Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քննարկվեցին մի շարք օրախնդիր հարցեր, տրվեցին հանձնարարականներ 18.05.2020
Լոռու մարզպետ Անդրեյ Ղուկասյանն այսօր ընդլայնված խորհրդակցություն անցկացրեց փոխմարզպետ Գայանե Մարկոսյանի, մարզպետարանի գլխավոր քարտուղար Արթուր Մխիթարյանի, կառուցվածքային ստորաբաժանումների ղեկավարների և մարզպետարանի պատասխանատու այլ պաշտոնյաների մասնակցությամբ: Մինչ օրակարգային հարցերին անցնելը, տեղեկատվություն ներկայացվեց նախորդ շաբաթ մարզի ղեկավարի կողմից տրված հանձնարարականների կատարման վերաբերյալ: Այնուհետ ներկաները հանդես եկան կատարված աշխատանքների մասին հաշվետվությամբ: Փոխմարզպետ Գայանե Մարկոսյանը տեղեկացրեց, որ նախորդ շաբաթվա ընթացքում մարզպետարանի աջակցող խմբերի և կամավորների օգնությամբ շարունակվել է սննդօգնության բաշխումը մարզի կարիքավոր ընտանիքներին, որոնց վերաբերյալ յուրաքանչյուր շաբաթ տեղեկանք է հրապարակվում:
Կարևորվեց կանխարգելիչ միջոցառումներ իրականացնելու անհրաժեշտությունը 18.05.2020
Լոռու մարզպետարանի ընտանիքի, կանանց և երեխաների իրավունքների պաշտպանության բաժնի պետ Սարգիս Գրիգորյանը հանդիպում-քննարկում անցկացրեց ՀՀ ոստիկանության Լոռու մարզային վարչության անչափահասների գործերով և ընտանիքում բռնության կանխարգելման բաժանմունքների պետերի մասնակցությամբ: Ս. Գրիգորյանը կարևորեց անչափահաս իրավախախտ, ուշադրության կենտրոնում հայտնված երեխաների հետ կապված աշխատանքներն առավել համագործակցված և արդյունավետ կազմակերպելը: Նա ընդգծեց նաև կանխարգելիչ միջոցառումներ իրականացնելու անհրաժեշտությունը, որը ևս պետք է իրականացվի բաժին-ոստիկանություն համատեղ ջանքերով: Համաձայնություն ձեռքբերվեց անհրաժեշտության դեպքում յուրաքանչյուր դեպքի առնչությամբ առանձին քննարկում կազմակերպել:
Մայիսի 14-ին Լոռու մարզպետ Անդրեյ Ղուկասյանն աշխատանքային այցով եղավ Լոռի Բերդ խոշորացված համայնքի Բովաձոր բնակավայրում, Տաշիր խոշորացված համայնքի Տաշիր քաղաքում և Մեդովկա բնակավայրում՝ ծանոթանալու ինչպես պետական աջակցությամբ, այնպես էլ՝ մասնավոր ներդրումներով իրականացվող անասնապահության զարգացմանն ուղղված ծրագրերին: Առաջին կանգառը Բովաձորում էր: Այստեղ Սարգիս Մարիկյանը «Փոքր և միջին «խելացի» անասնաշենքերի կառուցման կամ վերակառուցման և դրանց տեխնոլոգիական ապահովման պետական աջակցության» ծրագրով իրականացնում է պոլիէթիլենային տարբերակով անասնաշենքի կառուցում՝ նախատեսված շուրջ 45 գլուխ խոշոր եղջերավոր կենդանիների համար: Աշխատանքների զգալի մասը կատարված է. առաջին փուլով նախատեսված աշխատանքներն ավարտված են, աջակցության մի մասը ևս ստացել է: Շուտով ավարտին կմոտենա երկրորդ փուլը, որից հետո կստանա նաև աջակցության մյուս մասը: Այսպիսով՝ ընդհանուր առմամբ 35 մլն դրամ արժողությամբ ծրագրի շուրջ 50 տոկոսը կփոխհատուցի պետությունը:
Հայտնի են «Իմ գունեղ Լոռի» խորագրով գունանկարի առցանց մրցույթի մրցանակակիրները 12.05.2020
Ամփոփվել են Լոռու մարզպետարանի և «Ազգային արժեք» մշակույթի համահայկական հիմնադրամի կողմից հայտարարված, Հայրենական մեծ պատերազմում տարած Հաղթանակի-75-րդ տարեդարձին և Շուշիի ազատագրման 28- ամյակին նվիրված «Իմ գունեղ Լոռի» խորագրով գունանկարի առցանց մրցույթի արդյունքները: Մրցույթին մասնակցում էին Լոռու մարզի դպրոցների 1-ին - 5-րդ դասարանների աշակերտները՝ ընդհանուր առմամբ 531 դպրոցական:
ՀՀ կառավարության մայիսի 7-ի, թիվ 709 որոշմամբ՝ 2020թ. պետբյուջեում կատարված վերաբաշխման արդյունքում 21 մլն 724 հազար դրամ կհատկացվի Լոռու մարզի՝ Վանաձորի Խ. Աբովյանի անվան թիվ 9, Ծովակալ Իսակովի անվան թիվ 23 հիմնական դպրոցների, Ստեփանավանի թիվ 1 վարժարանի և Ագարակի միջնակարգ դպրոցի մարզադահլիճների կառուցման նպատակով նախագծային աշխատանքներ իրականացնելու համար: Եվս 18 մլն 300 հազար դրամ կհատկացվի Վանաձորի Ղևոնդ Ալիշանի անվան թիվ 27 , Ալավերդու թիվ 12 հիմնական դպրոցների, Վարդաբլուրի միջնակարգ դպրոցի մարզադահլիճների վերակառուցման նպատակով նախագծային աշխատանքներ իրականացնելու համար:
Ծաղիկներ խոնարհվեցին անմար կրակի առջև 11.05.2020
Ստեղծված իրավիճակով պայմանավորված՝ Հայրենական մեծ պատերազմում տարած հաղթանակի 75-րդ տարեդարձին, Հաղթանակի և խաղաղության օրվան նվիրված միջոցառումը մարզկենտրոնում սակավամարդ էր: Վանաձորի Հայրենական մեծ պատերազմի հաղթանակին նվիրված հուշարձանի մոտ հայրենիքի համար իրենց կյանքը զոհաբերած զինվորներին իրենց հարգանքի տուրքը մատուցելու էին եկել Լոռու մարզպետ Անդրեյ Ղուկասյանը, փոխմարզպետ Գայանե Մարկոսյանը, Վանաձոր համայնքի ղեկավար Մամիկոն Ասլանյանը, Գուգարաց թեմի առաջնորդ, տեր Սեպուհ արքեպիսկոպոս Չուլջյանը, մարզպետարանի, համայնքապետարանի պաշտոնյաներ, Հայրենական մեծ պատերազմի և արցախյան ազատամարտի վետերաններ, ԵԿՄ անդամներ, զինվորականներ:
