Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Անդրեյ Ղուկասյան. «Իրենց կյանքը հանուն հայրենիքի զոհած մեր հերոսներին պարտական ենք ամբողջ կյանքում» 08.05.2020
Շուշիի ազատագրման 28-ամյակի և Երկրապահի օրվա առթիվ մարզային իշխանությունները՝ մարզպետ Անդրեյ Ղուկասյանի գլխավորությամբ, այսօր իրենց խոնարհումը հայտնեցին հանուն հայրենիքի իրենց կյանքը նվիրաբերած հայորդիների հիշատակին ու անսահման երախտագիտությունը՝ նրանց, ովքեր մեզ հետ են, մեր կողքին: Մայիսի 8-ն ամբողջությամբ նվիրված էր հենց նրանց: Ի պատիվ ազգային ազատագրական պայքարում հայ կամավորականների սխրանքի` առավոտյան Գուգարաց թեմի առաջնորդարանին կից` Վանաձորի Սբ. Սարգիս եկեղեցու բակում՝ հանդիսապետությամբ թեմակալ առաջնորդ Տեր Սեպուհ արքեպիսկոպոս Չուլջյանի, տեղի ունեցավ միջոցառում՝ մարզպետ Անդրեյ Ղուկասյանի, մարզպետի տեղակալ Գայանե Մարկոսյանի, Վանաձորի քաղաքապետ Մամիկոն Ասլանյանի, Գուգարաց թեմի հոգևոր դասի, մարզպետարանի ու քաղաքապետարանի պաշտոնյաների, Երկրապահ կամավորական միության անդամների մասնակցությամբ։
Մարզի համայնքների կողմից ներկայացված պարարտանյութի պահանջարկն ամբողջությամբ կբավարարվի 06.05.2020
Այսօր ազոտական պարարտանյութի հերթական խմբաքանակը՝ շուրջ 62 տոննա, մատակարար կազմակերպության կողմից և Լոռու մազպետարանի աշխատակիցների մասնակցությամբ բաշխվեց Թումանյանի և Գուգարքի տարածաշրջանների համայնքներին: Վաղը և մյուս օրը կբաշխվի ևս 125 տոննա՝ այս անգամ արդեն Սպիտակի և Տաշիրի տարածաշրջանների համայնքներին: Հաջորդ շաբաթ մարզ կներկրվի 190 տոննա ազոտական պարարտանյութ, որը նախատեսվում է բաշխել Սպիտակի, Տաշիրի և Ստեփանավանաի տարածաշրջանների համայնքներին:
ՈՒՇԱԴՐՈՒԹՅՈՒՆ 06.05.2020
ՀՀ կրթության, գիտության, մշակույթի և սպորտի նախարարությունը նախաձեռնում է միջին դասարանների(5-9-րդ) աշակերտների շրջանում «Մնա տանը-եղիր առողջ» խորագրով ֆիզկուլտուրային համալիր վարժությունների տեսաձայնագրությունների մրցույթ, որի նպատակն է խթանել երեխաների շրջանում ֆիզիկական կուլտուրան և ֆիզիկական դաստիարակությունը: Տեսաձայնագրությունները պետք է ներկայացվեն krtutyun.lori@gmail.com էլեկտրոնային հասցեին՝ մայիսի 7- մայիսի 22-ը՝ ժամը 18.00-ն:
ՀՀ Տարածքային կառավարման և ենթակառուցվածքների նախարար Սուրեն Պապիկյանը մայիսի 3-ին Լոռու մարզ կատարած աշխատանքային այցի շրջանակում Լոռու մազպետ Անդրեյ Ղուկասյանի ուղեկցությամբ հետևել է մի շարք ճանապարհահատվածների շինարարական աշխատանքների ընթացքին: Շրջայցին մասնակցել է նաև փոխնախարար Քրիստինե Ղալեչյանի Մ3 միջպետական մայրուղու Սպիտակ քաղաքով անցնող ճանապարհահատվածում նախարարն իր դժգոհությունն է հայտնել շինարարության տեմպից, անդադարձել նախորդ տարի այս հատվածում կատարված աշխատանքերի բացթողումներին։ «Պահանջներն ու մոտեցումները փոխվել են, հիմա մենք այլ իրականությունում ենք ապրում: Ձեզ ընձեռնված են բոլոր հնարավորությունները՝ աշխատելու և գործը հաջողելու։ Բայց որակն ու պատասխանատվությունն այս հարցում անչափ կարևոր է: Չեք կարող հին մոտեցումներով, հնացած տեխնիկայով շարունակել և ակնկալել որակյալ արդյունք»,-ընդգծել է նախարարը և խստիվ հանձնարարել ոլորտի պատասխանատուներին ամենօրյա ռեժիմով հետևել շինարարության տեմպին և որակի պահպանմանը և զեկուցել ընթացքի մասին։
Գործընթացի մեկնարկը տրված է մեծ թափով 04.05.2020
Մարզում պետություն-համայնք համատեղ ներդրմամբ իրականացվող սուբվենցիոն ծրագրերով այս տարի ակնկալում ենք շուրջ 5 մլրդ դրամի ներդրում: Իմ ամենօրյա ուշադրության կենտրոնում է լինելու աշխատանքների լավագույն որակի ապահովումը և ծրագրերը ժամկետների մեջ ավարտին հասցնելը: ՀՀ վարչապետի որոշմամբ ստեղծված` սուբվենցիաներ ստանալու համար ծրագրային հայտերի գնահատման միջգերատեսչական հանձնաժողովի կողմից քննարկվել և հավանության են արժանացել ևս մի քանի ծրագրեր՝ այդ թվում՝ Վանաձոր համայնքի.
Լոռու մարզպետարանը հավատարիմ մնալով խոստմանը (https://www.facebook.com/permalink.php?story_fbid=728586467913400&id=244085213030197) իրականացրել է Գյուլագարակ խոշորացված համայնքի Պուշկինո բնակավայրում բնակվող Մովսիսյանների ընտանիքի տան տանիքի վերականգնման նախագծանախահաշվային աշխատանքներ:Ինչպես հայտնի է, այն օրեր առաջ փլուզվել էր առատ ձյան հետևանքով: Տանիքի վերականգնման համար անհրաժեշտ շինանյութի ձեռք բերման համար ընդհանուր առմամբ անհրաժեշտ կլինի 900.000 դրամ, որից 500.000 դրամը պատրաստակամություն է հայտնել վճարելու սիրելի գործընկեր > բարեգործական հիմնադրամը, 400.000 դրամ էլ կհատկացնի Լոռու մարզպետարանը:
