Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մի խումբ բուժաշխատողներ պարգևատրվել են Առողջապահության նախարարի պատվոգրերով և շնորհակալագրերով 18.01.2022
Առողջապահության համակարգում անձնվեր և պատասխանատու աշխատանքի, հայրենիքին մատուցած ծառայությունների, անմնացորդ նվիրումի համար ՀՀ առողջապահության նախարարի պատվոգրերով և շնորհակալագրերով են պարգևատրվել Լոռու մարզի մի խումբ նվիրյալ բուժաշխատողներ: Նրանց այսօր հանդիսավոր պայմաններում պարգևները հանձնեցին Լոռու մարզպետի տեղակալ Գոռ Ասրյանը և մարզպետարանի առողջապահության և սոցիալական ապահովության վարչության պետ Ռուզաննա Պողոսյանը:
ՈՒՇԱԴՐՈՒԹՅՈՒՆ 17.01.2022
2022 թվականի հունվարի 1-ից Հայաստանի Հանրապետության Վանաձոր համայնքում շինթույլտվություն ստանալու համար այլևս պետք է դիմել բացառապես էլեկտրոնային եղանակով։ Այսուհետ քաղաքացին, կառուցապատողը դիմելով շինթույլտվության համար, կարող է տեսնել ու հետևել իր դիմումի ամբողջ ընթացքին՝ դիմելու օրվանից մինչև վերջնական որոշում։ Շինթույլտվությունների գործընթացը էլեկտրոնային դարձնելու նպատակն է կրճատել վարչարարությունը, կրճատել ծախսվող ժամանակը, ապահովել ավելի բարձր փոխգործելիության մակարդակ պետական կառավարման, տեղական ինքնակառավարման, մատակարար և կառուցապատող կազմակերպությունների միջև: Էլեկտրոնային եղանակով կառուցապատման թույլտվությունները կտրվեն e-permits համակարգի միջոցով:
Լոռու մարզում կմեկնարկի «Առողջ Հայաստան» փորձնական ծրագիրը 17.01.2022
Լոռու մարզպետ Արամ Խաչատրյանն այսօր ընդունեց «Դասավանդի՛ր, Հայաստան» կրթական կազմակերպության հիմնադիր Լարիսա Հովհաննիսյանին և Առողջապահության նախարարի 1-ին տեղակալի խորհրդական Արազ Չիլոյանին: Հանդիպման նպատակն էր քննարկել «Դասավանդի՛ր, Հայաստան» կրթական ծրագրի մոդելի ու փորձի հիման վրա ստեղծված նախաձեռնության՝ «Առողջ Հայաստան» հիմնադրամի գործունեության մանրամասները:
Օձուն և Տաշիր համայնքների դպրոցականները կտիրապետեն ավիամոդելավորման հմտությունների 14.01.2022
«Իգոր Մուրադյանի քաղաքական և գիտական ժառանգության» հիմնադրամը ձեռնամուխ է եղել այս տարվանից Լոռու մարզի Օձուն և Տաշիր համայնքերում ներդնելու ինժեներական խմբակների ուսումնական ծրագրեր՝ շուրջ 450 երեխայի ուսուցանելով կոնստրուկտորական հմտություններ, տեխնիկական խնդիրների ինքնուրույն հայտնաբերման ունակություններ, սովորեցնելով կազմել մոդելների (արագընթաց, պիլոտաժային, օդային մարտ, ազատ թռչող)նախագծման և կառուցման անհատական նախագծեր:
Ամփոփվեցին ԱԻՆ Լոռու մարզային փրկարարական վարչության 2021թ.-ի աշխատանքները 13.01.2022
ՀՀ ԱԻՆ Լոռու մարզային փրկարարական վարչությունում այսօր տեղի ունեցավ 2021 թվականի ընթացքում արտակարգ իրավիճակներում մարզի բնակչության պաշտպանության ու քաղաքացիական պաշտպանության ոլորտներում ԱԻՆ Լոռու մարզային փրկարարական վարչության կողմից իրականացված աշխատանքների հաշվետու նիստը: 2021 թվականի տարեկան աշխատանքները ներկայացրեց Լոռու մարզային փրկարարական վարչության պետ, փրկարարական ծառայության գնդապետ Սերոբ Գաբրիելյանը:
Պարտադիր զինվորական ծառայության մեկնեց վանաձորցի նորակոչիկների ձմեռային զորակոչի առաջին խումբը 10.01.2022
ՀՀ ՊՆ Լոռու մարզի զինվորական կոմիսարիատի Վանաձորի բաժանմունքից պարտադիր ժամկետային զինվորական ծառայության մեկնեցին ձմեռային զորակոչի առաջին նորակոչիկները: Զորակոչի առթիվ կազմակերպված միջոցառմանը մասնակցում էին Լոռու մարզպետ Արամ Խաչատրյանը, Գուգարաց Թեմի առաջնորդ Գերաշնորհ Տեր Հովնան եպիսկոպոս Հակոբյանը, զորակոչային և զորահավաքային համալրման ծառայության Լոռու մարզի տարածքային ստորաբաժանման ղեկավար Սամվել Գևորգյանը, Լոռու մարզպետարանի զորահավաքային նախապատրաստության բաժնի պետ Արմեն Հակոբյանը, ուժային կառույցների ղեկավարներ, պաշտոնատար այլ անձինք, զինակոչիկների հարազատներ ու ընկերներ:
