Տեղեկատվական կենտրոն
Նորություններ
Պարգևատրվել են 15.10.2020
ՀՀ վարչապետ Նիկոլ Փաշինյանը Հանրապետության նախագահին միջնորդություն է ներկայացրել N զորամասի հրամանատար, գնդապետ Վահագն Ասատրյանին հետմահու Ազգային հերոսի կոչում շնորհելու մասին: Գնդապետ Ասատրյանը հերոսաբար զոհվել է երկու օր առաջ՝ հայրենիքը թուրք-ադրբեջանաահաբեկչական ագրեսիայից պաշտպանելիս: ՀՀ վարչապետ Նիկոլ Փաշինյանը Հանրապետության նախագահին միջնորդություն է ներկայացրել ՀՀ ԶՈւ 2-րդ բանակային կորպուսի հրամանատար, գնդապետ Արայիկ Հարությունյանին գեներալ-մայորի, ՀՀ ԶՈւ 4-րդ բանակային կորպուսի հրամանատար, գնդապետ Արտակ Բուդաղյանին գեներալ-մայորի, ՀՀ ԶՈւ գլխավոր շտաբի պետ, գեներալ-լեյտենանտ Օնիկ Գասպարյանին գեներալ-գնդապետի զինվորական կոչում շնորհելու մասին: Արցախի նախագահ Արայիկ Հարությունյանի հրամանագրով, Արցախի պաշտպանության բանակի հրամանատար, գեներալ-մայոր Ջալալ Հարությունյանին շնորհվել է գեներալ-լեյտենանտի զինվորական կոչում: Փառք Հայոց բանակին Փառք հայ զինվորներին Հաղթելու ենք
Ռազմական դրության պայմաններում անհրաժեշտ թեժ գծեր՝ 15.10.2020
• Ռազմական դրության պայմաններում սոցիալական աջակցություն տրամադրելու և ստանալու համար զանգահարել 117 կամ 114 • Առողջական խնդիրների, այդ թվում՝ կորոնավիրուսի նախանշանների դեպքում այցելել ժամանակավոր բնակության վայրին ամենամոտ գտնվող պոլիկլինիկա, թեժ գիծ` 8003 • Զինծառայողների կամ կամավոր զինվորագրվածների մասին տեղեկատվություն ստանալու համար Պաշտպանության նախարարության թեժ գիծ` 1 28, 8501, 8503 • Մարտական գործողությունների մասնակից անձանց և նրանց ընտանիքներին, ինչպես նաև տուժած քաղաքացիներին անվճար օնլայն հոգեբանական օգնություն ցուցաբերելու թեժ գիծ` 060 834 777 • Արցախի Հանրապետությունում հաշվառված անձանց կանխիկ եղանակով վճարվող կենսաթոշակները և պետական նպաստները կվճարվեն ՀՀ-ում՝ սկսած հոկտեմբերի 9-ից։ Այցելել «Հայփոստ» փակ բաժնետիրական ընկերության՝ կենսաթոշակառուի (նպաստառուի)` փաստացի բնակության վայրը սպասարկող մասնաճյուղ։ Մանրամասն տեղեկություններ ստանալու համար կարող եք զանգահարել 114 թեժ գծի կամ «Հայփոստ» ՓԲԸ 010 514514 հեռախոսահամարներով
![Թող անառիկ ու խաղաղ լինեն մեր Հայրենիքի սահմանները, թող շատ երեխաներ լույս աշխարհ գան Թող անառիկ ու խաղաղ լինեն մեր Հայրենիքի սահմանները, թող շատ երեխաներ լույս աշխարհ գան](http://lori.mtad.am/files/n_pics/27114_s.jpg)
Թող անառիկ ու խաղաղ լինեն մեր Հայրենիքի սահմանները, թող շատ երեխաներ լույս աշխարհ գան 15.10.2020
Արցախցի արդեն երրորդ փոքրիկը՝ գեղեցկուհի Եվան, լույս աշխարհ է եկել Վանաձորի բժշկական կենտրոնում: Նա երկու քաջարի եղբայրների միակ և անկրկնելի քույր է, ովքեր արդեն այսօր վստահեցնում են, որ ապագա զինվոր են ու պաշտպանելու են ոչ միայն իրենց քրոջը, այլև՝ Հայրենիքը: Փոքրիկ Եվային և նրա մայրիկին՝ Էլինային, այսօր բազմաթիվ նվերներով այցելեց մարզպետի տեղակալ Գայանե Մարկոսյանը: Նա ի դեմս Եվայի, աշխարհի բոլոր մանուկներին մաղթեց խաղաղ երկնքի տակ մեծանալու, արարելու երջանկություն.
![Լոռու մարզպետարանի աշխատակազմը «Հայաստան» համահայկական հիմնադրամի հաշվին է փոխանցել 7 մլն 584 հազար դրամ Լոռու մարզպետարանի աշխատակազմը «Հայաստան» համահայկական հիմնադրամի հաշվին է փոխանցել 7 մլն 584 հազար դրամ](http://lori.mtad.am/files/n_pics/27091_s.jpg)
ՀՀ Լոռու մարզպետարանի աշխատակազմը, միանալով «Մենք ենք, մեր սահմանները. բոլորս Արցախի համար» մարդասիրական և զարգացման ծրագրերին, 7 մլն 584 հազար դրամ ՀՀ դրամ է փոխանցել «Հայաստան» համահայկական հիմնադրամի հաշվին: Այս օրհասական պահին Արցախին աջակցություն ցուցաբերելու անհատների և կազմակերպությունների պատրաստակամությունը շատ կարևոր է, ինչը ևս մեկ անգամ վկայում է մեր միասնականության, անհրաժեշտ պահին բռունցքվելու կամքի մասին: Կոչ ենք անում մեր բոլո՛ր հայրենակիցներին Հայաստանի Հանրապետությունում և սփյուռքում է՛լ ավելի ակտիվ լինել, համախմբված. այսօր Արցախն ունի բոլորիս օժանդակության կարիքը: Հայ զինվորը, վայրկյան անգամ չվարանելով, իր կյանքն է դնում զոհասեղանին՝ հանուն հայրենիքի, իսկ մենք՝ թիկունքում պարզապես պարտավո՛ր ենք մեր ողջ ներուժով օգնել, նպաստել հաղթանակի կերտմանը ու հետո նաև՝ Արցախի վերածննդին: Միասին մենք անպարտելի՛ ենք: Նվիրատվություն իրականացնելու համար կարող եք այցելել. www.himnadram.org կայքէջ #Հաղթելու_ենք
![Հանձնաժողով ստեղծելու մասին Հանձնաժողով ստեղծելու մասին](http://lori.mtad.am/files/n_pics/27094_s.jpg)
Հանձնաժողով ստեղծելու մասին 14.10.2020
Մարտական գործողությունների գոտում գտնվող զինծառայողների հետ կապված՝ քաղաքացիներին հուզող հարցերին օպերատիվ կարգով արձագանքելու նպատակով ձևավորվել է աշխատանքային հանձնաժողով: Հանձնաժողովը կգործի ՀՀ ՊՆ ռազմական ավիացիոն համալսարանի տարածքում, հասցե՝ ք․ Երևան, Արշակունյաց պող․ 89, հեռախոս՝ +374 10 448425: ՀՀ ՊՆ Հիշեցնենք, որ գործում են նաև ՀՀ ՊՆ թեժ գծի 1-28, +374 10 29-46-76 և +374 10 66-00-54, ինչպես նաև ԶՈՒ ԳՇ 8501 և 8503 հեռախոսահամարները: Վիրավոր զինծառայողների առողջական վիճակի հետ կապված հարցերի պարզաբանումների համար գործում է +374 10 29-46-27 հեռախոսահամարը:
![Նշանակվել են Լոռու մարզային և համայնքապետարանների պատասխանատուներ Նշանակվել են Լոռու մարզային և համայնքապետարանների պատասխանատուներ](http://lori.mtad.am/files/n_pics/27097_s.jpg)
Նշանակվել են Լոռու մարզային և համայնքապետարանների պատասխանատուներ 14.10.2020
ՈՒշադրություն Հարգելի՛ քաղաքացիներ, ստեղծված իրավիճակով պայմանավորված՝ նշանակվել են Արցախի Հանրապետությունից Լոռու մարզ տեղափոխված ընտանիքների հարցերով զբաղվող Լոռու մարզային և համայնքապետարանների պատասխանատուներ: Նշված տեղեկատվությանը կարող եք ծանոթանալ այստեղ: