Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Համայնքների ղեկավարները խոստացան ապահովել եկամուտների հավաքագրման պատշաճ կատարողական 03.12.2019
Լոռու մարզպետի տեղակալ Գայանե Մարկոսյանի կողմից մարզի համայնքների ղեկավարների մասկացությամբ հարկերի հավաքագրման թեմայով խորհրդակցությունից շուրջ մեկ ամիս է անցել: Դեկտեմբերի 3-ին վերջիններս կրկին հրավիրվել էին մարզպետարան, և քննարկման թեման դարձյալ սեփական եկամուտների հավաքագրման պարտադիր լիզորությունների պատշաճ իրականացումն էր: Նախորդ հանդիպման ընթացքում ամրագրվել էին հստակ ցուցանիշեր, որոնց պետք է փորձեին հասնել համայնքները մինչև դեկտեմբերի 1-ը, ապա նաև՝ մինչև տարեվերջ ընկած ժամանակահատվածներում:
ՍՈՒԲՎԵՆՑԻՈՆ ԾՐԱԳՐԵՐԸ ՇԱՐՈՒՆԱԿՈՒՄ ԵՆ ՄՆԱԼ ՄԱՐԶՊԵՏԻ ԱՇԽԱՏԱՆՔԱՅԻՆ ՕՐԱԿԱՐԳՈՒՄ 02.12.2019
Նոյեմբերի 29-ին Լոռու մարզպետ Անդրեյ Ղուկասյանը մարզպետարանի մի խումբ պատասխանատու պաշտոնյաների ուղեկցությամբ աշխատանքային այցով եղավ Մարգահովիտ համայնքում՝ պետություն-համայնք համատեղ ներդրմամբ իրականացվող սուբվենցիոն ծրագրերի ընթացքին ծանոթանալու նպատակով: Մարգահովիտ համայնքում անցկացվել է լուսավորության համակարգ (ծրագրի պայմանագրային արժեքը՝ 6 մլն 876 հազար դրամ է),կառուցվել է ջրահեռացման ցանկ (պայմանագրային արժեքը՝ 6 մլն 120 հազար դրամ):Աշխատանքներն արդեն իսկ ավարտված են: Մարգահովիտ համայնքում իրականացվել է նաև ճանապարհի 1.1 կմ հատվածի ասֆալտապատում և 2 կմ հատվածի խճապատում: Ծրագրի արժեքը 81 մլն 990 դրամ է: Ծրագրի իրականացմանը աջակցել է Էյ-Սի-Փի ընկերությունը՝ շուրջ 41 մլն դրամ ներդրմամբ: Աշխատանքներն ավարտական փուլում են:
Հայաստանի ազգային պոլիտեխնիկական համալսարանի Վանաձորի մասնաճյուղը հանդիսավորությամբ նշեց հիմնադրման 60-ամյակը: Տոնական միջոցառմանը ներկա էին Լոռու մարզպետ Անդրեյ Ղուկասյանը, Վանաձոր համայնքի ղեկավար Մամիկոն Ասլանյանը, մարզպետարանի և քաղաքապետարանի պաշտոնյաներ, բուհի պրոֆեսորադասախոսական կազմը,նախկին և ներկա ուսանողներ, բազմաթիվ հյուրեր: Բուհին հոբելյանական տարեդարձի առթիվ իր շնորհավորանքի խոսքը հղեց մարզի ղեկավարը:Կարևորելով Պոլիտեխնիկի մեծ դերակատարությունը ինժեներական մասնագիտությունների պատրաստման,գիտության ու կրթության ոլորտում ունեցած ծանրակշիռ ներդրման առումով, մաղթեց, որ բուհի ապագան լինի առավել փառապանծ, քան անցյալը: Բուհին ուղղված նրա ուղերձում մասնավորապես նշված էր.
ԱՎԱՐՏՎԵԼ Է ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ԵՐԿՕՐՅԱ ԱՇԽԱՏԱՆՔԱՅԻՆ ԱՅՑԸ ՖՐԱՆՍԻԱՅԻ ՊԱԿԱ ՌԵԳԻՈՆ 02.12.2019
Ինչպես արդեն տեղեկացրել ենք, երկօրյա պաշտոնական այցով Ֆրանսիայի հանրապետության Պրովանս-Ալպեր Լազուրի Ափ (ՊԱԿԱ) ռեգիոնում էր Լոռու մարզպետ Անդրեյ Ղուկասյանը: Այցի առաջին օրը մարզի ղեկավարը հանդիպում է ունեցել Մարսելում ՀՀ հյուպատոս Ռուբեն Խարազյանի հետ: Աշխատանքային ջերմ մթնոլորտում նրանք ՊԱԿԱ ռեգիոնի նախագահ, Ֆրանսիայի ռեգիոնների նախագահ Ռենո Մուզելիեի հետ քննարկել են քույր մարզերի միջև մինչ այժմ իրականացված ծրագրերն, ու որ ամենակարևորն է, այն ուղղությունները, որոնց շրջանակներում իրականացվող ծրագրերը կարող են մեծ նշանակություն ունենալ երկկողմ հարաբերությունների ամրապնդման վրա: Անդրեյ Ղուկասյանը Ռենո Մուզելիեին հրավիրել է պատասխան այցով լինելու Լոռիում: Վերջինս խոստացել է չուշացնել փոխադարձ այցը՝ նախնական պայմանավորվածություններն արդեն Լոռիում ամրագրելու ակնկալիքով: Հանդիպման ավարտին երկու մարզերի միջև համաձայնագրի ստորագրմամբ նախանշվել է համագործակցության նոր փուլի սկիզբը: Կողմերը հույս են հայտնել, որ համագործակցությունը փոխշահավետ կլինի:
Մեծարվեցին Լոռու մարզային փրկարարական վարչության հաշմանդամություն ունեցող աշխատակիցները 02.12.2019
Դեկտեմբերի 2-ին Լոռու մարզպետ Անդրեյ Ղուկասյանը Լոռու մարզային փրկարարական վարչությունում ներկա գտնվեց Հաշմանդամության միջազգային օրվան ընդառաջ կազմակերպված միջոցառմանը, որի ընթացքում մեծարվեցին և բարձր գնահատանքի արժանացան այստեղ աշխատող թվով 6 հաշմանդամություն ունեցող անձինք: Մարզի ղեկավարն իր երախտագիտության խոսքը հղեց նրանց՝ կարևորելով վերջիններիս մեծ դրակատարությունը աշխատանքները բարձր պատասխանատվությամբ իրականացնելու հարցում.
Նոյեմբերի 30-ին և դեկտեմբերի 1-ին Վանաձորի «ԼՈՌԻ» Ժամանցի կենտրոնում «Պետական աջակցություն մշակութային միջոցառումներին» ծրագրի շրջանակներում անցկացվեց «Ազգային նվագարանների, երգի, պարի և ասմունքի» Լոռու մարզային փառատոնի մրցութային փուլը և գալա համերգը, որին մասնակցեցին անհատ կատարողներ և կոլեկտիվներ մարզի տարբեր բնակավայրերից: Միջոցառումը կազմակերպվել էր մարզպետարանի կրթության, մշակույթի և սպորտի վարչության մշակույթի և սպորտի բաժնի ջանքերով, մարզպետի տեղակալ Գայանե Մարկոսյանի համակարգմամբ, ով և միջոցառման երկու օրերին էլ ոգևորում էր մասնակիցներին իր ներկայությամբ:
