Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ֆիոլետովոյի դպրոցի շենքային պայմանները բարելավվել են 02.09.2021
Գիտելիքի և դպրության օրվա կապակցությամբ Լոռու մարզպետի տեղակալ Գոռ Ասրյանն այցելեց մոլոկաններով բնակեցված Ֆիոլետովո համայնքի միջնակարգ դպրոց, ուր սովորում է 144 աշակերտ: Տոնական միջոցառման հյուրերի թվում էին նաև ՌԴ գլխավոր հյուպատոս Ռուսլան Կանդաուրովը, «Հարավկովկասյան երկաթուղի» ՓԲԸ գլխավոր տնօրեն Ալեքսեյ Մելնիկովը, ԱԺ պատգամավոր Ալեքսեյ Սանդիկովը, Երկաթուղայինների միջազգային արհեստակցական կոնֆեդերացիայի ներկայացուցիչներ, պաշտոնական հյուրեր: Նրանք շնորհավորեցին դպրոցականներին, հատուկ ողջույններ հղեցին առաջին դասարանցի 17 փոքրիկներին՝ մաղթելով խաղաղ, հաճելի և նոր գիտելիքներով հարուստ ուսումնական տարի:
Կասֆալտապատվի Լեռնավանի կենտրոնական ճանապարհը 02.09.2021
Պետություն-համայնք համատեղ ներդրմամբ իրականացվող սուբվենցիոն միջոցներով այս տարի նախատեսվում է վերանորոգել Լեռնավան համայնքի կենտրոնական ճանապարհը: Ծրագրի ընդհանուր բյուջեն կազմում է մոտ 24.6 մլն. դրամ, որից 7.4 մլն. դրամը՝ պետական, 17.2 մլն. դրամը` համայնքային ներդրում է: Ծրագրի իրականացման արդյունքում կասֆալտապատվի 250մ երկարությամբ և 5.5-6 մ լայնությամբ ճանապարհ: Ծրագրի շահառու է համայնքի ողջ բնակչությունը:
Առաջին դասարանցիներին բարի ուսումնառություն մաղթեցին մարզպետարանի պաշտոնյաները 01.09.2021
Լոռու մարզպետի տեղակալ Գոռ Ասրյանը, Լոռու մարզպետարանի կրթության. մշակույթի և սպորտի վարչության պետ Արամ Գրիգորյանը, վարչության մասնագետները նոր ուսումնական տարվա մեկնարկի կապակցությամբ այցելեցին դպրոցներ: Նրանք ներկա գտնվեցին առաջին դասարանցիների նորամուտի միջոցառումներին, ողջունեցին և բարեմաղթանքներ հղեցին նրանց: -Սիրելի աշակերտնե՛ր, այսօր առանձնահատուկ և հիշարժան օր է ձեզ համար, շնորհավորում եմ ձեզ առաջին զանգի կապակցությամբ, առողջ լինեք, խաղաղության մեջ ապրեք, լավ սովորեք և ձեր գիտելիքներով շենացնեք մեր հայրենիքը: Ուսման մեջ և կյանքում թող հաջողություններն ուղեկցեն ձեզ, դեպի դպրոց ճանապարհը թող հարթ լինի: Շնորհավորում եմ,- իր խոսքում ասաց Գ. Ասրյանը:
60 մլն դրամ Վանաձորում բակերի և վերելակների վերանորոգման և նպատակով 01.09.2021
Ինչպես արդեն տեղեկացրել ենք, ՀՀ կառավարության որոշմամբ Լոռու մարզպետարանին հատկացված
ՀՀ կառավարության որոշմամբ Լոռու մարզպետարանին հատկացված 140 մլն դրամից 40 մլն-ը Լոռու մարզպետ Արամ Խաչատրյանի որոշմամբ ուղղվելու է Ամրակիցի, Լեջանի, Արջուտի, Վարդաբլուրի, Վահագնիի միջնակարգ դպրոցներում, Վանաձորի թիվ 28, թիվ 2, թիվ 9, Մղարթի հիմնական դպրոցներում և «Լոռի-Փամբակի երկրագիտական թանգարանում» մի շարք նորոգման աշխատանքներ իրականացնելու համար: Այսօր Լոռու մարզպետ Արամ Խաչատրյանը մարզպետարանի պատասխանատու պաշտոնայների ուղեկցությամբ այցելեց Վանաձորի թիվ 2, 9, 28 հիմնական դպրոցներ և թանգարան՝ ծանոթանալու այստեղ նախատեսվող շինաշխատանքներին: Մարզի ղեկավարը տնօրենների հետ շրջեց հաստատություններում, ծանոթացավ կրթօջախների շենքային պայմաններին, առկա խնդիրներին, ինչպես նաև իրականացված և նախատեսվող ծրագրերին:
Մարզի դիմորդներից բուհ են ընդունվել են 27.08.2021
Օգոստոսի 26-ին Վանաձորի Շառլ Ազնավուրի անվան մշակույթի պալատում անցկացվեց հանրակրթական ուսումնական հաստատությունների օգոստոսյան խորհրդակցությունը, որի նպատակն է նոր ուսումնական տարվան ընդառաջ տեղերում քննարկել ոլորտի խնդիրները: Խորհրդակցությունը վարում էր Լոռու մարզպետի տեղակալ Գոռ Ասրյանը: Մասնակցում էին ԿԳՄՍ նախարարի տեղակալ Ժաննա Անդրեասյանը, Կրթության զարգացման նորարարությունների ազգային կենտրոնի (ԿԶՆԱԿ) տնօրենի պաշտոնակատար Արտաշես Թորոսյանը, Հանրապետական մանկավարժահոգեբանական կենտրոնի տնօրեն Արաքսիա Սվաջյանը, ԿԳՄՍ և Առողջապահության նախարարությունների տարբեր ստորաբաժանումների ղեկավարներ, Լոռու մարզպետարանի պաշտոնյաներ, հանրակրթական դպրոցների տնօրեններ, մանկավարժաներ:
