տեղակալ Գայանե Մարկոսյանը: Հանձնաժողովի քարտուղար, մարզպետարանի առողջապահության և սոցիալական ապահովության վարչության սոցիալական ապահովության բաժնի պետ Վալերի Ջաղինյանն առաջարկեց հաստատել Սպիտակ համայնքի կողմից իրականացվելիք «Սպիտակ համայնքի ճանապարհների հարակից տարածքների բարեկարգման օժանդակ աշխատանքներ» ծրագիրը, որը նախատեսվում է իրականացնել նոյեմբերի 25-դեկտեմբերի 12-ն ընկած ժամանակահատվածում: Ծրագրում զբաղված կլինի 8 աշխատանք փնտրող քաղաքացի:
