Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լուսաղբյուր համայնքում զոհերի հիշատակը հավերժացնող խաչքար օծվեց 31.05.2021
Լոռու մարզի Լուսաղբյուր համայնքում տեղի ունեցավ Արցախյան 44֊օրյա պատերազմում զոհված լուսաղբյուրցիներ Մյասնիկ Սիմոնյանի, Արա Մադոյանի և Մանուկ Ավագյանի հիշատակը հավերժացնող խաչքարի օծման արարողությունը: Ներկա էին Լոռու փոխմարզպետ Քաջայր Նիկողոսյանը, զինվորական այրեր, Սպիտակի Սբ. Հարություն եղեկեցու հոգևոր հովիվ Տեր Օվսե քահանա Հովհաննիսյանը, համայնքի ղեկավար Արամայիս Հակոբյանը, համայնքների ղեկավարներ, բնակիչներ: Ներկաները իրենց հարգանքի տուրքը մատուցեցին զոհված հերոսների հիշատակին և ծաղիկներ խոնարհեցին խաչքարին։
«Մարզերի զբոսաշրջային ներուժը». էքսպո-ցուցահանդես Երևանում 31.05.2021
ՀՀ էկոնոմիկայի նախարարության Զբոսաշրջության կոմիտեն մայիսի 27-ին և 28-ին Երևանի Խաչքարերի պուրակում (Կառավարական 3-րդ շենքի դիմաց) կազմակերպել էր «Ճանաչիր Հայաստանը» կարգախոսով բացօթյա ցուցահանդես։ Միջոցառման նպատակն էր ներկայացնել Հայաստանի յուրաքանչյուր մարզի զբոսաշրջային ներուժն ու խթանել դեպի մարզեր այցելությունների աճը՝ առավել գրավիչ ներկայացնելով մարզերը ճամփորդների և ներքին զբոսաշրջիկների համար: Ցուցահանդեսին ներկայացված էին Հայաստանի բոլոր մարզերի բերքն ու բարիքը, հայ արվեստագետների ձեռքի աշխատանքներ, կիրառական արվեստի նմուշներ, նկարներ, ձեռագործ տիկնիկներ, փայտե և կավե նմուշներ և այլն։ Արկածային տաղավարում էքստրեմալ ճամփորդությունների սիրահարները կարող էին ծանոթանալ Հայաստանի արկածային զբոսաշրջային հնարավորություններին, իսկ գաստրո տաղավարում շեֆ խոհարարները հյուրերին ներկայացրել են տարբեր մարզերին հատուկ ուտեստները։ Ցուցահանդեսի ընթացքում կազմակերպվել են նաև վարպետաց դասեր ու մշակութային ցուցադրություններ։
Նշվեց Հայաստանի առաջին հանրապետության օրը՝ 31.05.2021
Հայաստանի առաջին Հանրապետությանը և մայիսյան հերոսամարտերին նվիրված տոնակատարությունն այս տարի ևս Վանաձորում համախմբել էր բազմաթիվ վանաձորցիների: Վանաձորի Կոտրած եկեղեցու տարածքում կազմակերպված միջոցառմանը մասնակցում էին Լոռու մարզպետ Արամ Խաչատրյանը, ԱԺ պատգամավոր Վանիկ Օհանյանը, Վանաձորի քաղաքապետ Մամիկոն Ասլանյանը, մարզային ու քաղաքային իշխանությունների ներկայացուցիչներ, ուժային կառույցների ղեկավարներ, ներկայացուցիչներ, հյուրեր:
Հարգանքի տուրք՝ 1988թ. երկրաշարժի և Արևելյան Ճապոնիայում տեղի ունեցած ցունամիի զոհերի հիշատակին 27.05.2021
Ճապոնիայի նորանշանակ արտակարգ և լիազոր դեսպան Ֆուկուսիմա Մասանորին իր առաջին աշխատանքային այցն իրականացրեց Լոռու մարզ: ՀՀ արտակարգ իրավիճակների նախարար Անդրանիկ Փիլոյանի և Լոռու մարզպետ Արամ Խաչատրյանի հետ դեսպանը եղավ Սպիտակ համայնքում՝ ծաղիկներ խոնարհելով նախ Սպիտակի կենտրոնական պուրակում տեղադրված 1988թ.-ի ավերիչ երկրաշարժի, ապա նաև՝ Արևելյան Ճապոնիայում տեղի ունեցած ցունամիի ու Ապրիլյան քառօրյա պատերազմում զոհված զինծառայողների խաչքարերին:
Լոռու մարզպետարանում անցկացվեց Հաշմանդամություն ունեցող անձանց հարցերով զբաղվող Լոռու մարզային հանձնաժողովի նիստը։ Փոխմարզպետ Գոռ Ասրյանի նախագահությամբ անցկացված նիստին մասնակցում էին նաև ՀՀ Աշխատանքի և սոցիալական հարցերի (ԱՍՀՆ) նախարարի տեղակալ Տաթևիկ Ստեփանյանը, Հաշմանդամություն ունեցող անձանց հիմնահարցերի բաժնի պետ Աննա Հակոբյանը։ Օրակարգային հարցերի շրջանակներում Լոռու մարզպետարանի առողջապահության և սոցիալական ապահովության վարչության սոցիալական ապահովության բաժնի պետ, հանձնաժողովի քարտուղար Վալերի Ջաղինյանը ներկայացրեց նախորդ նիստի ընթացքում տրված հանձնարարականների կատարման ընթացքը և արդյունքները:
Գյումրիում Գիտության և մշակույթի ռուսական կենտրոնի կողմից կազմակերպված երգի, ասմունքի, պարի և էսսեի ռուսական փառատոնին մասնակցում էին Լոռու, Տավուշի, Արագածոտնի, Շիրակի մարզերի ներկայացուցիչները: Մեր մարզից պարը և էսսեն ներկայացնում էին Վանաձորի թիվ 23 դպրոցի սաները, երգարվեստը՝ Ստեփանավանի դպրոցի սանը, ասմունքը՝ Վանաձորի պոեզիայի թատրոնի սանը:
